,ინგკოს” ელექტრო დრელი, ბურღი, პერფერატორი, კუთხსახეხი და სხვა მსგავსი ინსტრუმენტები მნიშვნელოვნად ამარტივებს და აჩქარებს სამუშაო პროცესს, უზრუნველყოფს მაღალ პროდუქტიულობას და ხარისხიან შედეგს.
მიუხედავად ჩვენი გამძლე პერფერატორებისა, მოულოდნელობებისაგან არავინ არ არის დაზღვეული, დროთა განმავლობაში ნებისმიერი მოწყობილობა ცვდება და სათანადო მოვლა-შეკეთებას საჭიროებს. ელექტრო ხელსაწყოების ინტენსიური ექსპლუატაციის პირობებში თავს იჩენს სხვადასხვა სახის ტექნიკური ხარვეზები, რაც დროული რეაგირების გარეშე შეიძლება სრული მწყობრიდან გამოსვლით დასრულდეს.
ყველაზე გავრცელებული პრობლემები და გამაფრთხილებელი ნიშნები
ელექტრო ხელსაწყოების გამოყენებისას აუცილებელია ყურადღება მივაქციოთ ნებისმიერ უჩვეულო ნიშანს, რომელიც შესაძლოა ტექნიკურ პრობლემებზე მიუთითებდეს. ამგვარი ნიშნების დროული შემჩნევა და ელექტრო ხელსაწყოების შეკეთება დაგეხმარებათ, თავიდან ავიცილოთ სერიოზული დაზიანებები. განვიხილოთ ზოგიერთი ყველაზე გავრცელებული პრობლემა და მისი გამოვლინება:
ხელსაწყო არ ირთვება ან პერიოდულად ითიშება
ჩართვის პრობლემა ერთ-ერთი ყველაზე ხშირი და აშკარა ნიშანია იმისა, რომ ელექტრო ხელსაწყოს რაღაც წესრიგში არ აქვს. ეს შეიძლება გამოწვეული იყოს დაზიანებული ჩამრთველით, ელექტროკაბელით ან შიდა ელექტრული წრედის პრობლემებით. ასეთ შემთხვევაში საჭიროა ხელსაწყოს შემოწმება კვალიფიციური სპეციალისტის მიერ.
მაღალი ვიბრაცია და ხმაური
ელექტრო ხელსაწყოების გამაფრთხილებელი ნიშნებიდან ყველაზე გავრცელებული უჩვეულო ხმაური და ვიბრაციაა, რაც შეიძლება ცვეთაზე, მექანიკური დაზიანებებზე ან საკისრების დეფექტებზე მიუთითებზეს. ამ შემთხვევაში საჭიროა გაცვეთილი დეტალების შეცვლა ან ელექტრო ხელსაწყოს შეკეთება.
სწრაფი გაცხელება და გადახურების გამო გამორთვა
ხელსაწყოს ინტენსიური გაცხელება და თერმული გამორთვა შეიძლება გამოწვეული იყოს ვენტილაციის არხების დაბინძურებით, გამაგრილებელი სისტემის გაუმართაობით, ელექტრული კომპონენტების დაზიანებით ან გადატვირთვით. საჭიროა ხელსაწყოს გაწმენდა, შემოწმება და საჭიროების შემთხვევაში შეკეთება.
დაქვეითებული სიმძლავრე და ეფექტიანობა
თუ ხელსაწყო ნელა მუშაობს ან სათანადო შედეგს ვერ უზრუნველყოფს, ეს შეიძლება მიუთითებდეს საჭრელი/საბურღი ნაწილების ცვეთაზე, ამძრავი მექანიზმის პრობლემებზე ან მოტორის დაზიანებაზე. საჭიროა ამ დეტალების შეცვლა ხარისხიანი ანალოგებით.
ჯაგრისების დაჩქარებული ცვეთა
ნახშირბადის ჯაგრისების სწრაფი ცვეთის მიზეზი შეიძლება იყოს დაბალი ხარისხის ან შეუსაბამო ჯაგრისების გამოყენება, არასწორი ძაბვა ან მოტორის შიდა დაზიანებები. საჭიროა ცვეთადი ჯაგრისების დროული გამოცვლა და მოტორის შემოწმება.
დამწვრის სუნი
დამწვრის სუნი ხელსაწყოს მუშაობისას ძალიან სერიოზული პრობლემის მანიშნებელია. ის შეიძლება გამოწვეული იყოს საიზოლაციო მასალის დაზიანებით, მოკლე ჩართვით ან ელექტრული კომპონენტების გადახურებით. ასეთ დროს აუცილებელია ხელსაწყოს დაუყოვნებლივ გამორთვა და სპეციალისტის კონსულტაცია.
რჩევები, როგორ უნდა მოუფრთხილდეთ თქვენს ელექტრო ხელსაწყოებს
ელექტრო ხელსაწყოების გამართული და ხანგრძლივი მუშაობისთვის გადამწყვეტია მათი სწორი ექსპლუატაცია და მოვლა-შენახვა. აქ მოცემულია რამდენიმე პრაქტიკული რჩევა, რომელთა გათვალისწინებაც დაგეხმარებათ ხელსაწყოების უსაფრთხო და ეფექტურ გამოყენებაში:
დაიცავით ინსტრუქცია - ელექტრო ხელსაწყოებისა და დანადგარების შერჩევისთანავე ყურადღებით გაეცანით მოხმარების ინსტრუქციას და ზედმიწევნით შეასრულეთ მოცემული მითითებები. გაითვალისწინეთ უსაფრთხოების ნორმები და მაქსიმალური დატვირთვის ლიმიტი.
გამოიყენეთ დამცავი აღჭურვილობა - მუშაობისას აუცილებლად გაიკეთეთ სათვალე, ყურსაცობი და ჩაიცვით ხელთათმანები. ეს ფიზიკური დაზიანებებისა და მტვრის მავნე ზემოქმედებისგან დაგიცავთ.
შეინახეთ სწორად - სამუშაოს დასრულების შემდეგ გამორთეთ ხელსაწყო დენის წყაროდან, გაწმინდეთ და შეინახეთ მშრალ, დაცულ ადგილას. მოარიდეთ ექსტრემალურ ტემპერატურას და ტენიანობას.
აწარმოეთ რეგულარული შემოწმება - პერიოდულად დაათვალიერეთ ხელსაწყო. შეამოწმეთ ვენტილაციის არხების სისუფთავე, ცვეთადი ნაწილების მდგომარეობა, მოტორისა და საკისრების ხმაურის დონე. დროულად შეცვალეთ დაზიანებული კომპონენტები.
აკონტროლეთ კაბელის მდგომარეობა - ყოველთვის შეამოწმეთ ელექტროკაბელი და შტეფსელი გაცვეთის ან დაზიანების ნიშნებზე. არ გამოიყენოთ ხელსაწყო დაზიანებული კაბელით. საჭიროების შემთხვევაში შეაკეთეთ ან შეცვალეთ კაბელი.
მოერიდეთ გადატვირთვას - არ დაატვირთოთ ხელსაწყო იმაზე მეტად, ვიდრე გათვალისწინებულია მწარმოებლის მიერ. ზედმეტი დატვირთვა იწვევს გადახურებას და ამცირებს ხელსაწყოს ეფექტურობას.
დაიცავით უსაფრთხოება - არ გამოიყენოთ ხელსაწყო აალებადი ნივთიერებების ან ჟანგბადით გამდიდრებული ატმოსფეროს სიახლოვეს. ასევე არ დაუშვათ დენის კაბელის კონტაქტი სველ ზედაპირებთან.
მართალია, თქვენ შეგიძლიათ უსაფრთხო ხელსაწყოები და ინსტრუმენტები ონლაინ, ,,ინგკოს” ვებგვერდზე შეიძინოთ, თუმცა ამასთან ერთად მნიშვნელოვანია, რომ გაითვალისწინოთ ჩვენ მიერ გაზიარებული რეკომენდაციები, რომელთა დაცვაც ხელსაწყოს საიმედო და ხანგრძლივ მუშაობას განაპირობებს.
