ჰაერის კომპრესორი
დალაგება:
მოიძებნა 14 პროდუქტი
ჰაერის კომპრესორი, ძირითადად, ისეთი საქმიანობებისთვის გამოიყენება, როგორებიცაა საბურავის გაბერვა, რთულად მისადგომი ადგილების წმენდა, სხვადასხვა ხელსაწყოების გააქტიურება და ზედაპირების თანაბარი ღებვა.
ის ჰაერის ძლიერ წნევას წარმოქმნის და ამით სამუშაოს სწრაფად და მარტივად შესრულებას უზრუნველყოფს.
რისთვის გამოიყენება ჰაერის კომპრესორი?
საბურავებისა და სპორტული აღჭურვილობის გაბერვა - ჰაერის კომპრესორები ერთ-ერთი ყველაზე პოპულარული საშუალებაა მანქანის, ველოსიპედის, მოტოციკლის საბურავების, ასევე ბურთებისა და სხვა სპორტული აღჭურვილობის გასაბერად. შეკუმშული ჰაერის საშუალებით პროცესი სწრაფად და ეფექტურად სრულდება, რაც დროსა და ძალისხმევას ზოგავს.
სამღებრო საქმიანობა - ჰაერის კომპრესორი აუცილებელია სამღებრო სამუშაოებისთვის, რადგან ის უზრუნველყოფს საღებავის თანაბარ გადანაწილებას ზედაპირზე. კომპრესორთან დაკავშირებული სპრეი თოფების საშუალებით შესაძლებელია სამრეწველო საფარისა და ავტომობილის ზედაპირების თანაბრად და ხარისხიანად შეღებვა.
გაწმენდა და მტვრის მოცილება - შეკუმშული ჰაერის ნაკადი ეფექტურია რთულად მისადგომი ადგილების გასაწმენდად. ჰაერის კომპრესორი წარმატებით გამოიყენება მტვრის მოსაშორებლად კლავიატურებიდან, კომპიუტერის პროცესორებიდან და სხვადასხვა ტიპის მილებიდან. ეს მეთოდი უზრუნველყოფს სრულყოფილ წმენდას მექანიკური დაზიანების გარეშე.
სამედიცინო ხელსაწყოები- ჰაერის კომპრესორებს ასევე მნიშვნელოვანი გამოყენება აქვთ სამედიცინო სფეროში, განსაკუთრებით სტომატოლოგიაში. ისინი აწვდიან შეკუმშულ ჰაერს ისეთი ხელსაწყოების ასამუშავებლად, როგორიცაა, მაგალითად, სტომატოლოგიური ბურღის აპარატები.
როგორ შევარჩიოთ ჰაერის კომპრესორები?
იმისთვის, რომ ჰაერის კომპრესორები ეფექტურად შეარჩიოთ, პირველ რიგში, განსაზღვრეთ რისთვის აპირებთ მის გამოყენებას - იქნება ეს სხვადასხვა ზედაპირების შეღებვა, წმენდა თუ საბურავების გაბერვა. ამის მიხედვით შეგეძლებათ პროდუქტის ძრავის ტიპის, ავზის მოცულობის, სამუშაო წნევისა და ლუბრიკაციის ტიპის შერჩევა.
თუ კომპრესორის გამოყენება დახურულ სივრცეში დაგჭირდებათ, მხედველობაში მიიღეთ ხმაურის დონეც, რათა მოწყობილობის მუშაობამ გარშემომყოფებს დისკომფორტი არ შეუქმნას.
ამასთან ერთად, ყურადღება მიაქციეთ პროდუქტის ზომასაც. თუ მოწყობილობის ერთი ადგილიდან მეორემდე გადატანა ხშირად გიწევთ, ეს მახასიათებელი თქვენთვის მნიშვნელოვანი იქნება.
“ინგკოს” კომპრესორი - რა უპირატესობა აქვს მის შეძენას?
“ინგკო” ჩინური ბრენდია, რომელიც როგორც ქართულ, ისე მსოფლიო ბაზარზე მრავალი წელია ოპერირებს. მისი მიზანია ხელსაწყოები და ინსტრუმენტები მაქსიმალურად ხელმისაწვდომი გახადოს ყველასთვის.
ინსტრუმენტები და ხელსაწყოები “ინგკოში” როგორც ტექნიკურად, ისე ვიზუალურად სრულიად გამართულია და ეფექტურად ასრულებს შესაბამის სამუშაოს.
ჩვენი ჰაერის კომპრესორები ერთმანეთისგან ავზის ზომით, ხმაურის დონით, წნევით, ჰაერის ნაკადითა და სიმძლავრით განსხვავდება. ზოგიერთ მათგანს კი საჭირო აქსესუარებიც მოჰყვება.
ჩვენს კატალოგში შეგხვდებათ როგორც ჰაერის კომპრესორი, ისე სხვადასხვა ზომის მილებიც, რომლებიც მოწყობილობის ეფექტურ მუშაობას უზრუნველყოფს.
შენაძენის გაკეთება “ნოვას” ჰიპერმარკეტებსა და ჩვენს ოფიციალურ ვებსაიტზე შეგიძლიათ. ხელმისაწვდომია ადგილზე მიტანის სერვისიც სრულიად საქართველოს მასშტაბით.