პროფესიონალური შედუღების აპარატები ლითონის გადამამუშავებელი ინდუსტრიის მნიშვნელოვანი ნაწილია. მარტივად რომ ვთქვათ, ეს მოწყობილობა აწარმოებს სითბოს მეტალის დასადნობად და შემდეგ ამ მეტალისგან სასურველი კონსტრუქცია ყალიბდება.
როგორც წესი, ლითონის ნაწილებს ადნობენ, რომ შემდეგ ისინი ერთმანეთს შეუერთონ. როდესაც ეს შეერთებული ნაწილი გაცივდება, ხდება ფიქსირებული და გამძლე კონსტრუქცია.
შესაძლებელია სხვადასხვა მასალაზე მუშაობა, თუმცა შედუღების აპარატი, როგორც წესი, ყველაზე ხშირად გამოიყენება ლითონებთან. ამჟამად, შესადუღებელი აპარატი ყველაზე პოპულარულია ისეთ სამრეწველო ინდუსტრიებში, სადაც მზადდება ლითონის მასალები, სხვადასხვა ნაწილები და ხელსაწყოები.
თუმცა, ტექნიკის განვითარებასთან ერთად, სულ უფრო დაიხვეწა ეს ტექნოლოგია და ხშირად გამოიყენება სახლის პირობებში, დამოუკიდებლად მუშაობისას. ეს უკვე მარტივი ტექნოლოგია არამარტო პროფესიონალებისთვისაა ხელმისაწვდომი და მოსახერხებელი, არამედ დამწყებებიც ადვილად უღებენ ალღოს.
სვარკის აპარატი, როგორც მას ჩვენთან ხშირად ეძახიან, ძირითადად გამოიყენება სახლის ისეთი სამუშაოების დროს, სადაც საჭიროა მეტალის სხვადასხვა ნაწილების გაერთიანება.
აუცილებელია, რომ ამ დროს დაიცვათ უსაფრთხოების ყველა ნორმა. ტექნიკა ბოლომდე უნდა იყოს გამართული და თან უნდა გქონდეთ შედუღების ნიღაბი, ჩაფხუტი, სათვალე და ყველა სხვა მნიშვნელოვანი აქსესუარი.
დღეს ბაზარზე ბევრი სხვადასხვა პროდუქტი შეგხვდებათ, მათ შორის ყველაზე პოპულარულია 3 - Stick ინვერტორული შედუღების აპარატი, რომელიც არის უმაღლესი კლასის მოწყობილობა, MIG და TIG მანქანა.
დამწყებისთვის და თუნდაც პროფესიონალისთვის ხშირად რთულია სწორი გადაწყვეტილების მიღება, ამიტომ ჩვენ გირჩევთ როგორ შევარჩიოთ შედუღების აპარატი, რომელიც ჩვენს მოთხოვნებს ზუსტად ესადაგება.
მაგალითად ასეთია ელექტრო შედუღების აპარატი, რომელზეც ასევე ვისაუბრებთ.
TIG პროფესიონალური შესადუღებელი აპარატი
ეს დანადგარი ისე მუშაობს, რომ არ იყენებს დამატებით შემავსებელ მეტალს. ამრიგად, შედუღება სრულდება ერთი ლითონისგან. მაგრამ თქვენ შეგიძლიათ დაამატოთ ელექტროდი (სვარკის ჯოხი ასე რომ ვთქვათ) სხვადასხვა მასალებზე სამუშაოდ.
ეს არის ერთ-ერთი ყველაზე სუფთა მანქანა, რადგან არ წარმოქმნის ნარჩენებს. ეს მოწყობილობა განკუთვნილია მანქანის ძარაზე და მოტოციკლზე სამუშაოების შესასრულებლად, ვინაიდან მისი ელექტროდი ძალიან თხელია და ზუსტი.
Stick აპარატი
იგივე electrode welding ყველაზე გავრცელებული მოწყობილობაა. როგორც უკვე აღვნიშნეთ, ამ პროცესში გამოიყენება ელექტროდი, იგივე შედუღების ჯოხი.
იდეალურია ყველა შავი ლითონის და სხვა ტიპის ლითონზე სამუშაოდ.
საფუძვლები მარტივია. ეს ტექნოლოგია იყენებს მაღალი სიმძლავრის ელექტრულ „რკალს“ ლითონის სამუშაო ნაწილის დნობისთვის, რომელიც მიერთებულია მანქანაზე და ელექტროდს, რომელიც ასევე მიმაგრებულია ამ აპარატზე.
ელექტრული რკალი წარმოიქმნება, როდესაც ელექტრული დენი "ხტუნავს" და მოძრაობს ჰაერში ორ გამტარს შორის. ამ შემთხვევაში, ეს არის ლითონის სამუშაო ნაწილი და ელექტროდი, ორივე მათგანს აქვს ძლიერი ელექტრული დენი, რომელიც მიეწოდება მათ აპარატის საშუალებით.
ეს რკალი აცხელებს ლითონს უკიდურესად მაღალ ტემპერატურამდე. დნება როგორც ელექტროდი, ასევე ლითონი, რომელსაც ის ეხება და ეს საშუალებას აძლევს ამ ორ ლითონს შეერთდეს. ასე ხდება ელექტრო შედუღება.
მისი პორტაბელურობის გამო ის გამოიყენება ისეთ სფეროებში, როგორიცაა მძიმე აღჭურვილობის შეკეთება, მშენებლობა, მილსადენების შედუღება და მსგავსი ინდუსტრიები. მოდით უფრო ღრმად მიმოვიხილოთ როგორ მუშაობს ეს აპარატი.
- პირველ რიგში მანქანა უნდა იყოს გამართული. კონტროლის სხვადასხვა საშუალებების გამოყენებით შესაძლებელია მისი სიმძლავრისა და ოპერირების გზების დარეგულირება. მნიშვნელოვანია, რომ წაიკითხოთ გამყიდველის მიერ მოწოდებული სახელმძღვანელო.
- როცა დარწმუნდებით, რომ ის სრულიად გამართულია, შემდეგი ნაბიჯია ამ მოწყობილობის დამიწება. დამჭერით დაკავშირდება მანქანა და სამუშაო მეტალი. ეს აუცილებელია, რომ შეიქმნას ელექტრული წრე და წარმოიქმნას ელექტრული რკალი, რაც საჭიროა ლითონის ორი ნაწილის ერთმანეთზე შესაერთებლად.
- ახლა ყველაფერი წესრიგშია და მოათავსეთ მაღალგამტარი ელექტროდი შესადუღებელ მასალაზე და გააქტიურეთ მანქანა. ელექტროდი შეიძლება იყოს უკვე ნახსენები ერთგვარი ჯოხი, ან მავთულის ნაჭერი და ეს დამოკიდებულია მოწყობილობის ტიპზე.
- როდესაც ელექტროდი ოდნავ მოშორებულია ლითონის სამუშაო ნაწილისგან, ჩვეულებრივ, დაახლოებით 2-დან 4 მილიმეტრამდე, წარმოიქმნება ელექტრული რკალი, როგორც ელექტრული ნახტომი მეტალსა და ელექტროდს შორის. ეს უკიდურესად ცხელი რკალი თითქმის მაშინვე იწყებს ლითონის სამუშაო ნაწილის და ელექტროდის დნობას. შეგახსენებთ, რომ მთელ ამ პროცესში აუცილებლად უნდა გეკეთოთ შედუღების ნიღაბი. ჩვენ გირჩევთ ავტომატურად მუქებად ნიღაბს, რომელიც ულტრათანამედროვე აქსესუარია და მუშობის პროცესს ძალიან გაგიმარტივებთ.
- მას შემდეგ, რაც რკალი ჩამოყალიბდება, ლითონის სამუშაო ნაწილი და ელექტროდი გააგრძელებენ ერთად დნობას და წარმოქმნიან „შედუღების აუზს“. ეს არის გამდნარი ლითონის აუზი, სადაც შესადუღებელი ლითონისგან წარმოიქმნება საბოლოო სტრუქტურა.
ინგკოში შეგხვდებათ ამ მანქანის ყველაზე თანამედროვე და მოსახერხებელი ვარიანტი. მისი მაქსიმალური გამომავალი ძაბვა 200 ამპერია და ნებისმიერ საქმიანობაში გამოგადგებათ.
შესადუღებელი აპარატი INGCO ING-MMA1805
პროდუქტის დამატებით დეტალებს აქვე მოგახსენებთ:
- ძაბვა: 85ვ
- სიხშირე: 50/60 ჰერცი;
- ფაზა: ერთფაზიანი;
- ელექტროდის დიამეტრი: 1.6-4.0 მმ;
- დანიშნულება: სამომხმარებლო;
- გამომავალი სიმძლავრე: 10-180 ამპერი;
- შემავალი სიმძლავრე: 220-240ვ.
აქსესუარები კომპლექტში:
- 1 ელექტროდის დამჭერი სადენით;
- 1 დამიწების სამაგრი სადენით;
- 1 დამცავი ჩაფხუტი;
- 1 მავთულის ჯაგრისი;
აქსესუარების ასევე მნიშვნელოვანია ნაწილია ე.წ სვარკის სათვალე. ინგკოში მარტივი და ელასტიკური დიზაინის მქონე ეს ნაწარმიც დაგხვდებათ
MIG შესადუღებელი აპარატი
იგივე შედუღების აპარატი კემპი, არის სწრაფი სიჩქარის მანქანა, რომელიც გამოიყენება როგორც სქელი, ასევე თხელი ლითონის შესადუღებლად. თუმცა, ამისთვის საჭიროა კარგი MIG დანადგარი (სასურველია 3 ფაზიანი), რათა მოხდეს სიმძლავრის რეგულირება და მან შეძლოს ნებისმიერი დატვირთვით მუშაობა.
მისი ძირითადი გამოყენების სფეროა გემების წარმოება, ასევე საავტომობილო ინდუსტრია.
ამ შემთხვევაშიც მნიშვნელოვანია შესაბამისი შედუღების აპარატის აქსესუარები, რათა საქმე სრულფასოვნად შესრულდეს და ადამიანი დაცული იყოს.
რა არის სარჩილავი (პაიანიკი)
ეს მოწყობილობა გამოიყენება სხვადასხვა ტიპის ლითონების ერთმანეთთან შესაერთებლად. ჩვეულებრივ დამზადებულია კალისა და ტყვიისგან, რომელიც დნება ცხელი რკინის გამოყენებით. რკინა მაღალ ტემპერატურაზე ცხელდება, რომელიც შემდეგ ცივდება ძლიერი ელექტრული კავშირის შესაქმნელად.
სარჩილავი სადგური ამ პროდუქტის ერთ-ერთი სახეობაა, რომელიც დიდი ენერგიით გამოირჩევა. შესაბამისად განსხვავდება ზომაში და მოიხმარს მეტ ენერგიას.
მარტივი გამოყენების, სამომხმარებლო სარჩილავი პასტა ინგკოში შეგიძლიათ შეიძინოთ.
ეს ელექტრო მოწყობილობა ძალიან კომპაქტურია და დიდი დრო არ დაგჭირდებათ ისწავლოთ თუ როგორ გამოიყენოთ.
დამატებითი დეტალები:
გაცხელების დრო: 3-5 წთ;
დანიშნულება: ინდუსტრიული;
შემავალი სიმძლავრე: 60 ვტ;
ძაბვა: 220-240ვ 50/60 ჰერცი;
ეს მოწყობილობა, რომელსაც შეიძლება პაიანიკის სახელით იცნობთ, სახლში არსებულ ბევრ წვრილ პრობლემას მარტივად მოაგვარებს.
როგორც უკვე ვისაუბრეთ, შედუღების აპარატები და სარჩილავი სადგური გამოიყენება როგორც სხვადასხვა ინდუსტრიაში, ასევე დამოუკიდებლად სახლში მუშაობისას.
ინგკო ამ თანამედროვე მანქანების ფართო არჩევანს გთავაზობთ. მაღალი ხარისხი და ხელმისაწვდომი ფასი მოქმედებს როგორც ამ ძირითად ტექნიკაზე, ასევე მათ აქსესუარებზე.
