წყლის ტუმბო სახლისთვის

ხარისხიანი წყალმომარაგება ნებისმიერი სახლისთვის მინიმალური კომფორტის აუცილებელი პირობაა. იმისთვის, რომ წყალი მოგეწოდებოდეთ, ორი საშუალება არსებობს: წყალმომარაგების ცენტრალურ სისტემასთან მიერთება ან საკუთარი ჭის გაბურღვა. კერძო სახლებისა და აგარაკებისთვის უმეტესად ეს მეორე საშუალებაა ხელმისაწვდომი, რადგან ქალაქებს მოშორებულ ტერიტორიებზე ცენტრალური წყალმომარაგება ხშირად არ არსებობს. სწორედ, ავტონომიური წყალმომარაგების სისტემის გასამართად დაგჭირდებათ წყლის ტუმბო, რომელიც ჭიდან ან სხვა რეზერვუარიდან ამოტუმბავს წყალს და მიმართავს მას მილებში, საიდანაც წყალი უკვე თქვენს სამზარეულომდე და აბაზანამდე მივა.

რა უპირატესობები აქვს საყოფაცხოვრებო წყლის ტუმბოს

ამ მოწყობილობის ყველაზე მთავარი სიკეთე ის არის, რომ წყლის ტუმბო სახლის წყალმომარაგების ავტომატიზების საშუალებას იძლევა. თუკი მის გარეშე თავად მოგიწევდათ ჭიდან წყლის ამოღება ვედროებით, ამ აპარატის დახმარებით ეს შრომატევადი პროცესი თქვენგან დამოუკიდებლად წარიმართება;

წყლის ტუმბოს შეუძლია, წყალი ამოქაჩოს დიდი სიღრმეებიდან, ამიტომ შეგიძლიათ, გამოიყენოთ როგორც ჭისთვის, ასევე სხვა, უფრო ღრმა არტეზიული წყაროებისთვის, რომლებიც დიდი ხნის განმავლობაში არ გამოილევა;

ელექტრო ტუმბო ამოტუმბავს წყალს დახურული რეზერვუარებიდანაც, ეს კი საინტერესოა იმ მხრივ, რომ წყალში არ მოხვდება მტვერი თუ სხვადასხვა ნარჩენები.

წყლის ელექტრო ტუმბოები თავიდანვე გათვლილია მუშაობის უწყვეტი ციკლისთვის, ამიტომ დეტალები დამზადებულია მაღალი ხარისხის მასალებისგან;

წყლის ტუმბოს მონტაჟი და ექსპლუატაცია ძალიან მარტივია და არც მათი მოვლა მოითხოვს დიდ დროსა და ძალისხმევას.

ახლა კი მოკლედ ამ ხელსაწყოს სახეობების, მუშაობის პრინციპისა ტექნიკური მახასიათებლების შესახებ.

წყლის საქაჩი ტუმბოების სახეობები

წყლის საქაჩი ტუმბოების მოდელები ერთმანეთისგან განსხვავდება: ა) მუშაობის პრინციპით და ბ) მონტაჟის თავისებურების და ადგილის მიხედვით.

ა) მუშაობის პრინციპის მიხედვით, არსებობს:

ვიბრაციული ტუმბო - წყალს ვიბრაციის საშუალებით ტუმბავს. ასეთი მოწყობილობა არ არის რეკომენდებული ისეთი რეზერვუარებისთვის, სადაც ფსკერი ქვიშიანია, რადგან არსებობს საფრთხე, რომ ის ქვიშასაც „ამოიყოლებს“და მოწოდებული წყალი სუფთა არ იქნება. თუმცა უნდა ითქვას, რომ ვიბრაციული პრინციპით მომუშავე საქაჩი ყველაზე საიმედო და გამძლე მოწყობილობაა;
ცენტრიდანული ტუმბო - სითხის მოძრაობას და საჭირო წნევის მიღწევას ცენტრიდანული ძალა განაპირობებს, რომელიც წარმოიქმნება სითხეზე მუშა ბორბლის პირების (ფრთების) ზემოქმედების შედეგად.

ბ) მონტაჟის თავისებურების და ადგილის მიხედვით, წყლის ტუმბოების სახეობებია:

ჩასაძირი ტუმბო – მათი სახელწოდება უკვე მიუთითებს ამ მოწყობილობების თავისებურების შესახებ. ეს აპარატები გამიზნულია ჭაბურღილებში და სხვა რეზერვუარებში წყალში ჩასადებად. ამგვარ მექანიზმებს აქვთ მოგრძო, ვერტიკალური ფორმა. მათი საშუალებით შესაძლებელია წყლის ამოტუმბვა 300 მ-მდე სიღრმიდან; მისი მუშაობის მინიმალური სიღრმე კი 1 მეტრია. გარდა ამისა, ამ მოწყობილობას, ფაქტობრივად, არ სჭირდება მონტაჟი და მუშაობისას არ ხმაურობს.

თუკი საკუთარი მეურნეობა გაქვთ, გამოგადგებათ ჭაბურღილის წყლის ტუმბო, რომელიც წყალს არტეზიული წყაროებიდან ამოტუმბავს ან  ჭის ტუმბო, რომელიც მოგაწვდით წყალს ჭიდან, აუზიდან ან სხვა მსგავსი რეზერვუარებიდან.

ზედაპირული წყლის ტუმბო – ეს მოწყობილობა, როგორც ასევე დასახელებიდან ჩანს, მუშაობისთვის არ მოითხოვს წყალში ჩაძირვას. ის უნდა დაიდგას ხმელეთის ზედაპირზე, ხოლო ჭაბურღილსა ან წყლის სხვა რეზერვუარში მხოლოდ ტუმბოს შლანგი ეშვება. მისთვის მაქსიმალური სიღრმე 10 მეტრია. ის კომპაქტურია და მისი ექსპლუატაცია უმარტივესია. ეს სახეობა ჩასაძირ ვარიანტზე იაფია, რადგან მაქსიმალური სიღრმე, როგორც ზემოთ აღვნიშნეთ, შეზღუდული აქვს 10 მეტრამდე, ატმოსფერული ნალექები „არ უყვარს“ - ამ დროს, უბრალოდ, რაღაც უნდა გადააფაროთ და, ამასთანავე, ზოგიერთი მოდელი ცოტა ხმაურიანია.

ზედაპირული წყლის ტუმბო ძალიან მოსახერხებელია აგარაკებისთვის - ასეთი მოწყობილობა წყალს ამოქაჩავს ტბიდან, მდინარიდან, ჭიდან; ასევე გამოგადგებათ, მაგალითად, აუზის დასაცლელად, რომლის წყალსაც მოსარწყავად გამოიყენებთ. და, რაღა თქმა უნდა - გათბობისა და სანტექნიკის სისტემებში წნევის გასაზრდელად და საჭირო დონის შესანარჩუნებლად.

წყლის ტუმბოს ტექნიკური მახასიათებლები - რას უნდა მაქციოთ ყურადღება

წყლის ტუმბოს შერჩევისას აუცილებელია, გაითვალისწინოთ, მინიმუმ, შემდეგი 4 მაჩვენებელი:
წყლის ტუმბოს მაქსიმალური ნაკადი - გაჩვენებთ წყლის რაოდენობას, რომელიც იტუმბება წუთის განმავლობაში; ამ შემთხვევაში უნდა გაითვალისწინოთ, თუ რამდენი წევრია სახლში, რამდენი ონკანია სამზარეულოსა და სააბაზანოში, ასევე - უნიტაზების რაოდენობა, დგას თუ არა სარეცხის მანქანა და ა.შ.;  საშუალოდ, ერთი ადამიანი დღე-ღამეში, დაახლოებით, 300-400 ლიტრ წყალს ხარჯავს. ანუ თუკი სახლში 2 ადამიანი ცხოვრობს, წყლის ხარჯი 24-საათის განმავლობაში 900-1200 ლიტრი იქნება;
წყლის ტუმბოს მაქსიმალური შესრუტვა - გაძლევთ ინფორმაციას, თუ რამდენ მეტრ სიმაღლეზე შეუძლია ტუმბოს წყლის აწევა; აქ მხედველობაში უნდა მიიღოთ ის ადგილი, სადაც ტუმბო უნდა დამონტაჟდეს, ასევე - შენობის სიმაღლე, მილების სიგრძე (როცა ტუმბო სახლიდან მოშორებით უნდა დაიდგას), ამოტუმბვის სიმაღლე (თუკი ზედაპირული ტუმბოს საშუალებით წყალი ჭიდან უნდა „ამოიღოთ“). თუკი გსურთ, რომ წყლის ჭავლი (ნაპორი) გეყოთ არა მხოლოდ სამზარეულოსა ან უბრალო შხაპისთვის, არამედ ისეთი ჭკვიანი მოწყობილობისთვისაც, როგორიც „ჯაკუზია“, მაქსიმალური შესრუტვის მაჩვენებელი უმჯობესია, 8 მ და მეტი იყოს; 

წყლის ტუმბოს სიმძლავრე - ეს მნიშვნელოვანი მონაცემია წყლის ელექტრო ტუმბოს შერჩევისას. გაითვალისწინეთ, რომ თუკი იაფფასიან მოდელებს და მათ ძვირიან ანალოგებს ერთი და იგივე სიმძლავრე აქვთ, იაფი ტუმბო თითქმის 2-ჯერ მეტ ელექტრო ენერგიას მოიხმარს;

ძაბვა - 220 V ან 380 V - აქ უკვე არჩევანს მკვებავი ქსელის მიხედვით აკეთებთ.

დასკვნის სახით:

პროფესიონალების რეკომენდაციაა, წყლის ტუმბოს ყიდვისას ის რეალური პირობები გაითვალისწინოთ, სადაც ამ აპარატს მოუწევს მუშაობა და ის სიმძლავრე შეარჩიოთ, რაც თქვენი სახლის წყალმომარაგებას სჭირდება.

ინგკოს  წყლის ტუმბოები საიმედოდ მოგემსახურებათ - თქვენ დაუბრკოლებლად მიიღებთ წყალს საჭირო წნევით და საჭირო რაოდენობით.