Ingco
Warning

სურვილების სიის შესავსებად გაიარეთ ავტორიზაცია

ავტორიზაცია
სიაში დაბრუნება
როგორ შევარჩიოთ ელექტრო ხერხი მეტალისთვის

როგორ შევარჩიოთ ელექტრო ხერხი მეტალისთვის

რკინაზე მუშაობა რთული და ხანგრძლივი პროცესია, მით უმეტეს, მაშინ, როცა შესაბამისი ინსტრუმენტი არ გვაქვს. მეტალის დასამუშავებლად, ძირითადად, მაკრატელს იყენებენ, რომლის მოხმარებაც დიდ ძალისხმევას მოითხოვს. ამ სირთულის გადასალახად შეიქმნა ახალი პროდუქტი - ელექტრო ხერხი მეტალისთვის, რომელიც მცირე დროში უმკლავდება რთულ დავალებებს.

ელექტრო ხერხის უპირატესობები

  • გამძლეობა და სიმყარე;
  • სხვადასხვა დიზაინით ჭრის ფუნქცია;
  • სხვადასხვა ტიპის და სისქის მეტალის დამუშავება;
  • მუშაობის ხანგრძლივი დრო;
  • ჭრის სისქე 3-5 მმ-მდე;
  • სამუშაო არ საჭიროებს ზედმეტ ძალისხმევას, შესაბამისად არ იტვირთება ხელები;
  • მაკრატლისგან განსხვავებით, ელექტრო ხერხი მეტალისთვის ჭრის პროცესში არ აზიანებს მეტალის ზედაპირსა და კიდეებს;
  • აქვს მოსახერხებელი დიზაინი.

Ingco მეტალის საჭრელი ელექტრო ხერხი

ლითონის ელექტრო ხერხის სახეობები

ელექტრო ხერხი მეტალისათვის ბაზარზე წარმოდგენილია სამი კატეგორიით:

ფურცელოვანი ელექტრო ხერხი - ამ კატეგორიის ხერხით შესაძლებელია მეტალის ზედაპირის ვერტიკალურად დამუშავება;

შლიცური ელექტრო ხერხი - ამ კატეგორიის ელექტრო ხერხი, გარდა ფურცელოვანი ზედაპირისა, მუშაობს არასწორ ზედაპირზე, როგორიცაა პროფნასტილი და მეტალოკრამიტი და სხვ.;

ამომჭრელი ელექტრო ხერხი - ამ კატეგორიის ელექტრო ხერხი განკუთვნილია მეტალის ზედაპირის შუა ნაწილში ფორმების ამოჭრისთვის.

ყველა ამ კატეგორიის ელექტრო ხელსაწყოები და დანადგარები მუშაობს როგორც აკუმულატორზე, ასევე ქსელით ენერგიის მიწოდებით.

Ingco ბეწვა ხერხი

რას უნდა მივაქციოთ ყურადღება ელექტრო ინსტრუმენტის შეძენისას

ელექტრო ინსტრუმენტის ყიდვამდე მომხმარებელმა უნდა გაითვალისწინოს ხელსაწყოს მონაცემები და იმ სამუშაოს მოცულობა და დატვირთვა, რისთვისაც ყიდულობს ნივთს. ელექტრო ხერხი კომპაქტურია, ხშირად გამოიყენება დემონტაჟის პროცესში, რადგან მას გააჩნია მაღალი სამუშაო სიჩქარე და ჭრის სიზუსტე. ელექტრო ხერხი ლითონისთვის, ძირითადად, ინდუსტრიული ტიპის ხელსაწყოა, შესაბამისად, აქტიურად გამოიყენება დიდი მოცულობის სამუშაოს შესასრულებლად, მაგალითად - რკინის ცეხში და სხვ. 

Ingco ელექტრო ხელსაწყოები

გასათვალისწინებელი მახასიათებლები:

  • მასალა (ლითონის, უჟანგავი ლითონის და ალუმინის ზედაპირზე ხერხის მუშაობის ხარისხი და დატვირთვა განსხვავებულია);
  • ძაბვა;
  • სიმძლავრე;
  • ინსტრუმენტის სვლის სიხშირე;
  • მანევრირება;
  • საჭრელი პირები;
  • ერგონომიკა.

ძაბვა - ძაბვა არის ელექტრომამოძრავებელი ძალის განმსაზღვრელი. იქიდან გამომდინარე, რომ ელექტრო ხერხს მაქსიმალური დატვირთვა აქვს მეტალზე მუშაობის დროს, ძალიან მნიშვნელოვანია ელექტრული ძალის კონტროლი, რომელიც სამუშაოს შესრულებას განაპირობებს.

ინსტრუმენტის სვლის სიხშირე - სიხშირის კონტროლი ელექტრო ხერხით მუშაობის დროს უმნიშვნელოვანესია, რადგან ის განსაზღვრავს დროის ერთეულში შესრულებული ციკლის ოდენობას. ამ სიდიდის კონტროლი მომხმარებელს უადვილებს, გათვალოს სამუშაოს შესრულების დრო და დატვირთვა.

საჭრელი პირები - ელექტრო ხელსაწყოს მეტალისთვის აქვს განსხვავებული საჭრელი პირები, რაც განკუთვნილია რკინის ზედაპირის სხვადასხვა ფორმით და დიზაინით დასამუშავებლად. ამასთან, გასათვალისწინებელია, აქვს თუ არა ხელსაწყოს საჭრელი პირების დაშორების რეგულირების შესაძლებლობა, რაც სხვადასხვა სისქის და ტიპის ლითონზე მუშაობის შესაძლებლობას მოგვცემს. ასევე, მნიშვნელოვანი ფაქტორია, რამდენად ადვილად ეცვლება პირები, რამდენად ხელმისაწვდომია და არის თუ არა უნივერსალური.

ერგონომიკა - ელექტრო ინსტრუმენტი გამოირჩევა ერგონომიულობით და მასთან მუშაობა მოსახერხებელია. ინსტრუმენტის შერჩევისას მომხმარებელმა ყურადღება უნდა მიაქციოს დიზაინს, ღილაკებსა და დაცვის მექანიზმს, თუ რამდენად მორგებულია მის საჭიროებებს.

Ingco სპეცტანსაცმელი და უსაფრთხოება

უსაფრთხოების ზომები

  • მუშაობის პროცესში რეკომენდებულია ინსტრუმენტის შესვენება, რათა ხელსაწყო არ გადახურდეს და არ მიაყენოს ფიზიკური ზიანი მომხმარებელს. ელექტრო ხერხი მუშაობის პროცესში ცხელდება, ამიტომ არ შეიძლება შენახვა გაგრილებამდე და შეხება აღჭურვილობის გარეშე, რათა თავიდან ავიცილოთ სავალალო შედეგები;
  • რეკომენდებულია დამცავი ფარისა და ხელთათმანის, ან სპეც. ტანსაცმლისა და აქსესუარების სხვა დამატებითი დეტალის გამოყენება;
  • ინსტრუმენტის გამოყენება აკრძალულია ნესტიან და ზედმეტად მტვრიან ადგილებში.

სხვა ბლოგები

რა უნდა იცოდეთ სამღებრო ხელსაწყოების შეძენამდე?

რა უნდა იცოდეთ სამღებრო ხელსაწყოების შეძენამდე?

არაფერი აქცევს სახლს ისე მიმზიდველად, როგორც კედლის განახლებული ფერი, რომელიც ინტერიერის დიზაინის მიმდინარე ტენდენციებში ჯდება. კედლის შეღებვა  მხოლოდ უბრალოდ ცვლილება არ არის, ეს ერთგვარი შემოქმედებითი პროცესია, რომელსაც თქვენს საცხოვრებელში სიახლეების შემოტანა შეუძლია.  მნიშვნელოვანი კი ისაა, რომ ამის გაკეთება მცირე ბიუჯეტითაც კი შეგიძლიათ. თუ ახალი მფლობელი ხართ ან უბრალოდ, სახლის ცვლილება გსურთ, მაშინ ინგკოს ფილიალებსა თუ ონლაინ მაღაზიაში საჭირო სამღებრო ხელსაწყოები და ინვენტარია ხელმისაწვდომი.

18 სექტემბერი 2023

რა უნდა ვიცოდეთ ელექტრო შედუღების აპარატის შეძენამდე?

რა უნდა ვიცოდეთ ელექტრო შედუღების აპარატის შეძენამდე?

საქართველოს ბაზარზე ელექტრო შედუღების აპარატები მრავლადაა წარმოდგენილი. სწორედ ამიტომ, ხშირ შემთხვევაში, სხვადასხვა ბრენდებისა და მოდელების შედარება რთულია. გამომდინარე იქიდან, რომ შედუღების მანქანა გრძელვადიანი შენაძენი და მნიშვნელოვანი ინვესტიციაა, პროცესი გარკვეული დროისა და რესურსის დათმობას მოითხოვს, რათა საბოლოო ჯამში საუკეთესო ვარიანტი აირჩიოთ.

10 აგვისტო 2023

როგორ შევარჩიოთ მტვერსასრუტი?

როგორ შევარჩიოთ მტვერსასრუტი?

მტვერსასრუტი ერთ-ერთი ყველაზე პოპულარული საყოფაცხოვრებო ტექნიკაა. მისი დახმარებით ვზოგავთ დროს, ენერგიას და შედეგი უფრო სრულყოფილია, ვიდრე სტანდარტული მეთოდებით დალაგება/დასუფთავების შემთხვევაში.

19 ივნისი 2023

ეზოსა და ბაღის მოვლის ინსტრუმენტები

ეზოსა და ბაღის მოვლის ინსტრუმენტები

შესაბამისი ბაღის მოვლის ინსტრუმენტები აუცილებელია ისეთი საქმიანობებისთვის, როგორიცაა მებაღეობა, გამწვანება და ზოგადად ეზოს მოვლა

5 ივნისი 2023