Ingco
Warning

სურვილების სიის შესავსებად გაიარეთ ავტორიზაცია

ავტორიზაცია
სიაში დაბრუნება
როგორ შევარჩიოთ სახრახნისების ნაკრები

როგორ შევარჩიოთ სახრახნისების ნაკრები

რა არის სახრახნისი, ეს ყველამ ვიცით. ამ ხელსაწყოს საკმაოდ მარტივი კონსტრუქცია აქვს: სახელური, ტარი და სამუშაო პირი და ამიტომაც მისი შერჩევა თითქოს დიდ სირთულეს არ წარმოადგენს, თუმცა ბაზარზე სახრახნისების ნაკრების მრავალფეროვანი ასორტიმენტია და მათში გასარკვევად მოკლე რეკომენდაციები ალბათ ზედმეტი არ იქნება.

როგორი სახრახნისები არსებობს?

დღეს სახრახნისების ძირითადი სახეობებია:

ბრტყელპირა სახრახნისები - ეს სახრახნისი გათვალისწინებული შესაბამისი ფორმის სამაგრებისთვის, თუმცა ზოგ შემთხვევაში შეიძლება მათი გამოყენება სხვა ფორმის ხრახნებთან და  თვითმჭრელ შურუპებთან მუშაობისას;

My alt text

სახრახნისი ჯვარედინა - მას კონუსის ფორმის, ჯვარედინი სამუშაო პირი აქვს, მაგნიტური დამჭერი.  მისი დახმარებით შესაძლებელია ჯვრის ფორმის ჭრილის მქონე სამაგრების მოხსნა და მოჭერა. ჯვარედინა სახრახნისი უმეტესად გამოიყენება რბილი მასალით აწყობილი კონსტრუქციებისთვის, როგორიც არის ხე, ალუმინი, თაბაშირ-მუყაოს ფილა (გიფსოკარდონი). დღეს ბრტყელ პირა სახრახნისი  და სახრახნისი ჯვარედინა აუცილებლად უნდა გქონდეთ სახლში.

სახრახნისი ვარსკვლავა პირით - მისი სამუშაო პირი ექვსქიმიან ვარსკვლავს წააგავს და სახელიც ამის მიხედვით შეერქვა. ასეთი ფორმის სახრახნისები ფართოდ გამოიყენება სხვადასხვა ელექტრო და საყოფაცხოვრებო ტექნიკისთვის. ამიტომაც სახრახნისი ვარსკვლავა პირით სწორედ ასეთი ტექნიკის ხელოსნის სამუშაო ნაკრებში შედის;

My alt text

ექსვსკუთხა სახრახნისი - მის სამუშაო პირს ექვსკუთხა ფორმა აქვს, რისი დამსახურებითაც 10-ჯერ უფრო მეტი ძალით შეიძლება ჭანჭიკის მოხსნა და დამაგრება, ვიდრე ჯვარედინა სახრახნისით.

სასინჯი-სახრახნისი - ინდიკატორი სახრახნისი, რომელიც დაგეხმარებათ, მარტივად შეამოწმოთ შედის თუ არა დენი კონკრეტულ გამტარში, როზეტში, ელექტროპანელში. ალბათ, ზედმეტია იმის შეხსენება, თუ რა სახიფათოა სიცოცხლისთვის ელექტრომოწყობილობებთან კონტაქტი, ამიტომ სასინჯი-სახრახნისი ყოველთვის უნდა გქონდეთ სახლში.

აქ ჩამოთვლილი ძირითადი სახეობების გარდა, არსებობს ინდუსტრიული სახრახნისები სპეციფიკური სფეროებისთვის.

სახრახნისის ექსპლუატაციის წესები

  • სახრახნისი მხოლოდ მისი უშუალო დანიშნულებით გამოიყენეთ;
  • გირჩევთ, შეიძინოთ სახრახნისის თავაკების ნაკრები - ამ შემთხვევაში მზად იქნებით სამუშაოსთვის ნებისმიერი ზომის ხრახნზე;
  • სახრახნისის სახელურზე არსებული ხვრელი არ ასრულებს დამხმარე ბერკეტის როლს, რათა მოჭერის ან მოხსნის შემთხვევაში მეტი ძალა დაატანოთ. ამისთვის გამოგადგებათ სახრახნისის ნაკრები ხრუტუნა სახელურით (T- ფორმის სახელურით);
  • ძაბვის ქვეშ სამუშაოს შესასრულებლად სახრახნისს უნდა ჰქონდეს იზოლაცია როგორც სახელურზე, ისე ტარზე. ასეთ სახრახნისებს მინიჭებული აქვს 1000 V VDE სერტიფიკატი.
  • სახრახნისის ექსპლუატაციისას გარემოს ტემპერატურის დასაშვები დიაპაზონია: -40-დან +70 გრადუსამდე. ერიდეთ სახრახნისის ექსპლუატაციას დიდ სიმხურვალეზე, რათა არ დეფორმირდეს სახრახნისის ტარი და სახელური;
  • სახრახნისი სამუშაოს შესრულების შემდეგ შენახვამდე უნდ გაწმინდოთ მტვრისგან და დარჩენილი ნაწილაკებისგან და შეინახოთ მშრალ ადგილას, რათა თავიდან აირიდოთ კოროზიის წარმოქმნა.

სხვა ბლოგები

რა უნდა იცოდეთ სამღებრო ხელსაწყოების შეძენამდე?

რა უნდა იცოდეთ სამღებრო ხელსაწყოების შეძენამდე?

არაფერი აქცევს სახლს ისე მიმზიდველად, როგორც კედლის განახლებული ფერი, რომელიც ინტერიერის დიზაინის მიმდინარე ტენდენციებში ჯდება. კედლის შეღებვა  მხოლოდ უბრალოდ ცვლილება არ არის, ეს ერთგვარი შემოქმედებითი პროცესია, რომელსაც თქვენს საცხოვრებელში სიახლეების შემოტანა შეუძლია.  მნიშვნელოვანი კი ისაა, რომ ამის გაკეთება მცირე ბიუჯეტითაც კი შეგიძლიათ. თუ ახალი მფლობელი ხართ ან უბრალოდ, სახლის ცვლილება გსურთ, მაშინ ინგკოს ფილიალებსა თუ ონლაინ მაღაზიაში საჭირო სამღებრო ხელსაწყოები და ინვენტარია ხელმისაწვდომი.

18 სექტემბერი 2023

რა უნდა ვიცოდეთ ელექტრო შედუღების აპარატის შეძენამდე?

რა უნდა ვიცოდეთ ელექტრო შედუღების აპარატის შეძენამდე?

საქართველოს ბაზარზე ელექტრო შედუღების აპარატები მრავლადაა წარმოდგენილი. სწორედ ამიტომ, ხშირ შემთხვევაში, სხვადასხვა ბრენდებისა და მოდელების შედარება რთულია. გამომდინარე იქიდან, რომ შედუღების მანქანა გრძელვადიანი შენაძენი და მნიშვნელოვანი ინვესტიციაა, პროცესი გარკვეული დროისა და რესურსის დათმობას მოითხოვს, რათა საბოლოო ჯამში საუკეთესო ვარიანტი აირჩიოთ.

10 აგვისტო 2023

როგორ შევარჩიოთ მტვერსასრუტი?

როგორ შევარჩიოთ მტვერსასრუტი?

მტვერსასრუტი ერთ-ერთი ყველაზე პოპულარული საყოფაცხოვრებო ტექნიკაა. მისი დახმარებით ვზოგავთ დროს, ენერგიას და შედეგი უფრო სრულყოფილია, ვიდრე სტანდარტული მეთოდებით დალაგება/დასუფთავების შემთხვევაში.

19 ივნისი 2023

ეზოსა და ბაღის მოვლის ინსტრუმენტები

ეზოსა და ბაღის მოვლის ინსტრუმენტები

შესაბამისი ბაღის მოვლის ინსტრუმენტები აუცილებელია ისეთი საქმიანობებისთვის, როგორიცაა მებაღეობა, გამწვანება და ზოგადად ეზოს მოვლა

5 ივნისი 2023