როგორ შევარჩიოთ ბალახის საჭრელი ბაღისთვის

მწვანე, ლამაზად და თანაბრად გაკრეჭილი გაზონი ისაა, რაზეც ყველა მებაღე ოცნებობს. ამ სასურველი შედეგის მიღწევა, შესაბამისი ხელსაწყოებით, მარტივად შეიძლება, მაგრამ სწორი ხელსაწყოების შერჩევა ზოგჯერ რთულ პროცესად იქცევა ხოლმე. 

ბალახის საკრეჭი ხელსაწყოების ყიდვა ერთ-ერთი ასეთი კომპლექსური საკითხია, განსაკუთრებით მაშინ, თუ ეს თქვენი პირველი გამოცდილებაა, ან თუ გაქვთ სრულიად განსხვავებული გაზონი, ვიდრე აქამდე გქონდათ. მაგრამ სანერვიულო არაფერია, ეს არ ჰგავს რუბიკის კუბის აწყობას და რიგი ფაქტორების გათვალისწინებით, თქვენი ბაღისთვის ყველაზე გამოსადეგ საჭრელ მანქანას მარტივად აირჩევთ.

რა უნდა გავითვალისწინოთ ბალახის საკრეჭი აპარატის ყიდვისას?

პირველ რიგში რა უნდა ვკითხოთ საკუთარ თავს:

• რამდენად დიდი ფართისაა ბაღი?
• რამდენად ხშირად ვჭრით ბალახს? (გულწრფელი პასუხია საჭირო)
• ვეძებთ სათიბს, რომელიც სწრაფად მოჭრის და მოაწესრიგებს მცირე, შედარებით ბრტყელ ადგილს, თუ გვინდა უფრო მძლავრი გაზონის სათიბი, რომელსაც შეუძლია დაძლიოს გრძელი და დიდი ბალახის ბარიერი დიდ ფართობზე?
• რამხელა სივრცე გვაქვს გამოყოფილი ბალახის სათიბი აპარატის შესანახად?

ძალიან მნიშვნელოვანია ბაღის გაზონის ფართობთან ერთად გავითვალისწინოთ მისი მოწყობის ტიპი - ხშირად  გვიწევს თუ არა ხეებსა და ბუჩქებში მანევრირება, როგორი ზედაპირია და ა.შ.

პატარა და საშუალო ზომის გაზონის მოვლა

პატარა გაზონი, წვრილი ბალახით, არ საჭიროებს დიდ სიმძლავრეს. ამ შემთხვევაში შეგვიძლია ყველაზე მარტივი, მექანიკურად მომუშავე ცილინდრული ტიპის ბალახის საჭრელით დავკმაყოფილდეთ. 

ამ აპარატებით ბაღში სეირნობა და  ბალახის ჭრა ერთგვარი რეკრეაციული პროცედურაა - მშვიდ და წყნარ გარემოში ზედმეტი დატვირთვის გარეშე მუშაობა და დასვენება. 

ბალახის სათიბი პატარა და საშუალო ზომის გაზონისთვის

ცილინდრული საჭრელი აპარატები, ძრავის გარეშე - მექანიკური და ხელით მისაწოლი აპარატები, ყველა გათვლილია პატარა ბაღის გაზონისთვის.

Walk lawnmovers: ეს არის უკნიდან ხელით სამართავი სათიბი მანქანა, რომელსაც ძრავა ამუშავებს. როგორც წესი მუშაობს საწვავზე, მაგრამ ასევე არის ბატარეაზე, მზის ელემენტებზე და შეიძლება იყოს ელექტრო. იდეალურია ბრტყელ ადგილზე, ან შეზღუდულ სივრცეებში.  ეს მანქანა მიუხედავად მისი მასიურობისა არ არის მძიმე და მარტივად სატარებელია ბაღის ტერიტორიაზე. 

კარგად ვიცით, რომ ბაღი ლამაზი ყვავილების, დიდი ხეებისა და მცენარეების გარდა, ჩვენი მცდელობის მიუხედავად, უხეში სარეველასა და დიდი ბალახების გაფურჩქნის ადგილია. რამდენადაც ბედნიერებაა დიდი ბაღის ქონა, იმდენად შემაწუხებელია ყოველ ჯერზე თავიდან ამოსული მაღალი ბალახის ყურება. გაზონის ეს სათიბი მანქანა ნებისმიერი ზომისა და სიხშირის ბალახს ძალიან სწრაფად კრეჭს, ისე რომ ამ  პროცესში ოფლის მოდენაც არ დაგვჭირდება.

Hover lawnmovers: ხელში დასაჭერი ბალახის საკრეჭი მანქანა, რომელიც სპეციალური საჭრელი პირებით მუშაობს. მოწყობილობა მის ქვემოთ არსებული ჰაერის მასის დახმარებით, მიწიდან ოდნავ მოშორებით, ჰაერში ჩერდება და ასე კრეჭს ბალახს.

ეს სათიბი, სამართავი აპარატისგან განსხვავებით, მოძრაობს საკუთარი ძალით, რაც იმას ნიშნავს, რომ ჩვენგან დიდი ძალისხმევა არ არის საჭირო, მთავარია, რომ ხელსაწყოს მივცეთ მიმართულება და თავიდან ავიცილოთ დაბრკოლებები. იდეალურია დიდი გაზონებისთვის და  ამ აპარატის მანევრირება ძალიან მარტივია. განსაკუთრებით გამოგვადგება ისეთ ადგილებში ბალახის მოსაჭრელად, სადაც სხვა აპარატი რთულად თუ მივა.

დიდი ზომის გაზონის მოვლა

პატარა და საშუალო ზომის გაზონებისთვის იდეალური ვარიანტები უკვე მიმოვიხილეთ. სტანდარტულად საშუალო ბაღად ითვლება ადგილი, რომლის ფართობიც 100-დან 250კვ. მეტრამდე მერყეობს და დაახლოებით ერთი ტენისის კორტის ზომისაა. 

250კვ. მ-ზე ზემოთ, უკვე იწყება დიდი ზომის გაზონი, სადაც უმეტეს შემთხვევაში არ გამოგვადგება ხელით სამართავი საკრეჭი აპარატები და პრიორიტეტი უნდა მიენიჭოს უკნიდან ხელით სამართავ გაზონის სათიბს, რომელიც ბენზინზე მუშაობს. 

თუ ბაღის ფართობი დაახლოებით 1000კვ. მეტრს უტოლდება ან სცდება, ამ დროს არჩევანი უკანა ძრავით მოძრავ დიდ სათიბ მანქანასა ან მსუბუქი გაზონის ტრაქტორებზე უნდა შეაჩეროთ.

ბალახის სათიბი აპარატები უმეტეს შემთხვევაში მუშაობს ბენზინზე, ელემენტზე და ელექტრონულია.

ელექტრო და ელემენტზე მომუშავე ბალახის საჭრელი

ელექტრო და ელემენტზე მომუშავე ბალახის საჭრელები ბევრ მსგავს თვისებას იზიარებენ და  გვთავაზობენ უნიკალურ სარგებელს. მათი გამოყენება ყველაზე ეფექტური პატარა ზომის ბაღშია. 

ეს ორი პროდუქტი:

ნაკლებად ხმაურიანია

ბალახის მოთიბვისას უნდა გავიაზროთ, რომ ხმაურს ვერ გავექცევით, მაგრამ გაზონის ელექტრო და ელემენტზე მომუშავე სათიბი მანქანა თავის საქმეს ნაკლები ხმაურით ასრულებს. ეს აპარატები 75 დეციბელზე მუშაობენ, რაც დაახლოებით იგივეა, რომ წარმოვიდგინოთ სარეცხი მანქანის ხმაური.

ადვილი მოსავლელია 

ამ სათიბების ერთ-ერთი ყველაზე დიდი უპირატესობა ის არის, რომ ნაკლებ ტექნიკურ პროცედურებს საჭიროებენ. არ დაგვჭირდება  ნაწილების პერიოდულად შეცვლა, იქნება ეს ზეთი, თუ ჰაერის ფილტრები. ის ასევე მეტად კომპაქტურია და არ იკავებს დიდ ადგილს.

მსუბუქი და მარტივია მანევრირებისთვის

ელექტრო, ისევე როგორც ელემენტზე მომუშავე აპარატები მსუბუქია და მათ ბენზინის მოცულობა დამატებით სიმძიმეს არ მატებს. რთულ ზედაპირზე ძალიან მარტივად შეგვიძლია ბალახის გაკრეჭა და სხვადასხვა წინაღობებისა და აღმართვის გადალახვა არ არის რთული.

უფრო მისაღებია სუფთა გარემოსთვის

ელექტრო, ისევე როგორც ბატარეაზე მომუშავე სათიბი მანქანა იდეალურად ემსახურება ჯანსაღ გარემოს. 

ელექტრო და ელემენტის საკრეჭი მანქანის შეძენისას ისიც უნდა გავითვალისწინოთ, რომ ეს აპარატები ნაკლები სიძლიერით მუშაობენ და მათი გამოყენება უფრო მეტად რეკომენდებულია შედარებით პატარა ზომის გაზონზე.

გაზონის საკრეჭი ბენზო ცელი

ბენზინზე მომუშავე საკრეჭი მანქანის მყიდველთა რაოდენობა ყოველ წელს იზრდება. წინა წელს ეს რიცხვი 5 მილიონს შეადგენდა. მომხმარებელთა რიცხვის ზრდა განაპირობა ტექნოლოგიურმა ინოვაციებმა. 

დღევანდელი ბენზო ცელი ბევრად  უკეთესია, ვიდრე ისინი ოდესმე ყოფილან - თუნდაც შედარებისთვის რომ ავიღოთ 10 წელზე ნაკლები ხნის წინ წარმოებული ბენზინის სათიბი აპარატი. 

დღევანდელი მანქანა  უფრო ადვილად იწყებს მუშაობას, უფრო ჩუმად აკეთებს საქმეს, გაიზარდა ბენზინის ავზის მოცულობა და გახდა ბევრად ეფექტური, შესაბამისად ისინი აგრძელებენ საიმედოობის უზრუნველყოფას უმძიმეს სამუშაო პირობებშიც კი. 

გაზონის სათიბი ასევე იძლევა სხვა მნიშვნელოვან სარგებელს - ისინი უფრო სუფთად მუშაობენ, ვიდრე აქამდე და უფრო მეტად ერგებიან ეკოლოგიურად შეგნებული ცხოვრების წესს.

სწორად შერჩეული მანქანა და ბაღის ხელსაწყოები ჩვენ ცხოვრებას ბევრად გაამარტივებენ, ხოლო ჩვენ ბაღს კიდევ უფრო გაალამაზებენ. INGCO გვთავაზობს ბალახის გასაკრეჭ აპარატებს როგორც პატარა, ასევე შედარებით დიდი ბაღებისთვის - ბენზინზე მომუშავე და ელექტრო მანქანას და ასევე აქ დაგხვდებათ ბაღის ხელსაწყოები და ბაღის მოვლის სხვადასხვა ინსტრუმენტები - ხელის სათიბი, ჰაერდამბერი და ბევრი სხვა აუცილებელი ატრიბუტი.