როგორ შევარჩიოთ ბალახის სათიბი — ყველაფერი, რაც ყიდვამდე უნდა იცოდეთ

ბალახის სათიბი შეუცვლელი ნივთია მათთვის, ვისაც მოვლილი ეზო უყვარს. თუმცა, დღეს ბაზარზე იმდენი მოდელია ხელმისაწვდომი, რომ სწორი არჩევანის გაკეთება ძალიან რთულია. არასწორად შერჩეული აპარატი კი არაეფექტურად მუშაობს და ზედმეტ ხარჯებთანაც არის დაკავშირებული.

ამის გამო, ამ ბლოგში გაგიზიარებთ იმ ძირითად რჩევებს, რომლებიც დაგეხმარებათ, თქვენს საჭიროებებზე მორგებული სათიბი შეარჩიოთ.

შეაფასეთ ეზოს ფართობი და რელიეფი

სათიბის ეფექტურობას ყველაზე მეტად მისი სამუშაო გარემო განსაზღვრავს.  ამიტომ, პირველ რიგში, ეზოს ზომა და რელიეფი შეაფასეთ, რათა დარწმუნდეთ, რომ მოწყობილობა მაქსიმალურად ეფექტური იქნება და ფიზიკური დატვირთვით მუშაობა არ მოგიწევთ. 

პირობითად, თუ დიდი ეზოსთვის (500 კვ.მ-ზე მეტი) მცირე ზომის სათიბს შეიძენთ, ბალახის გათიბვას ძალიან დიდი დროს მოანდომებთ. პირიქით, პატარა ფართობისათვის დიდი და მძლავრი მოწყობილობა მოუხერხებელი იქნება, რადგან ბევრ ადგილს ვერ მიუდგებით და ზედმეტი ელექტროენერგია ან საწვავი დაიხარჯება. 

იგივე ეხება რელიეფს. თუ თქვენი ეზო დახრილი ან უსწორმასწოროა, აუცილებლად თვითმავალი სათიბი დაგჭირდებათ, რადგან ხელით სატარებელი მოდელით მუშაობა დამღლელი იქნება. უსწორმასწორო ზედაპირზე კი უპირატესობა მიანიჭეთ დიდი ბორბლების მქონე მოდელს, რომელიც მარტივად გადაადგილდება. 

შეარჩიეთ მოწყობილობის ტიპი — ბენზინზე მომუშავე ან ელექტრო

სიმძლავრეზე მნიშვნელოვანი ხშირად ენერგიის წყაროს ტიპის სწორად შერჩევაა. ეს არჩევანი განსაზღვრავს არა მხოლოდ მუშაობის პროცესს, არამედ მოწყობილობის მოვლის სპეციფიკასა და გრძელვადიან ხარჯებსაც.

აირჩიეთ ბენზინის ძრავის მქონე მოდელი, თუ თქვენი ეზო დიდი ფართობისაა და მოწყობილობას სქელი ბალახის მოსაჭრელად არჩევთ. ამ ტიპის ბალახის სათიბი მარტივად გადაადგილდება, რადგან სადენი არ აქვს და დენის წყაროზე შეერთება არ სჭირდება. ამის ნაცვლად, მოწყობილობას სჭირდება საწვავი, რომელის შევსებაც, ამოწურვის შემთხვევაში, სულ რამდენიმე წუთშია შესაძლებელი. თუმცა, გაითვალისწინეთ, რომ ბენზინის მოდელები უფრო ხმაურიანია. 

იმ შემთხვევაში თუ თქვენი პრიორიტეტი კომფორტი და მინიმალური ტექნიკური მომსახურების საჭიროებაა, მაშინ ელექტრო სათიბი საუკეთესო შენაძენი იქნება. ის გაცილებით მსუბუქია, მუშაობისას ნაკლებ ხმას გამოსცეს და მარტივად გამოსაყენებელია. უნდა გაითვალისწინოთ ამ მოდელების მთავარი ნაკლი - ელექტრო ენერგიაზე მომუშავე სათიბები მუდმივად დენის წყაროში უნდა იყოს შეერთებული, ამიტომ დიდ მანძილზე ვერ გადაადგილდება, ელემენტიანების მუშაობის დრო კი შეზღუდულია და რესურსის ამოწურვის შემდეგ ხელახლა დამუხტვას საჭიროებს. 

დაფიქრდით, ნამდვილად გჭირდებათ თუ არა მძლავრი მოდელი

გავრცელებული მოსაზრებით, რაც უფრო მაღალია სიმძლავრე, მით უფრო ეფექტურია ბალახის სათიბი. ეს მიდგომა ყოველთვის არ ამართლებს. თუ სათიბს რთულ რელიეფზე ან მაღალ ბალახზე სამუშაოდ არჩევთ, რა თქმა უნდა, მძლავრი მოდელი გჭირდებათ, რომელსაც 1500-2000 ვატის სიმძლავრე ექნება.

თუმცა, თუ გაზონი მეტ-ნაკლებად სტანდარტულია — დიდი ზონის ბალახი და რთული რელიეფი არ არის — მძლავრი მოდელი არ დაგჭირდებათ, რადგან მის პოტენციალს სრულად ვერ გამოიყენებთ და უბრალოდ, ზედმეტ ენერგიას დახარჯავთ.

ყურადღება მიაქციეთ ჭრის ფუნქციებსა და სიგანეს

სათიბის ეფექტურობას პირდაპირ განსაზღვრავს მისი თიბვის სიგანე. რაც უფრო ფართოა ის, მით უფრო სწრაფად დაასრულებთ საქმეს. 

• 30-40 სმ სიგანე საკმარისია მცირე ზომის ეზოებისთვის.
• 40-55 სმ სიგანე განკუთვნილია საშუალო ფართობებისთვის.
• 55 სმ-ზე მეტი კი პროფესიონალური და ძალიან დიდი ნაკვეთებისთვისაა. 

გაითვალისწინეთ მოხმარების სიმარტივე და მოვლის პროცესი

კარგი სათიბი არა მხოლოდ ეფექტურად უნდა თიბავდეს, არამედ მისი გამოყენება, გაწმენდა და შენახვაც მარტივი უნდა იყოს. სანამ მოდელს შეარჩევთ, დაფიქრდით: 

• რამდენად მარტივია მისი ჩართვა?
• რამდენად ადვილია მუშაობის შემდეგ ბალახის ნარჩენებისგან მისი გაწმენდა? 
• აქვს თუ არა დასაკეცი სახელური, რაც მის შენახვას გაამარტივებს? 

ბალახის თიბვა თუ თქვენთვის დიდი ფიზიკური დატვირთვა არ არის და ეზოც სწორია, ჩვეულებრივი ხელით გადასაადგილებელი მოდელი უნდა შეარჩიოთ. მაგრამ თუ დიდი ეზო გაქვთ ან ფიზიკურ დატვირთვას ერიდებით, თქვენთვის თვითმავალი მოდელი უფრო მოსახერხებელი იქნება. 

ეს მცირე დეტალები განსაზღვრავს მოწყობილობის ერგონომიულობას და გავლენას ახდენს მოხმარების კომფორტზე.

დააზუსტეთ საგარანტიო პირობები და სერვისის ხელმისაწვდომობა

სანამ საბოლოო გადაწყვეტილებას მიიღებთ, აუცილებლად დააზუსტეთ საგარანტიო პირობები. გაარკვიეთ, რა ვადით ვრცელდება გარანტია და რას ფარავს ის. ასევე, მნიშვნელოვანია, ხელმისაწვდომი იყოს სერვის-ცენტრები და სათადარიგო ნაწილები, რათა დაზიანების შემთხვევაში, თქვენი მოწყობილობის შეკეთება პრობლემას არ წარმოადგენდეს.

ენდეთ ბრენდს, რომელიც ხარისხსა და საიმედოობას გთავაზობთ

კარგი ბრენდი მხოლოდ ცნობილ სახელთან არ ასოცირდება. მნიშვნელოვანია, რას გთავაზობთ ის რეალურად. მაგალითად,  პროფესიონალური და დამხმარე ხელსაწყოების ბრენდი INGCO ცდილობს, ხელმისაწვდომ ფასად მაღალი ხარისხი შემოგთავაზოთ, რისთვისაც აქცენტს კონკრეტულ, მნიშვნელოვან დეტალებზე აკეთებს. ამას ის ფაქტიც ადასტურებს, რომ ჩვენი სათიბები ცნობილი და სანდო Zongshen-ის ძრავებითაა აღჭურვილი. 

ელემენტიანი მოდელების შემთხვევაში კი INGCO-ს მთავარი უპირატესობა P20S სისტემაა. ეს ნიშნავს, რომ ერთ ბატარეას ბრენდის სხვა უამრავი მოწყობილობაც ერგება, მაგალითად, ბალახის ტრიმერი, ბეწვა ხერხი და ა.შ. შესაბამისად, სხვა მოწყობილობის შეძენისას, თქვენ აღარ გიწევთ დამატებითი თანხის გადახდა ახალ ბატარეასა და დამტენში, რადგან ის უკვე გაქვთ. 

საკუთარ არჩევანში დარწმუნებული რომ იყოთ, მთავარია ოთხი ძირითადი ფაქტორი, ეზოს თავისებურებები (ფართობი და რელიეფი), ენერგიის წყარო (ბენზინი თუ ელექტროენერგია) და მწარმოებლის სანდოობა უნდა გაითვალისწინოთ.

ამ ბლოგში მოცემული რჩევები დაგეხმარებათ, ზუსტად განსაზღვროთ, რა ტიპის მოწყობილობა გჭირდებათ. INGCO-ს ასორტიმენტში კი იპოვით მოდელებს, რომლებიც ყველა მოთხოვნას აკმაყოფილებს. ნუღარ დააყოვნებთ, შეარჩიეთ ბალახის სათიბი ჩვენს ვებგვერდზე ან ესტუმრეთ პარტნიორ მაღაზიებს.