Ingco
Warning

სურვილების სიის შესავსებად გაიარეთ ავტორიზაცია

ავტორიზაცია
სიაში დაბრუნება
7 DIY ხელსაწყო თქვენი სახელოსნოსთვის

7 DIY ხელსაწყო თქვენი სახელოსნოსთვის

ტექნოლოგიების განვითარებასთან ერთად სამომხმარებლო და ინდუსტრიული ხელსაწყოები ბევრად დაიხვეწა და რიგითი მომხმარებლისთვის მარტივად გამოყენებადი გახდა. აღარ არის აუცილებელი, რომ სახლის პრობლემების მოსაგვარებლად და რამის შესაკეთებლად კონკრეტულ სპეციალისტს მიმართოთ. თანამედროვე ელექტრო ინსტრუმენტები ყველა საქმეს ძალიან ამარტივებს.

ჩვენ გვირჩევთ ამ DIY (do it yourselft) პროდუქტს, რომელიც დამოუკიდებლად საქმიანობაში აუცილებლად გამოგადგებათ.

ბორმანქანა - მრავალფუნქციური ხელსაწყო

ბორმანქანა არის ხელის ელექტრული ხელსაწყო, რომელიც გამოიყენება ბურღვისთვის, დაფქვისთვის, გასაპრიალებლად და მასალების (ჩვეულებრივ ლითონის, მაგრამ ასევე პლასტმასის, ან ხის) დასამუშავებლად.

ყველა ასეთი ხელის მბრუნავი ხელსაწყო კონცეპტუალურად მსგავსია, მაგრამ ზემოთნახსენები გამოირჩევა მრავალმხრივი შესაძლებლობებით. არსებობს მთელი რიგი სამუშაოები, რომლებშიც ეს მარტივი პორტატული ბორმანქანა ძალიან დაგეხმარებათ.

შეგხვდებათ როგორც ელექტრო ტიპის, ასევე პნევმატური. არის როგორც გრავერი, ასევე სახეხი და საბურღი ბორმანქანა. 

ლითონი, განსაკუთრებით უჟანგავი ფოლადი, რომელიც ხშირად გამოიყენება სხვადასხვა პროექტებისთვის, ყოველთვის უკეთესად გამოიყურება, როცა გაპრიალებულია.

გლუვი საფარის შესაქმნელად, უბრალოდ გაატარეთ გრავერი ბორმანქანა ზედაპირს, სანამ არ მიხვდებით, რომ მზადაა. მარტივი პროცედურის შემდეგ თქვენ გექნებათ გლუვი და პრაქტიკულად უჟანგავი დასრულებული ფოლადის პროექტი.

ხის დამუშავების შემდეგ, ხშირად საჭიროა საბოლოო პროდუქტის გასუფთავება. ეს შეიძლება იყოს სახიფათო, რადგან იმის რისკი, რომ გააფუჭოთ ის, რაზეც დიდი ხანი მუშაობდით, საკმაოდ დიდია. ამ შემთხვევაში ბორმანქანა მარტივი გადაწყვეტაა.

გარდა ხის მასალისა, ის დაგეხმარებათ ლითონის, გამაგრებული ფოლადის და სხვა მასალების გასწორებაში.

ბორმანქანა - INGCO PDG4003

პროდუქტის დეტალები:

  • ბრუნთა რიცხვი: 15000-26000 ბრ/წთ;
  • დანიშნულება: ინდუსტრიული;
  • შემავალი სიმძლავრე: 400 ვტ;
  • ცანგის დიამეტრი: 6 მმ;
  • ძაბვა: 220-240ვ 50/60 ჰერცი;

 დამატებითი უპირატესობები:

  • სიჩქარის რეგულირების შესაძლებლობა;
  • ალუმინის გადაცემათა კოლოფი;
  • კარბონის ჯაგრისები ხელმისაწვდომ ადგილას;
  • 3 აქსესუარი;

დრელი და ელექტრო ბურღი

ამ ხელსაწყოს ძალიან ფართო გამოყენება, როგორც სამშენებლო და სარემონტო ინდუსტრიაში, ასევე სახლის პირობებში დამოუკიდებლად მუშაობისთვის.

რისთვის არის საჭირო დრელი

ეს არის ინსტრუმენტი, რომელზეც დამონტაჟებულია საბურღი და მისი მთავარი ფუნქციაა მრგვალი ხვრელების გაკეთება. ჩვეულებრივ გამოიყენება ხის და ლითონის დამუშავებისას, სამშენებლო პროექტებში და ა.შ. 

როგორ შევარჩიოთ დრელი

არსებობს სხვადასხვა ტიპისა და ზომის ტექნიკა, რომლებიც კონკრეტული მიზნებისთვის გამოდგება. ელექტრო დრელი ყველაზე პოპულარული ვარიანტია.

დღესდღეობით, ხელით მომუშავე სადენიანი პროდუქტის პოპულარობა მკვეთრად მცირდება და უსადენო დრელი ელემენტზე ბევრად პოპულარული ხდება.

დრელი კაბელით

  • კარგია დიდი სამუშაოებისთვის
  • მიბმულია დენის წყაროზე

უსადენო დრელი

  • იდეალურია მსუბუქი სამუშაოსთვის
  • აქვს თავისუფლად გადაადგილების შესაძლებლობა 

ელექტრო ხელსაწყო ფასის მიხედვით განსხვავდება და დამოკიდებულია მის ტიპებსა და ფუნქციონირებაზე. Ingco-ს ონლაინ მაღაზიაში დრელის ყიდვა შედარებით ხელმისაწვდომ ფასად არის შესაძლებელი

პროდუქტის დეტალები:

  • სიმძლავრე: 500 ვტ;
  • დანიშნულება: ინდუსტრიული;
  • ბრუნთა რიცხვი: 0-3300 ბრ/წთ;
  • ძაბვა: 220-240ვ 50/60 ჰერცი;
  • დამატებითი უპირატესობები: ცვალებადი სიჩქარე, რევერსული;
  • ფიქსატორის მოცულობა: 1.0-10 მმ;

აქ ასევე შეგხვდებათ 1100W-ის სიმძლავრის მქონე დარტყმითი დრელი.

დარტყმითი დრელი - INGCO ID11008

ვაზნის ზომა 13მმ და ერთ წუთში ბრუნვათა რიცხვი 0-2800 არის.

უსადენო ხელსაწყოები მოსახერხებელია, მათი გამოყენება შესაძლებელია თითქმის ყველგან, თუნდაც მაშინ, როცა კილომეტრებით ხართ დაშორებული  უახლოესი ელექტრო წყაროდან. ზოგიერთი ამოცანისთვის ისინი უბრალოდ იდეალურია.

უსადენო დრელი სახრახნისი, როგორც მას ხშირად უწოდებენ, შედარებით მძიმეა, რადგან კვების წყარო არის ბატარეა, რომელიც მას მატებს წონას. 

მას აქვს ნაკლები სიმძლავრე. ამიტომ, ზოგიერთ ბურღვისა და მართვის სამუშაოებისას, უმეტეს მოდელებზე ჩაშენებული კლაჩი დროდადრო გაფრთხილებთ შეზღუდული რესურსის შესახებ (ბიტი შეწყვეტს ბრუნვას და თქვენ გესმით კლაჩის დაწკაპუნება). ახალ მოდელებს აქვთ ბრუნვის გაუმჯობესებული სიჩქარე, მაგრამ ზოგჯერ მაინც შეიძლება უფრო მძლავრი აპარატი დაგჭირდეთ.

დრელი ელემენტზე მუშაობს მხოლოდ მანამ, სანამ მისი ბატარეა დატენილია. დამუხტვა გაგრძელდება შედარებით დიდხანს, ამიტომ ეს ფაქტი ყოველთვის უნდა გქონდეთ გათვალისწინებული.

ზოგიერთ მათგანს აქვს იგივე ცვლადი სიჩქარის კონტროლი, როგორც საკაბელო მოდელებს, რომელიც მარტივად ფუნქციონირებს - ღილაკზე ნაზად დაჭერაა საჭირო დაბალი სიჩქარისთვის, ძლიერად კი მეტი სისწრაფისთვის. ზოგიერთ მოდელს აქვს მხოლოდ ერთი ან ორი სიჩქარე, რა დროსაც შესაძლებელია სიჩქარის კონტროლის შეცვლა.

ხელის ბურღი არის სახელოსნოში ერთ-ერთი ყველაზე ხშირად გამოყენებული ხელსაწყო,  ამიტომ აუცილებელია იცოდეთ, როგორ იმოქმედოთ უსაფრთხოდ,  როდესაც საქმე ეხება პროტოტიპების შექმნასა და პროექტებზე მუშაობას.

როგორ გამოვიყენოთ ბურღი 

შესაბამისი პირის არჩევამდე ძალიან მნიშვნელოვანია განსაზღვროთ ხვრელის ზომა და სიღრმე, რომელსაც ბურღავთ. ხრახნებით მუშაობისას საპილოტე ხვრელების მომზადება ძალიან მნიშვნელოვანია ხის გაყოფის თავიდან ასაცილებლად. 

ელექტრო ბურღი მარტივი სამართავია და მთავარია დაიცვათ შემდეგი პრინციპები.

  1. აირჩიეთ სწორი პირები
  2. მოარგეთ არჩეული პირები ხელსაწყოს
  3. შეამოწმეთ ყველა პარამეტრი. 

დარწმუნდით, რომ ელემენტი დატენილია. თუ ის არ არის საკმარისად დამუხტული, შეიძლება იყოს უფრო ნელი და  არაეფექტური. 

შეამოწმეთ სიჩქარის პარამეტრები. პარამეტრი 1 არის დაბალი სიჩქარე და მაღალი ბრუნვა, რომელიც იდეალურია მასალაში ჭანჭიკების ჩასახრახნად. პარამეტრი 2 არის მაღალი სიჩქარე და დაბალი ბრუნვა, რაც კარგია ხვრელების ბურღვისთვის. თქვენ, სავარაუდოდ, იყენებთ უფრო სწრაფ პარამეტრს სამუშაოების უმეტესობისთვის და უფრო ნელ პარამეტრს, თუ ხეზე აკეთებთ დიდ/ღრმა ხვრელებს.

  1. მონიშნეთ ის ადგილი, რაზეც უნდა იმუშაოთ და დადექით სწორად, რათა კომფორტულად მიუდგეთ ზედაპირს
  2. დარწმუნდით, რომ პირი ეხება მასალას და რომ აპარატი სწორი კუთხით გიჭირავთ. უმეტეს შემთხვევაში,, ეს ნიშნავს, რომ პირი მასალის პერპენდიკულარული იქნება. 
  3. პროცესში შეამოწმეთ, რომ ისე მიდის ყველაფერი, როგორც დაგეგმეთ, თუ არადა შეცვალეთ პირები, ან სხვა მხრიდან მიუდექით, იმის გათვალისწინებით, თუ რა მიმართულებით გსურს მუშობის გაგრძელება.

დეტალურად იმის შესახებ, თუ როგორ გამოვიყენოთ ელექტრო დრელი? იხილეთ ინგკოს ბლოგი.

ელექტრო ბურღი - ingco id11008-1

ჩვენი ხელსაწყოების ონლაინ მაღაზია ელექტრო ბურღების ფართო არჩევანს გთავაზობთ. ელექტრო ბურღი 1100 ვტ INGCO ID11008-1 მახასიათებლების წყალობით ერთ-ერთი გამორჩეული აპარატია. 

დიდ სიმძლავრესთან ერთად გამოირჩევა მაქსიმალური ჭრის შესაძლებლობით, რომელიც 16 მმ-ია. აქვს როგორც დარტყმითი, ასევე წინ და უკან ბრუნვის ფუნქცია.

კომპრესორი

ჰაერის კომპრესორი - INGCO AAC2508

ეს არის მექანიკური მოწყობილობა, რომელიც ზრდის გაზის წნევას მისი მოცულობის შემცირებით. ჰაერის კომპრესორი მისი სპეციფიკური ტიპია.

რა არის კომპრესორი

ჰაერის კომპრესორი მუშაობს მაღალ ტემპერატურაზე და იმ ადგილებში, სადაც აფეთქებები და ხანძრის საფრთხე ზღუდავს ენერგიის სხვა ფორმებს. ჰაერის გენერირება შესაძლებელია ადგილზე, ასე რომ თქვენ მეტი კონტროლი გაქვთ მის  გამოყენებასა და ხარისხზე. ასევე, ეს აპარატი ამუშავებს ისეთ ინსტრუმენტებსა და მოწყობილობებს, რომლებიც გამოიმუშავებენ უფრო მეტ ენერგიას, ვიდრე ჩვეულებრივი იარაღები, შესაბამისად, კომპრესორის ყიდვა ძალიან ბევრ საქმეს გაგიმარტივებთ.

შეკუმშული ჰაერის მრავალი გამოყენება არსებობს. ფაქტობრივად, მწარმოებლების 70 პროცენტი იყენებს შეკუმშული ჰაერის სისტემას სხვადასხვა დანადგარებისთვის, მასალების დამუშავებისთვის და ბევრ სხვა მიმართულებაში. ამ პოპულარობის ერთ-ერთი მიზეზი არის ჰაერის, როგორც რესურსის გამოყენების უსაფრთხოება და მოხერხებულობა, განსხვავებით სხვა ენერგიის წყაროებისგან, როგორიცაა ელექტროენერგია.

ელექტრო კომპრესორი ძალიან პოპულარული პროდუქტია.  კომპაქტურია, მსუბუქია და მისი ინსტალაცია მარტივია. მთავარი, რაც  თქვენ დაგჭირდებათ არის ელექტროენერგიის მუდმივი მიწოდება. 

მაგალითად, აირის კომპრესორი შედარებით უფრო დიდი და მძიმეა. ამიტომ, მათი გადატანა ადვილი არ არის.

აირის აპარატი შედარებით ხმაურიანია და როგორც წესი მათ შიდა სივრცეში არ იყენებენ. ელექტრო კომპრესორი გამოირჩევა შეკუმშული ჰაერის მაღალი ხარისხით. ვინაიდან, თქვენ არ გჭირდებათ რაიმე საწვავის წყარო, როგორიცაა ნავთობი ან გაზი, დაბინძურების მინიმალური შანსი არსებობს. ასე რომ, ისინი ძალიან ფართოდ გამოიყენება სამედიცინო ინდუსტრიაში, სახლისა და ოფისის HVAC სისტემებში. 

ინგკო ამ ძალიან საჭირო აპარატის ფართო არჩევანს გთავაზობთ და რაც მთავარია, მიუხედავად მაღალი ხარისხისა და მრავალფუნქციონირებისა, კომპრესორის ფასი საკმაოდ ხელმისაწვდომია.

სახრახნისი

ეს არის ხელსაწყო, რომელიც ფუნქციონირებს ხელით, ან ძრავით ჭანჭიკების მოსაშვებად და მოსაჭერად. სტანდარტულ მოწყობილობას აქვს სახელური, ლილვი და ის მთავრდება სპეციალური ჩაჭრილი, ან ბრტყელი თავით. 

არსებობს უამრავი სხვადასხვა ტიპის ინსტრუმენტი. მაგალითად, ჭანჭიკის სახრახნისი სახელიდან გამომდინარე გასაგებია, თუ რა საქმისთვის გამოიყენება.

იგივე დინამომეტრი სახრახნისი ზომავს მოჭერის სიძლიერეს და მრავალ ინდუსტრიაში უზრუნველყოფს სხვადასხვა ტიპის ჭანჭიკებისა და ხრახნების სათანადოდ მორგებას. საწარმოო ოპერაციებში ამ ხელსაწყოს მიზანია, რომ შესაბამის პროდუქტზე ჭანჭიკები საერთო წნევით იყოს მოჭერილი. 

ელექტრო სახრახნისი საკმაოდ განსხვავდება ტიპური მოწყობილობისგან მიუხედავად იმისა, რომ ორივე ხელსაწყო ჭანჭიკზეა კონცენტრირებული, მთავარი განსხვავებაა მამოძრავებელი წყარო - მექანიკური მუშაობს ადამიანის მიერ გამოყენებულ ძალაზე, ხოლო ელექტრო ენერგიას იღებს ელექტრო წყაროდან. ეს თანამედროვე ნაწარმი სულ უფრო პოპულარული ხდება უკეთესი სიზუსტის, პროდუქტიულობისა და წნევის გამო. ასევე, ამცირებს ტრავმის მიღების რისკს.

ამიტომ, ხშირი სარემონტო სამუშოების საჭიროება თუ არსებობს, ეს პროდუქტი, ან თუნდაც აკუმულატორული სახრახნისი აუცილებლად უნდა იკავებდეს ადგილს თქვენს ხელსაწყოებში.

ინგკოში ძალიან ხელმისაწვდომ ფასად შეგიძლიათ შეიძინოთ ელექტრო  სახრახნისი, რომელიც ელემენტზე მუშაობს, თუმცა მიუხედავად ტექნიკის განვითარებისა და ელექტრო პროდუქტის ბევრი პრივილეგიისა, ადამიანების სრულ უმრავლესობას სახლში აქვს მარტივი მექანიკური ინსტრუმენტები. მაგალითად, ფიგურული სახრახნისი - პატარა, მსუბუქი და მარტივი მოწყობილობა, ყოველთვის იქნება პოპულარული.

თარაზო

თარაზო - ingco hsl38040m

ეს არის ინსტრუმენტი, რომელიც შექმნილია იმის დასადგენად, ზედაპირი ჰორიზონტალურია, თუ ვერტიკალური. ის შეიძლება გამოიყენონ დურგლებმა, ქვისმთლელებმა, აგურის მშენებლებმა, ამზომველებმა. ასევე გამოდგება ზოგიერთ ფოტოგრაფიულ ან ვიდეოგრაფიულ სამუშაოებში. მოკლედ, სამშენებლო საქმეში აუცილებელი ხელსაწყოა.

შედარებით თანამედროვე ტექნიკაა ლაზერული თარაზო. ამ აპარატით გაზომავთ სიმაღლეს, გათხრების კუთხეებს, ჩამოსხმულ ბეტონსა და ფერდობების განლაგების სიზუსტეს. სტაბილურად უზრუნველყოფს საიმედოდ და ზუსტად შესრულებულ სამუშაოს. დაყენება მარტივია და მოითხოვს მინიმალურ კონტროლს. 

ბუნებრივია, რომ ლაზერული თარაზო ფასის მხრივ განსხვავდება ჩვეულებრივი, მარტივი ინსტრუმენტისგან, მაგრამ ეს თანამედროვე პროდუქტი, მათგან ასევე განსხვავდება სიზუსტითა და ეფექტურობით და უამრავი პლუსი აქვს.

ასევე არსებობს თვითსწორებადი ლაზერული თარაზო, რომელიც კიდევ უფრო დახვეწილი ტექნოლოგიაა. 

მისი დახმარებით შეგიძლიათ იატაკის სისწორე გაზომოთ. საორიენტაციოდ დააყენეთ მაღალ ადგილზე. ერთი ლაზერული ხაზი ნიშნავს, რომ თქვენ გაქვთ მუდმივი სიმაღლე, რომელიც თქვენს საორიენტაციო წერტილშია. მაგრამ თუ ხედავთ ორ ხაზს, იატაკი ან უფრო დაბალია, ან უფრო მაღალი. იქიდან, თქვენ უნდა მოატრიალოთ მოწყობილობა რამდენიმე გრადუსით და მონიშნოთ ლაქები, რომლებიც დაბალი ან მაღალია, სანამ არ გააკეთებთ სრულ წრეს. 

თარაზო და მისი ფართო არჩევანი შეგიძლიათ იხილოთ ინგკოს ონლაინ მაღაზიაში

ხერხი

ამ ხელსაწყოს დიდი წარდგენა არ სჭირდება. სტანდარტული ხელის ხერხი ჯერ ისევ ძალიან მოსახერხებელი და მარტივი ინსტრუმენტია. იდეალური ვარიანტია ეზოსა და სახლში პატარა სამუშაოებისთვის, მაგრამ როცა შედარებით დიდ და რთულ საქმეზე მიდგება ჯერი, ელექტრო ხერხი საუკეთესო გადაწყვეტილებაა.

ეს ტექნიკა გამოდგება როგორც ეზოში, ასევე მეტალზე, ან ხეზე შიდა სამუშოებისთვის. ბევრი სხვადასხვა ელექტრო ვარიანტი არსებობს და მათ შორისაა დაზგური ბეწვა ხერხი, იგივე ლობზიკი, რომელიც იდეალური სწორი ფორმების ამოსაჭრელად გამოგადგებათ. შესაბამისი პირების მორგების შემდეგ იმუშავებთ ლითონზე, ხეზე, პლასტმასაზე და კერამიკულ ფილაზე.

ცირკული ხერხი ასევე ელექტრო მოწყობილობაა, რომელიც სწორი ხაზების საჭრელადაა განკუთვნილი, სწორი და სუფთა ფორმების გაკეთების უნარის გამო, შეგიძლიათ თავისუფლად იმუშაოთ ავეჯის მორთვაზე.

"ხერხის სხვადასხვა ტიპები და მათი უპირატესობები"-ს შესახებ დამატებით ინფორმაციას შეგიძლიათ გაეცნოთ ჩვენს ბლოგში.

როგორც უკვე მიმოვიხილეთ, თანამედროვე ტექნოლოგიები უამრავი უპირატესობით გამოირჩევა და თუნდაც გამოუცდელი ადამიანისთვისაც კი სახლის სამუშოებს ძალიან ამარტივებს.

ინგკოში შეგხვდებათ ყველა ის ინსტრუმენტი, რომელიც აუცილებლად დაგჭირდებათ დამოუკიდებლად მუშაობის პირობებში.

სხვა ბლოგები

კუთხსახეხი (ბარგალკა) სახელოსნოს განუყოფელი ნაწილი

კუთხსახეხი (ბარგალკა) სახელოსნოს განუყოფელი ნაწილი

კუთხსახეხი, იგივე ბარგალკა, არის ხელის ხელსაწყო, რომელიც ძირითადად ლითონზე სამუშაოდ გამოიყენება. მისი მრავალმხრივი შესაძლებლობები მოიცავს - ჭრას, ბურღვას, გაპრიალებასა და “ფინიშინგს”. გარდა ლითონისა, იდეალური ვარიანტია მყარი მასალების, ხის, აგურის, ბეტონის, ქვისა და ალუმინის საჭრელად და მოსაპირკეთებლად.

14 აგვისტო 2022

როგორ შევარჩიოთ შედუღების (სვარკის) აპარატი და სარჩილავი

როგორ შევარჩიოთ შედუღების (სვარკის) აპარატი და სარჩილავი

შედუღების აპარატები ლითონის გადამამუშავებელი ინდუსტრიის მნიშვნელოვანი ნაწილია. მარტივად რომ ვთქვათ, ეს მოწყობილობა აწარმოებს სითბოს მეტალის დასადნობად და შემდეგ ამ მეტალისგან სასურველი კონსტრუქცია ყალიბდება. როგორც წესი, ლითონის ნაწილებს ადნობენ, რომ შემდეგ ისინი ერთმანეთს შეუერთონ. როდესაც ეს შეერთებული ნაწილი გაცივდება, ხდება ფიქსირებული და გამძლე კონსტრუქცია.

3 აგვისტო 2022

ხერხის სხვადასხვა ტიპები და მათი უპირატესობები

ხერხის სხვადასხვა ტიპები და მათი უპირატესობები

ხერხი უძველესი დროიდან არსებობს და დღესაც ადამიანის შეუცვლელი იარაღია. ძველი წელთაღრიცხვის დაახლოებით 1500 წელს დამზადებული მეტალის ხელის ხერხები ძველი ეგვიპტისა და მესოპოტამიის ტერიტორიაზე ნაპოვნი. ასევე კაჟისგან დამზადებული ხელის ეს ხელსაწყო სამხრეთ საფრანგეთში არქეოლოგიურ სამარხებშია აღმოჩენილი. რა თქმა უნდა, იმ ძველი პერიოდის შემდეგ მან დიდი გზა გაიარა და ოცდამეერთე საუკუნეში ბევრად უფრო მოსახერხებელი და ფართო არჩევანი გვაქვს, ვიდრე ჩვენს ძველ წინაპრებს ჰქონდათ.

8 ივლისი 2022

7 აუცილებელი ხელსაწყო თქვენი ავტომობილისთვის

7 აუცილებელი ხელსაწყო თქვენი ავტომობილისთვის

მანქანით ქალაქში გადაადგილება, როგორც წესი, განსაკუთრებული ექსცესების გარეშე ჩაივლის ხოლმე, მაგრამ დაშვებული საბურავი, დამჯდარი აკუმულატორი, ან მანქანის ნებისმიერი სხვა პრობლემა ყოველთვის შესაძლებელია, რომ თავს დაგვატყდეს. ტრანსპორტში სწორი ინსტრუმენტების ქონა ძალიან დაგეხმარებათ, რომ თქვენით შეასრულოთ ძირითადი წვრილმანი ავტო სარემონტო და ტექნიკური სამუშაოები, რითაც დაზოგავთ დროსა და ფულს და აირიდებთ თავიდან დამატებით პრობლემებს.

27 ივნისი 2022