ელექტრო დრელის დანიშნულება, მხოლოდ, სამშნებლო სამუშაოები არ არის. მსგავსი ხელსაწყო სახლშიც ძალიან საჭიროა და აქტიურად იყენებენ ხელნაკეთი ნივთების დასამზადებლადაც.
ელექტრო დრელის სახეობები:
- პერფორატორი/ბურღი
- დრელ-მიქსერი
- დრელ-სახრასნისი
რას უნდა მივაქციოთ ყურადღება ელექტრო ინსტრუმენტების შეძენისას
ელექტრო ინსტრუმენტის შერჩევის დროს მომხმარებელმა უნდა გაითვალისწინოს ხელსაწყოს ტექნიკური მონაცემები და იმ სამუშაოს მოცულობა და დატვირთვა, რისთვისაც ყიდულობს ნივთს.
კერძოდ კი, ელექტრო ინსტრუმენტის შერჩევისას გასათვალისწინებელი მახასიათებლებია:
- მასალა (ლითონის, ხის და ბეტონის ზედაპირზე მუშაობის დროს ხელსაწყოს დატვირთვა განსხვავებულია);
- სიმძლავრე;
- ბურღვის დიამეტრი;
- საჭრელი პირები;
- ერგონომიულობა.
სიმძლავრე ელექტრო ხელსაწყოს მაქსიმალურ შესაძლებლობებზე მიუთითებს. თუ გავითვალისწინებთ, რომ ელექტრო ინსტრუმენტს სხვადასხვა ზედაპირზე სხვადასხვა დატვირთვით უწევს მუშაობა, ძალიან მნიშვნელოვანია, ხელსაწყოს ის სიმძლავრე ჰქონდეს, რომელიც საჭირო სამუშაოს შესრულებას განაპირობებს. ბურღვის დიამეტრის და საჭრელი პირების სწორად შერჩევა კი უპირობო მოთხოვნაა იმისთვის, რომ მომხმარებელმა მაქსიმალური შედეგი მიიღოს.
უსაფრთხოების ზომები
სასურველია, ელექტრო დრელის უწყვეტმა სამუშაო დრომ 4 საათს არ გადააჭარბოს, რათა თავიდან ავირიდოთ ხელსაწყოს გადაწვა. რეკომენდებულია, ელექტრო ინსტრუმენტი 15-20 წუთის ინტერვალებით ვამუშაოთ;
მუშაობის პროცესში რეკომენდებულია ინსტრუმენტის შესვენება, რათა ხელსაწყო არ გადახურდეს და ფიზიკური ზიანი არ მიაყენოს მომხმარებელს. იმის გათვალისწინებოთ, რომ ელექტრო დრელი მუშაობის პროცესში ცხელდება, არ შეიძლება მისი შენახვა გაგრილებამდე და მასთან აღჭურვილობის გარეშე შეხება;
ელექტრო სახრახნისის შემთხვევაში აუცილებელია, მხედველობაში მივიღოთ დასაშვები დატვირთვის და იმ ზედაპირის შესაბამისობა, რომელზეც ვმუშაობთ;
რეკომენდებულია დამცავი ფარისა და ხელთათმანის გამოყენება;
აკრძალულია ნესტიან ადგილებში ინსტრუმენტის გამოყენება.
როგორ გამოვიყენოთ ელექტრო დრელი და სახრახნისი ხელნაკეთი ნივთების დასამზადებლად
ნივთები, რომლებიც, ერთი შეხედვით, უკვე უსარგებლოდ გვეჩვენება, მარტივად შეგვიძლია, ინტერიერის კრეატიულ და სასარგებლო დეკორად ვაქციოთ. შემოგთავაზებთ რამდენიმე საინტერესო იდეას, თუ როგორ შეძლებთ სახლის პირობებში ულამაზესი თაროების დამზადებას ზედმეტი ძალისხმევის გარეშე. ამისთვის დაგჭირდებათ ელექტრო დრელი და სახრახნისი.
თუ გაქვთ ძველი, გაცვეთილი ქამრები და გადასაყრელად გენანებათ, შეგძლიათ თაროების დასაკიდად გამოიყენოთ. ასევე, სურვილისამებრ, შეღებოთ და მყარად მიამაგროთ კედელს. ამისთვის დაგჭირდებათ სამომხმარებლო ტიპის ელექტრო საბურღი დრელი და იმ ზედაპირის შესაბამისი საბურღი თავაკი, რომელზეც მოგიწევთ მუშაობა;
ხის მასალისგან შესაძლებელია მარტივი კონსტრუქციის თაროს აწყობა. თქვენი გემოვნებით შეგიძლიათ, ხის მასალას სხვადასხვა გეომეტრიული ფიგურის სახე მისცეთ, მსგავსი თარო ძალიან უხდება სხვადასხვა დიზაინის ინტერიერებს. ამისთვის დაგჭირდებათ წებოს თოფი ან სილიკონის პისტოლეტი, ელექტრო დრელი ჩაქუჩით და ხრახნდამჭერი, რომელიც დავალებას გაგიმარტივებთ.
