ავტომობილის სალონში ადვილად გროვდება ჭუჭყი, საკვების ნამცეცები, მტვერი და ალერგენები. მდგომარეობას ის ართულებს, რომ ავტომობილში, მისი ფორმისა და მოწყობის გამო, ბევრი რთულად მისადგომი ადგილია, საიდანაც ნარჩენების მოცილება ძალიან რთულია. თუ შინაური ცხოველიც გყავთ, მაშინ სავარძლებსა და ხალიჩებზე მისი ბეწვის დაგროვებაც გარდაუვალია.
მიუხედავად ამისა, ბევრი ადამიანი ფიქრობს, რომ მანქანის მტვერსასრუტი ზედმეტი შენაძენია და მის ნაცვლად საყოფაცხოვრებო მტვერსასრუტის ან ჩვეულებრივი საწმენდი საშუალებების გამოყენებაც საკმარისია. ხშირად, მომხმარებლებისთვის ბოლომდე ნათელი არ არის, თუ რით განსხვავდება სპეციალიზებული მანქანის მტვერსასრუტი და რა კონკრეტული უპირატესობები აქვს მას. ამ ბლოგში შევეცდებით, მარტივად და გასაგებად ავხსნათ, თუ რატომ არის მანქანის მტვერსასრუტი პრაქტიკული და სასარგებლო ხელსაწყო ყველა მძღოლისთვის.
იყო დრო როდესაც მანქანის წმენდა რთული იყო — რატომ?
წარსულში მანქანის სალონის დასუფთავება ნამდვილად რთული იყო. პირველი მტვერსასრუტები, რომლებიც მე-19 საუკუნის ბოლოს და მე-20 საუკუნის დასაწყისში გამოჩნდა, ძალიან დიდი ზომის და გამოსაყენებლად მოუხერხებელი იყო. ზოგიერთი მათგანი, მაგალითად ინდუსტრიული მტვერსასრუტი, იმდენად მასიური გახლდათ, რომ ცხენშებმული ურმით გადაჰქონდათ და ბენზინის ძრავით ამუშავებდნენ. ასეთი მოწყობილობა, თავისი ზომისა და მუშაობის სირთულის გამო, მანქანის პატარა და რთული ფორმის სალონისთვის სრულიად გამოუსადეგარი იყო.
ხელით წმენდა, მაგალითად, ჯაგრისით ან ტილოთი, ხშირად ღრმად ჩამჯდარ ჭუჭყს, მტვერსა და ალერგენებს ვერ უმკლავდებოდა. საყოფაცხოვრებო მტვერსასრუტების მანქანაში გამოყენებაც პრობლემური იყო. ისინი, როგორც წესი, დიდია და ვიწრო სივრცეში რთულად მოძრაობს. მაგალითად, მოწყობილობის ძირითადი კორპუსი, სადაც ძრავაა მოთავსებული მანქანის სალონში დიდ სივრცეს იკავებს და დასუფთავების პროცესში დაბრკოლებებს ქმნის. ამასთან, საყოფაცხოვრებო მტვერსასრუტს დენის წყარო ესაჭიროება, რომელიც მანქანასთან ყოველთვის არ არის ხელმისაწვდომი.
ამ პრობლემის მოგვარება XX საუკუნის შუა ხანებში დაიწყო, როდესაც ავტომობილების რიცხვი გაიზარდა და მათი მოვლა, ანუ დეტალინგი, უფრო მნიშვნელოვანი გახდა. მომხმარებელთა მზარდმა მოთხოვნამ სპეციალურ ინსტრუმენტებზე, რომლებიც მანქანის ჰიგიენასა და ღირებულებას შეინარჩუნებდა, ავტომობილებისთვის განკუთვნილი მტვერსასრუტების შექმნა განაპირობა.
რით განსხვავდება მანქანის მტვერსასრუტი ჩვეულებრივი მტვერსასრუტისგან?
შეიძლება ერთი შეხედვით ჩანდეს, რომ მანქანის მტვერსასრუტი საყოფაცხოვრებო მტვერსასრუტის პატარა ვერსიაა, მაგრამ ეს ასე არ არის. სპეციალურად ავტომობილის სალონის გასაწმენდად არის შექმნილი და რამდენიმე ძირითადი ნიშნით განსხვავდება:
პირველ რიგში, ეს არის კომპაქტურობა და მანევრირება. მანქანის მტვერსასრუტები პატარა და მსუბუქი მოწყობილობებია. ეს მათ საშუალებას აძლევს, ადვილად მისწვდნენ ისეთ ვიწრო ადგილებს, როგორებიცაა სავარძლების ქვეშ სივრცეები ან კარის ჯიბეებში. ამ ადგილებში დიდი საყოფაცხოვრებო მტვერსასრუტის გამოყენება ფაქტობრივად შეუძლებელია.
მეორე მნიშვნელოვანი ფაქტორი კვების წყაროა. როგორც წესი, მანქანის მტვერსასრუტები ელემენტზე მუშაობს. ამიტომ, ამ შენაძენით სამუდამოდ დაივიწყებთ კვების წყაროზე ფიქრს და ავტომობილს ნებისმიერ ადგილას გაწმენდთ.
მნიშვნელოვანი უპირატესობაა ისიც, რომ მოწყობილობა სპეციალურ საცმებითაა აღჭურვილი. მანქანის მტვერსასრუტებს ხშირად მოჰყვება ვიწრო საცმები ნაპრალებისთვის, ჯაგრისები პანელისა და სავარძლებისათვის. ეს აქსესუარები სპეციალურად მანქანის ინტერიერის დეტალების გასაწმენდად არის შექმნილი.
მანქანის მტვერსასრუტის შემთხვევაში, შემწოვი ძალაც ადაპტირებულია. სიმძლავრე კონკრეტულად განსაზღვრულია მტვრის, ნამცეცებისა და ზედაპირული ჭუჭყის მოსაშორებლად.
ხშირად გვისვამენ შეკითხვას — მანქანის მტვერსასრუტი რა ღირს? — და მოლოდინი ყოველთვის იმაზე გაცილებით მაღალია, ვიდრე ჩვეულებრივი ხელის მტვერსასრუტი ღირს. რეალურად კი მისი ღირებულებად ბევრად ნაკლებია, რაც დამატებით უპირატესობად შეგვიძლია ჩავთვალოთ.
მანქანის მტვერსასრუტის კონკრეტული სარგებელი
მანქანის მტვერსასრუტის კომპაქტურობა, ფუნქციურობა და ერგონომიულობა, რაზეც წინა ქვეთავში ვისაუბრეთ, უდავოდ მნიშვნელოვანია. თუმცა, მისი უპირატესობები ამით არ შემოიფარგლება. ეს მოწყობილობა კიდევ რამდენიმე სარგებელს გთავაზობთ.
ბევრი, განსაკუთრებით HEPA ფილტრით აღჭურვილი, მოდელი ეფექტურად უმკლავდება მტვერს, ალერგენებს, ყვავილის მტვერი და შინაური ცხოველების ბეწვს. HEPA ფილტრს შეუძლია 0.3 მიკრონის ზომის მიკროსკოპული ნაწილაკების მინიმუმ 99.97%-ის განადგურება. ეს საგრძნობლად აუმჯობესებს ჰაერის ხარისხს, რაც განსაკუთრებით მნიშვნელოვანია ალერგიული ან რესპირატორული პრობლემების მქონე ადამიანებისთვის.
გარდა ამისა, მანქანის მტვერსასრუტები ზოგავს დროს და ამარტივებს დასუფთავების პროცესს. მათი კომპაქტური ზომისა და მსუბუქი წონის წყალობით, შესაძლებელია ხშირი და სწრაფი დასუფთავება. ეს ხელს უშლის ჭუჭყის დაგროვებას და საერთო ჯამში, დასუფთავების პროცესს ნაკლებად დამღლელს ხდის.
ზოგიერთ მოდელს, როგორიცაა "მშრალი/სველი" (Wet/Dry) წმენდის მტვერსასრუტები, მშრალ ნარჩენებთან ერთად, სითხეებსაც წმენდს. ამიტომ, ტექნოლოგიების განვითარების პარალელურად, მოულოდნელად დაღვრილი ყავა, ჩაი ან გაზიანი სასმელი პრობლემას ნამდვილად აღარ წარმოადგენს.
სწორი მტვერსასრუტის შერჩევა: რას მივაქციოთ ყურადღება
პირველ რიგში, დაფიქრდით, რა ტიპის ნარჩენებთან გიწევთ ძირითადად გამკლავება. ყოველდღიური მტვრისა და მცირე ნამცეცებისთვის საშუალო შეწოვის ძალა საკმარისი იქნება. თუმცა, თუ მანქანის სალონის წმენდა შინაური ცხოველების ბეწვის ან ღრმად ჩამჯდარი ჭუჭყისაგან გიწევთ, უფრო მაღალი შეწოვის სიმძლავრის მქონე მოდელი დაგჭირდებათ. მაგალითად, ზოგიერთი მოდელი, როგორიცაა INGCO CVLI201261, უზრუნველყოფს 9 კპა-ზე მეტ ვაკუუმის წნევას, რაც საკმაოდ კარგი მაჩვენებელია.
ყურადღება გაამახვილეთ ელემენტის ხანგრძლივობაზე. სასურველია, რომ ეს მაჩვენებელი ავტომობილის სრულ, მაგრამ ზედაპირულ წმენდას ჰყოფნიდეს.
ასევე, გაითვალისწინეთ მტვერსასრუტის წონა და ერგონომიკა, განსაკუთრებით თუ ვიწრო და ძნელად მისადგომი ადგილების ხშირი წმენდა გიწევთ. მსუბუქი და კომფორტული მოდელი ნაკლებად დაგღლით. დარწმუნდით, რომ მტვერსასრუტს მოჰყვება საცმები. ხელსაწყოებისა და ინსტრუმენტების მწარმოებელი ბრენდი INGCO გთავაზობთ მოდელს, რომელსაც კომპლექტში მოჰყვება 1 ცალი საქშენი და 1 ცალი ჯაგრისი.
თუ ჰაერის ხარისხი თქვენთვის პრიორიტეტულია, მოძებნეთ HEPA ფილტრიანი მოდელი, რადგან, როგორც აღინიშნა, HEPA ფილტრი ალერგენების დიდ ნაწილს ანადგურებს. მტვრის კონტეინერის მოცულობაც მნიშვნელოვანია – შეაფასეთ თქვენი მანქანის ზომა და დაბინძურების დონე.
თუკი დამატებითი კითხვები გაგიჩნდებათ ან პროფესიონალური რჩევა გჭირდებათ, ყოველთვის შეგიძლიათ მოგვმართოთ.
თუ თქვენც გსურთ, რომ ავტომობილის სალონის დასუფთავება ნაკლებად შრომატევადი და ბევრად ეფექტური გახდეს, ვიდრე ეს საყოფაცხოვრებო მტვერსასრუტით ან ტილოთი წმენდისას მიიღწევა, მაშინ დროა, ავტომობილის მტვერსასრუტის შეძენაზე იფიქროთ. INGCO გთავაზობთ ხარისხიან და ფუნქციურ მოდელებს, რომლებიც ამ მიზნის მიღწევაში დაგეხმარებათ.
