როგორ შევარჩიოთ მაღალი წნევით სარეცხი დანადგარი

მაღალი წნევით სარეცხი დანადგარი მოწყობილობაა, რომელიც ძრავის დახმარებით წყლის ძლიერ ჭავლს ქმნის, რომელიც ავტომობილებში ჩამჯდარი ჭუჭყის, ეზოს ფილების, ფასადებისა თუ ავეჯის გასაწმენდად გამოიყენება.

მაღალი წნევის აპარატის შერჩევა ბევრ დეტალზე დაკვირვებას მოითხოვს, თუმცა მომხმარებელთა უმრავლესობა ერთსა და იმავე შეცდომას უშვებს — რამდენიმე მოდელს შორის ყველაზე მაღალი წნევის მქონე მოწყობილობას ირჩევს, რადგან ფიქრობს, რომ მაქსიმალური სიმძლავრით უკეთესად გარეცხავს ავტომობილს ან გამწმენდს ზედაპირებს. 

დიახ, ეს ნამდვილად ლოგიკური გათვლაა, თუმცა მისი შედეგი ხშირად სავალალოა: ზედმეტი წნევა აზიანებს ავტომობილის საღებავს, თავად დანადგარი კი მალევე გამოდის მწყობრიდან. 

ამრიგად, სწორი არჩევანი მხოლოდ ერთ ციფრს არასდროს ეფუძნება. ის საკუთარი საჭიროებებისა და დანადგარის ძრავის, ტუმბოსა და სხვა კომპონენტების მიხედვით შერჩევას მოითხოვს.

გაითვალისწინეთ წნევა, წყლის ნაკადი და მათი ურთიერთკავშირი

მაღალი წნევით რეცხვის დანადგარის შესაძლებლობას ორი მახასიათებელი განსაზღვრავს, ესენია: წნევის და წყლის ნაკადები.

წნევა, რომელიც ბარებში იზომება, არის ძალა, რომლითაც წყლის ჭავლი ზედაპირს ეხება, ჭუჭყს, ტალახს, ობსა და სხვა ტიპის დაბინძურებებს აცლის.

რაც შეეხება წყლის ნაკადის სიჩქარეს იგივე გამტარიანობას, ლ/წთ-ში იზომება და წყლის იმ რაოდენობას განსაზღვრავს, რომელსაც დანადგარი ერთ წუთში გამოსტყორცნის. რაც უფრო დიდი მოცულობის წყალს გამოიმუშავებს დანადგარი ერთ წუთში მით უფრო ეფექტურად ასუფთავებს დიდ ფართობებს. 

დანადგარის წმენდის რეალური სიჩქარის შესაფასებლად, შემდეგ ფორმულად იყენებენ: PSI×GPM=CU, სადაც PSI არის წნევის საზომი ერთეული, GPM გვიჩვენებს წყლის ნაკადის სიჩქარეს, CU კი ამ ორი მონაცემის ნამრავლია და აპარატის წმენდის რეალურ სიჩქარეს ასახავს.

მაგალითად, წარმოვიდგინოთ, რომ გვაქვს ორი მაღალი წნევით სარეცხი აპარატი:

• დანადგარი A: 3000 PSI და 2.0 GPM. მისი საწმენდი ერთეულია 3000×2.0=6000CU.
• დანადგარი B: 2500 PSI და 3.0 GPM. მისი საწმენდი ერთეულია 2500×3.0=7500CU.

 ერთი შეხედვით, დანადგარი A უფრო მძლავრი ჩანს მაღალი წნევის (PSI) გამო. თუმცა, დანადგარი B საქმეს ბევრად სწრაფად დაასრულებს, რადგან მისი წმენდის რეალური სიჩქარის მაჩვენებელი მაღალია. ამიტომ, ის უფრო მოკლე დროში უფრო მეტ ფართობს გაწმენდს, ვიდრე დანადგარი A.

შეარჩიეთ დატვირთვის შესაბამისი ძრავა — ნახშირიანი თუ ინდუქციური?

ძრავის ტიპი განსაზღვრავს, რა ხანგრძლივობითა და სიხშირით შეძლებს წნევით რეცხვის აპარატი მუშაობას. ბაზარზე ძირითადად ორი ტიპის ძრავას შეხვდებით: ნახშირიანი და ინდუქციური. 

ნახშირის ძრავა

ნახშირიანი, ანუ კოლექტორული ძრავის მუშაობის პრინციპი მექანიკურ კონტაქტს ეფუძნება. მასში არსებული ნახშირის ჯაგრისები პირდაპირ ეხება ძრავის მბრუნავ ნაწილს და დენს აწვდის მას. ამ მუდმივი ხახუნის შედეგად წარმოიქმნება სითბო, ჯაგრისები ცვდება და მოწყობილობა ხმაურს გამოსცემს. 

შესაბამისად, ჯაგრისები დროთა განმავლობაში იცვითება და აუცილებლად საჭიროებს შეცვლას. გადახურების მაღალი რისკის გამო, ასეთი ძრავები ვერ უძლებენ ხანგრძლივ და უწყვეტ მუშაობას. ამიტომ, უფრო მეტად ოპტიმალურია მათთვის, ვინც დანადგარს იშვიათად ან ხანმოკლე სამუშაოსთვის იყენებს, ან ვისაც დაბალი ბიუჯეტი აქვს გათვლილი მაღალი წნევით რეცხვის აპარატის შესაძენად.

ინდუქციური ძრავები

ნახშირიანი მოდელებისგან ფუნდამენტურად განსხვავდება ინდუქციური, ანუ უჯაგრისო ძრავა. მისი მუშაობა მაგნიტური ველის პრინციპს ეფუძნება და, სახელწოდებიდან გამომდინარე, მას არ გააჩნია ნახშირის ჯაგრისები. ეს ნიშნავს, რომ დენის გადაცემისთვის მექანიკური კონტაქტი და ხახუნი არ სჭირდება.

ხახუნის არარსებობის გამო, ინდუქციური ძრავა გაცილებით ნაკლებ სითბოს გამოყოფს, თითქმის არ ცვდება და ბევრად უფრო ჩუმია. შედეგად, მას შეუძლია საათების განმავლობაში შეუჩერებლად მუშაობა გადახურების რისკის გარეშე. რადგან არ აქვს ცვეთადი ნაწილები, მისი საექსპლუატაციო ვადა ბევრად უფრო ხანგრძლივია და ის ფაქტობრივად არ საჭიროებს ტექნიკურ მომსახურებას.

ამ უპირატესობების გამო, ის საუკეთესო არჩევანია მათთვის, ვინც აპარატის ხშირ ან ხანგრძლივ გამოყენებას გეგმავს და პრიორიტეტს გამძლეობასა და დაბალ ხმაურს ანიჭებს. თუმცა, გასათვალისწინებელია, რომ ინდუქციური ძრავები უფრო მძიმე და ძვირია.

რომელი მასალის ტუმბოს უნდა მიანიჭოთ უპირატესობა — პლასტმასა, ალუმინი თუ თითბერი?

აპარატის გამძლეობაზე, ძრავის შემდეგ, ყველაზე დიდ გავლენას ტუმბო ახდენს.  რომელიც წნევას ქმნის. კერძოდ, მნიშვნელობა აქვს იმას თუ რომელი მასალისგანაა დამზადებული დანადგარის ეს კომპონენტი, მაგალითად:

• პლასტმასას ტუმბო: ყველაზე ბიუჯეტურ მოდელებში გამოიყენება. ვერ უძლებს გადახურებასა და წნევას, რის გამოც ადვილად ზიანდება. ამ ტიპის ტუმბო არ ექვემდებარება შეკეთებას. 
• ალუმინის ტუმბო: ძირითად შემთხვევაში საყოფაცხოვრებო დანადგარებში გამოიყენება და გაცილებით უკეთესია, ვიდრე პლასტმასას, რადგან უკეთ იტანს სითბოს. საკმარისად გამძლეა პერიოდული, მაგრამ არა სისმატური გამოყენებისთვის
• თითბერის ტუმბო: ყველაზე კარგი ხარისხის ტუმბო ამ მასალისაგან მზადდება. მდგრადია კოროზიის მიმართ, კარგად უძლებს მაღალ ტემპერატურასა და წნევას.

როგორ შევარჩიოთ დანადგარი კონკრეტული მიზნებისთვის?

ზემოთ განხილული კომპონენტები და მახასიათებლები უნდა შეარჩიოთ იმის მიხედვით, თუ რისთვის გჭირდებათ დანადგარი. პირობითად, შეგვიძლია გამოვყოთ სამი ძირითადი კატეგორია:

თუ აპარატის გამოყენებას გეგმავთ იშვიათად, მაგალითად, თვეში რამდენჯერმე ავტომობილის, მოტოციკლის ან ბაღის ავეჯის გასარეცხად, თქვენთვის ოპტიმალური იქნება 130 ბარამდე წნევის მქონე მოდელი. ასეთი ამოცანებისთვის ნახშირიანი ძრავა და ალუმინის ტუმბო, რომელიც პერიოდულ დატვირთვას უპრობლემოდ უძლებს, სრულიად საკმარისი იქნება.

რეგულარული საყოფაცხოვრებო გამოყენებისთვის, პირობითად, ეზოს ფილების, ფასადისა და ავტომობილის ხშირი წმენდისთვის, უმჯობესია შეარჩიოთ 130-160 ბარის მქონე დანადგარზე. ამ შემთხვევაში უმჯობესი იქნება თუ ინდუქციური ძრავის მქონე მოდელს შეარჩევთ.

ხოლო ინტენსიური სამუშაოებისთვის საჭიროა უფრო მძლავრი მაღალი წნევით რეცხვის დანადგარი. ასეთი სამუშაოებისთვის აუცილებელია 160 ბარზე მაღალი წნევა და მძლავრი ინდუქციური ძრავა, რომელიც ინტენსიურ დატვირთვას გაუძლებს.

სად უნდა შეიძინოთ მაღალი წნევით სარეცხი დანადგარი და სად უნდა ენდოთ ხარისხს?

INGCO-ს ასორტიმენტში იპოვით ყველა კატეგორიის მაღალი წნევით სარეცხ დანადგარს — როგორც იშვიათი გამოყენებისთვის განკუთვნილ ბიუჯეტურ მოდელებს, ისე ინტენსიური სამუშაოებისთვის შექმნილ მძლავრ აპარატებს ინდუქციური ძრავით.

პროდუქცია ხელმისაწვდომია მთელი საქართველოს მასშტაბით. სასურველი მაღალი წნევით რეცხვის დანადგარი შესაძენად ესტუმრეთ პარტნიორ მაღაზიებს ან შეარჩიეთ მოდელი ონლაინ. 

შეარჩიეთ INGCO-ს მაღალი წნევით სარეცხი დანადგარები თქვენი საჭიროებების შესაბამისად და მიიღეთ საიმედო, გამძლე მოწყობილობა ოფიციალური გარანტიითა და სრული ტექნიკური მხარდაჭერით.