Ingco
Warning

სურვილების სიის შესავსებად გაიარეთ ავტორიზაცია

ავტორიზაცია
სიაში დაბრუნება
ბენზინის გენერატორი VS დიზელის გენერატორი

ბენზინის გენერატორი VS დიზელის გენერატორი

რიგითი მოქალაქეებისთვისა და კომპანიებისთვის ელექტროენერგიის გარკვეული დროით შეწყვეტა სულაც არაა ახალი ამბავი. ელექტრომიმწოდებელი კომპანიების ვებსაიტზე როცა არ უნდა შეხვიდეთ, ყოველთვის ნახავთ ქუჩებისა და უბნების ჩამონათვალს, სადაც ელექტროენერგიის გეგმური, ან არაგეგმური  შეზღუდვაა. გენერატორი ამ გაუთვალისწინებელ და არც თუ ისე იშვიათ პრობლემას მარტივად გადაგვაწყვეტინებს.

რა არის გენერატორი

გენერატორი არის მოწყობილობა, რომელსაც შეუძლია ელექტროენერგიის მიწოდება სახლისთვის, ბიზნესისთვის და გამოიყენება ბევრ სხვადასხვა სიტუაციაში. მიუხედავად იმისა, რასაც სახელი გულისხმობს, ეს აპარატი რეალურად არ ქმნის ელექტროენერგიას. ამის ნაცვლად, ის იღებს ენერგიის სხვა ფორმას და გარდაქმნის მას ელექტროენერგიად.

გენერატორი უმეტესად ორი ტიპისაა - ბენზინის და დიზელის. თუ თქვენ ამუშავებთ სახლს, პორტატულ სამშენებლო აღჭურვილობას, ფერმას, და ა.შ. როგორც დიზელის, ისე ბენზინის გენერატორებს შეუძლიათ უზრუნველყონ ენერგია, რომელიც გჭირდებათ განათების შესანარჩუნებლად და სამუშაოს შესასრულებლად. 

ორივეს აქვს თავისი პლუსები და ბევრ ფაქტორზეა დამოკიდებული, თუ რომელია თქვენთვის ზედგამოჭრილი.

დიზელის გენერატორი - უპირატესობები

თანამედროვე დიზელის ძრავებმა გამოასწორეს ადრინდელი მოდელების ნაკლოვანებები - დიდი ტექნიკური ხარჯები და ზოგჯერ არასაკმარისი ენერგია. ისინი ახლა უფრო მეტ სიძლიერეს გამოიმუშავებენ და ნაკლებ მოვლას საჭიროებენ.

დიზელის გენერატორის ძირითადი უპირატესობები:

  • ადვილი მოსავლელია - ძრავა საჭიროებს ნაკლებ კომპონენტს, რომ ჩაირთოს და დაიწყოს მუშაობა. ასევე თქვენ არ მოგიწევთ ფიქრი სანთლების შეცვლაზე, ან კარბიურატორის ხშირად ხელახლა აწყობაზე.
  • ძალიან გამძლეა - დიზელის ძრავა გამძლეა ნებისმიერ სამუშაო პირობებში. უძლებს ცვეთას და არ არის მალფუჭებადი.
  • შესანახად უსაფრთხოა - მიუხედავად იმისა, რომ დიზელიც აალებადია, აალების რისკი გაცილებით დაბალია, ვიდრე სხვა ტიპის საწვავის შემთხვევაში.
  • გამომავალი სიმძლავრე დიდია - დიზელის გენერატორი ნებისმიერი დატვირთვის პირობებშიც კი დიდ ენერგიას გამოიმუშავებს. მუშაობს უფრო დიდი ხანგრძლივობით, ვიდრე სხვა ტიპის აპარატი.

დიზელის გენერატორი არა მხოლოდ გამძლეა, არამედ ძალიან მრავალმხრივიც. ეს კომერციული კლასის მოწყობილობა შეიძლება გამოყენებულ იქნას მრავალ ინდუსტრიაში. დიზელის ძრავას შეუძლია გახდეს ენერგიის ძირითადი წყარო - იქნება ეს ადგილზე დაყენებული აპარატი, თუ პორტატული ერთეული, რომელიც ტრანსპორტირების შემდეგ სხვადასხვა სამუშაოების განხორციელებას მოხმარდება. 

დიზელს ხანგრძლივი შენახვის ვადა აქვს. კარგ პირობებში დიზელის საწვავი დანამატების გარეშე  6-დან 12 თვემდე ძლებს. მეორეს მხრივ, დანამატების გარეშე ბენზინის შენახვის ვადა მხოლოდ სამი თვეა. ხანმოკლე ვარგისიანობის ვადა ნიშნავს, რომ ბენზინი უნდა გამოვიყენოთ დიზელზე ორიდან-ოთხჯერ მეტი სიხშირით, მოცულობის უფრო სწრაფად ათვისების მიზნით. გამოყენების ამ მოთხოვნას შეუძლია მნიშვნელოვანი დანახარჯები დაუმატოს მფლობელს.

დიზელის გენერატორი უზრუნველყოფს ელექტროენერგიას უმეტეს ადგილებში, რომლებიც გამორთულია ელექტრო ქსელიდან და მთავარი ხელსაწყოებისა და აღჭურვილობების გასააქტიურებლად ძირითადი ენერგიის წყარო არის საჭირო.

დიზელის გენერატორი - Ingco-ს წარმოების

3 კვ. ძრავის მქონე დიზელის გენერატორი წუთში 3000 ბრუნს აკეთებს. მისი ავზი საკმაოდ მოცულობითია - 15 ლიტრი. ძრავის ტიპი - 5.7 ცხენის ძალა. მოყვება დამხმარე სახელური და ბორბლები, რაც მის გადაადგილებს ძალიან გაგიმარტივებთ. გამოდგება ნებისმიერი სიტუაციისთვის და რაც მთავარია უძლებს ხანგრძლივ დატვირთვას.

დიზელის სისტემები უფრო ეფექტურია, ვიდრე ბენზინის, რადგან დიზელის ძრავებს აქვთ უფრო მაღალი თერმული ეფექტურობა, ვიდრე ბენზინის ძრავებს. დადასტურებულია, რომ  დიზელის საწვავიდან შეგიძლიათ მიიღოთ უფრო დიდი მოცულობის ენერგია, რადგან 1 ლიტრ საწვავზე ისინი უფრო დიდხანს მუშაობენ, ვიდრე ბენზინის.

საბოლოო ჯამში, დიზელ გენერატორი მიუხედავად მისი ხმაურის, გამონაბოლქვისა და მაღალი ფასისა, იდეალური ვარიანტია, თუ თქვენ ხშირად გიწევთ გამოყენება და მისი დიდი დატვირთვით მუშაობა.

ბენზინის გენერატორი - უპირატესობები

ბენზინის გენერატორი ძალიან კარგი ვარიანტია იშვიათი, ან დროებითი გამოყენებისთვის. უპირველეს ყოვლისა, ისინი ზოგადად ხელმისაწვდომია უფრო მეტ მოდელში  და ფასების დიაპაზონში, ვიდრე დიზელის ძრავიანები.

გენერატორი ბენზინზე - ძირითადი უპირატესობები:

  • მცირე ზომის, მსუბუქი, ადვილად სატარებელი.
  • დაბალი დეციბელი -  ჩუმი მუშაობის დროს.
  • ხელმისაწვდომი ფასი
  • სტაბილური ავტომატური ძაბვის რეგულირების სისტემა

ბენზინის გენერატორი ძალიან კარგი ვარიანტია იშვიათი, ან დროებითი გამოყენებისთვის. უპირველეს ყოვლისა, ისინი ზოგადად ხელმისაწვდომია უფრო მეტ მოდელში  და ფასების დიაპაზონში, ვიდრე დიზელის ძრავიანები. 

გამომავალი სიმძლავრე შეიძლება განსხვავდებოდეს მოდელის მიხედვით. ბენზინის ძრავიანს შეუძლია დააკმაყოფილოს სიმძლავრის მოთხოვნები 1000 ვატიდან, 15000 ვატამდე (ან უფრო მაღალიც).

საწვავის ავზის ზომა პირდაპირპროპორციულია გენერატორის გამომავალი სიმძლავრის. მაღალი სიმძლავრის მქონე ძრავიანს შედარებით დიდი ავზი აქვს, დაბალი სიმძლავრისას კი შედარებით პატარა.

ბენზინის პატარა გენერატორი - Ingco-ს წარმოების

მაგალითად,  სურათზე მოცემული ბენზინის პატარა გენერატორი, რომელიც 0.8 კვ.-ზე მუშაობს, 4 ლიტრიანი საწვავის ავზი აქვს. მისი სამუშაო დრო 13 საათია და ის ამ დროის განმავლობაში უწყვეტად გვამარაგებს ენერგიით.

ბენზინის აპარატები ასევე მუშაობენ უფრო ჩუმად და წარმოქმნიან ნაკლებად მავნე ნახშირორჟანგის ორთქლს, ვიდრე მათი დიზელის კოლეგები. ორივე ეს მახასიათებელი შეიძლება იყოს განმსაზღვრელი ფაქტორი, თუ თქვენ ყიდულობთ გენერატორს, როგორც არასისტემატური გამოყენების სარეზერვო ელექტროენერგიის ვარიანტს, ნაკლები ხმაური და შემცირებული გამონაბოლქვი დიდი პლიუსია.

კომპაქტური ზომის გამო, ბენზინის აპარატის გამოყენება შესაძლებელია მრავალი გზით. იქნება ეს ბაღში, სამშენებლო მოედანზე, მოგზაურობისას თუ კემპინგის დროს. პატარა ზომისა და ნაკლები წონის გამო, მისი ტრანსპორტირებაც ძალიან მარტივია.

მძლავრი, 6.5 კვ. ძრავის მქონე ბენზინის გენერატორი იდეალურია თქვენი სახლისთვის და ყველა მნიშვნელოვანი მოწყობილობის ერთდროულად ფუნქციონირებას უზრუნველყოფს, იქნება ეს მაცივარი, ტელევიზორი, სხვადასხვა ტექნიკა და განათება. აპარატი მუშაობს ჰაერის გაგრილებაზე, საწვავის ავზი დიდი ზომისაა და 25 ლიტრ ბენზინს იტევს.

ბენზინის-გენერატორი

როგორც აღვნიშნეთ დიზელის ძრავიანი უფრო ეკონომიურია, მაგრამ დიზელი ასევე ძვირია, ვიდრე ბენზინი, ასე რომ თქვენ ნაკლებად შეამჩნევთ დანაზოგს, თუ არ იყენებთ დიდი ინტენსივობითა და დატვირთვით თქვენს გენერატორს. 

ასევე ბენზინის საწვავის უპირატესობა ის არის, რომ საგანგებო სიტუაციებში ის უფრო ხელმისაწვდომი იქნება, ვიდრე დიზელი. იმის გამო, რომ მანქანების უმეტესობა და მინი, პორტატული გენერატორები მუშაობენ ბენზინზე, მისი შოვნა უფრო მარტივია ნებისმიერ ადგილას.

გენერატორი ბენზინზე უფრო მეტად ცხელდება, მაგრამ თქვენ მაინც შეგიძლიათ მრავალი წლის განმავლობაში გამოიყენოთ ისინი, თუ თქვენი გენერატორის დატვირთვა არ არის განსაკუთრებით ინტენსიური და არ ამუშავებთ მაღალ მოთხოვნაზე. 

თანამედროვე მიდგომებმა და ტექნოლოგიების განვითარებამ ორივე ტიპის გენერატორი ბევრად ეფექტურ აპარატად აქცია, ვიდრე მათი წინამორბედი იყო. სამწუხაროდ, ზოგადი პროგრესი ჯერ არ გამოდგა საკმარისი, რომ ელექტროენერგიის შეზღუდვა ჩვენი ყოველდღიური ცხოვრების ნაწილი აღარ ყოფილიყო, ამიტომაც გენერატორი კვლავ რჩება ერთ-ერთი მაღალმოთხოვნად პროდუქტად.

ბენზინისა და დიზელის ძრავიანს შორის არ არსებობს ცუდი გენერატორი, ორივე პირნათლად შეასრულებს დაკისრებულ მოვალეობას, მაგრამ რიგი ზემოთჩამოთვლილული ფაქტორების გათვალისწინებით,  თქვენ შეძლებთ თქვენს მოთხოვნილებებზე ზუსტად მორგებული გენერატორის შერჩევას.

სხვა ბლოგები

7 აუცილებელი ხელსაწყო თქვენი ავტომობილისთვის

7 აუცილებელი ხელსაწყო თქვენი ავტომობილისთვის

მანქანით ქალაქში გადაადგილება, როგორც წესი, განსაკუთრებული ექსცესების გარეშე ჩაივლის ხოლმე, მაგრამ დაშვებული საბურავი, დამჯდარი აკუმულატორი, ან მანქანის ნებისმიერი სხვა პრობლემა ყოველთვის შესაძლებელია, რომ თავს დაგვატყდეს. ტრანსპორტში სწორი ინსტრუმენტების ქონა ძალიან დაგეხმარებათ, რომ თქვენით შეასრულოთ ძირითადი წვრილმანი ავტო სარემონტო და ტექნიკური სამუშაოები, რითაც დაზოგავთ დროსა და ფულს და აირიდებთ თავიდან დამატებით პრობლემებს.

27 ივნისი 2022

როგორ შევარჩიოთ ბალახის სათიბი ბაღისთვის

როგორ შევარჩიოთ ბალახის სათიბი ბაღისთვის

მწვანე, ლამაზად და თანაბრად გაკრეჭილი გაზონი ისაა, რაზეც ყველა მებაღე ოცნებობს. ამ სასურველი შედეგის მიღწევა, შესაბამისი ხელსაწყოებით, მარტივად შეიძლება, მაგრამ სწორი ხელსაწყოების შერჩევა ზოგჯერ რთულ პროცესად იქცევა ხოლმე.  ბალახის საკრეჭი ხელსაწყოების ყიდვა ერთ-ერთი ასეთი კომპლექსური საკითხია, განსაკუთრებით მაშინ, თუ ეს თქვენი პირველი გამოცდილებაა, ან თუ გაქვთ სრულიად განსხვავებული გაზონი, ვიდრე აქამდე გქონდათ. მაგრამ სანერვიულო არაფერია, ეს არ ჰგავს რუბიკის კუბის აწყობას და რიგი ფაქტორების გათვალისწინებით, თქვენი ბაღისთვის ყველაზე გამოსადეგ საჭრელ მანქანას მარტივად აირჩევთ.

15 ივნისი 2022

როგორ შევარჩიოთ სახრახნისების ნაკრები

როგორ შევარჩიოთ სახრახნისების ნაკრები

რა არის სახრახნისი, ეს ყველამ ვიცით. ამ ხელსაწყოს საკმაოდ მარტივი კონსტრუქცია აქვს: სახელური, ტარი და სამუშაო პირი და ამიტომაც მისი შერჩევა თითქოს დიდ სირთულეს არ წარმოადგენს, თუმცა ბაზარზე სახრახნისების ნაკრების მრავალფეროვანი ასორტიმენტია და მათში გასარკვევად მოკლე რეკომენდაციები ალბათ ზედმეტი არ იქნება.

17 თებერვალი 2022

5 ელექტროხელსაწყო, რომელიც სახლში და აგარაკზე უნდა გქონდეთ

5 ელექტროხელსაწყო, რომელიც სახლში და აგარაკზე უნდა გქონდეთ

წარმოუდგენელია, რომ ბინაში დრო და დრო არ დაგჭირდეთ რაღაცის შერემონტება, შეკეთება, განახლება. ასეთი სამუშაო გაცილებით მეტია კერძო სახლში, აგარაკსა თუ სოფელში და ყველგან საჭიროა კარგი ხელსაწყოები.

7 თებერვალი 2022