როგორ შევარჩიოთ ხელსაწყოების ნაკრები

ყოველდღიურად ჩვენ ირგვლივ იმდენად ბევრი ნივთი გროვდება, რომ, ერთხელაც, მათი შეკეთება, აუცილებლად, დაგვჭირდება. ეს კი, არა მხოლოდ, გარკვეულ უნარ-ჩვევებს, არამედ შესაბამის მოწყობილობებსაც მოითხოვს.

თუკი ამ სტატიას კითხულობთ, ესე იგი, უკვე იცით, თუ როგორი კრიტიკული სიტუაცია იქმნება, როცა სახლში ფორს-მაჟორი დგება, ხელთ კი, მხოლოდ, წებოვანი ლენტი ან სამზარეულოს დანა აღმოგვაჩნდება. ამ დროს, ალბათ, იმასაც გაიფიქრებდით, რომ თუნდაც მინიმალური ხელსაწყოების ნაკრები ხვალ თუ არა ზეგ მაინც უნდა შეიძინოთ.

ეს სწორი გადაწყვეტილებაა, მაგრამ ასეთი კომპლექტების არჩევანი იმდენად მრავალფეროვანია, რომ შეიძლება შერჩევის დროს დაიბნეთ, ამიტომ გაგაცნობთ ის მნიშვნელოვან კრიტერიუმებს, რომლებსაც ხელის ინსტრუმენტების ნაკრების შეძენისას უნდა მიაქციოთ ყურადღება და რამდენიმე რეკომენდაციასაც მოგცემთ სპეციალიზებული ინსტრუმენტების შესარჩევად.

რით დავიწყოთ ხელსაწყოების ნაკრების შერჩევა?

თუ უკვე მოიფიქრეთ, რისთვის გჭირდებათ ინსტრუმენტები: გსურთ საკუთარი ხელით იჩხერკედელაოთ, შეაკეთოთ, დახერხოთ, გაარემონტოთ, შეღებოთ თუ სხვა, მეორე დილემა თანამედროვე მაღაზიებში პროფესიონალური თუ ინდუსტრიული საჭიროებებისათვის არსებული კომბინაციებიდან თქვენზე მორგებული ხელსაწყოების შერჩევა შეიძლება გახდეს, განსაკუთრებით, თუ ხარისხიანობასა და საიმედოობას დიდ მნიშვნელობას ანიჭებთ.

ჩვენის მხრივ, გთავაზობთ incgo.ge-ს ვებგვერდიდან ხარისხით გამორჩეული, ტექნიკურად გამართული Ingco-ს ხელსაწყოები დაათვალიეროთ. თითოეული მათგანი ფუნქციურად სრულყოფილია და ეფექტურად ასრულებს ნებისმიერ სამუშაოს. ელექტროხელსაწყოებისთვის კი არანაკლებ მნიშვნელოვანია ენერგოეფექტურობა და საექსპლუატაციო საიმედოობა.

ჩვენთან წარმოდგენილი პროდუქცია გამოირჩევა იმითაც, რომ ყველაზე მარტივ ნაკრებში რამდენიმე განსხვავებულ, ან სხვადასხვა ზომის, ერთი ტიპის ინსტრუმენტს შეხვდებით სხვადასხვა საჭიროებებისთვის. ეს შეიძლება იყოს ქანჩის გასაღების ნაკრები, სახრახნისების ნაკრები, ბრტყელტუჩების კომპლექტი თუ ქლიბის ნაკრები, მიქსი ...

ხელსაწყოების დიდი კომპლექტი შეიძლება, 100-ზე მეტი ინსტრუმენტს აერთიანებდეს, რომლებიც გამოგადგებათ როგორც ავეჯის შესაკეთებლად, ასევე ავტომობილის შესარემონტებლად და სხვა, უფრო კომპლექსური საჭიროებებისათვის.

რითი განსხვავდება ერთმანეთისგან ხელსაწყოების სხვადასხვა კომპლექტი?

ხელის ინსტრუმენტების კომპლექტები პირობითად შეიძლება, რამდენიმე ჯგუფად დავყოთ:

ხელსაწყოების უნივერსალური ნაკრები - გამოიგადგებათ სახლში სხვადასხვა სამუშაოსთვსის და ტექნიკის რემონტისთვის. ასეთ კომპლექტში, როგორც წესი, ბევრი ხელსაწყოა - 100-ზე მეტიც. ეს კი იმას ნიშნავს, რომ ხელსაწყოების ჩანთაში ყველაფერი იქნება, რაც შეიძლება დაგჭირდეთ და დამატებით ცალ-ცალკე შეძენა აღარ მოგიწევთ. შესაბამისად, ასეთ კომპლექტს ფასიც მაღალი აქვს.

კარგ უნივერსალურ ნაკრებში უნდა იყოს:

• ხრუტუნა გასაღები;
• სხვადასხვა ზომის ექვსწახნაგა ქანჩი;
• კარდანული სახსარი;
• ანთების სანთელი ზომებში;
• კომბინირებული ქანჩის გასაღები ზომებში;
• ჩაქუჩი;
• კომბინირებული ბრტყელტუჩა;
• გრძელცხვირა ბრტყელტუჩა;
• სახრახნისები;
• სხვადასხვა ზომის თავაკები;
• სხვადასხვა ზომის ექვსწახნაგა გასაღები;
• დამაგრძელებელი და ა.შ.;

ეს ინსტრუმენტები, რა თქმა უნდა, ცალ-ცალკეც შეგიძლიათ შეიძინოთ, მაგრამ როცა მწარმოებელი მათ ერთ კომპლექტში გთავაზობთ, ეს გაცილებით ეკონომიურია.

სამომხმარებლო ხელსაწყოების ნაკრები - ასეთ ნაკრებში ყველა ის ხელსაწყოა, რაც კი შეიძლება, სახლისთვის, აგარაკისა თუ მანქანისთვის დაგჭირდეთ. ასეთი არჩევანის გაკეთებაში Ingco-მ სამომხმარებლო ხაზი დაგეხმარებათ.

სახლში არსებულ გამოწვევებს დამოუკიდებლად რომ გაუმკლავდეთ, კომპლექტში, როგორც მინიმუმ, უნდა იყოს:

• ქანჩქამანდი (რაზვადნოი კლუჩი);
• სახრახნისი (ატვიორკა), სხვადასხვა ფორმის და ზომის სათადარიგო თავაკებით - ფიგურული, ვიწრო და ფართო;
• სახრახნისი ინდიკატორით (ელექტროგაყვანილობასთან სამუშაოდ);
• ბრტყელტუჩა (პლასკაგუბცი);
• მკვნეტარა (კუსაჩკა);
• ქანჩის გასაღები ზომებში;
• ქლიბი;
• რამდენიმე ზომის ჩიზელი ხეზე სამუშაოდ.

ასეთი ხელსაწყოების ნაკრებით, მართალია, სრულფასოვანი რემონტის წამოწყება არ გამოგივათ, მაგრამ სანტექნიკისა თუ ავეჯის შეკეთებას მარტივად მოახერხებთ.

ვიწრო სპეციალიზაციის ანუ პროფესიონალური ხელსაწყოების ნაკრები

პროფესიონალური ხელსაწყოების ნაკრებში, ზოგადად საჭირო ხელსაწყოების გარდა, ისეთი ინტრუმენტები შედის, რომლებიც გარკვეული სპეციფიკური სამუშაოს შესრულებაში შესაბამისი ხელობის მცოდნე ადამიანს გამოადგება. ასეთებია:

ელექტროსამონტაჟო ხელსაწყოების ნაკრები - ელექტროსამონტაჟო ნაკრებში, სახრახნისის, ბრტყელტუჩას, მკვნეტარას და სხვა სტანდარტული ინსტრუმენტების გარდა, უნდა შედიოდეს ასევე სპეციალური სახრახნისი ინდიკატორით და დიელექტრიკული სახრახნისები,  რომლებიც განსაზღვრულია მაღალ ძაბვასთან სამუშაოდ. დიელექტრიკული სახრახნისის სახელური დამზადებულია სპეციალური დენგაუმტარი მასალისგან.

ელექტროსამონტაჟო ხელსაწყოების ნაკრებში ასევე შეიძლება, შეგხვდეთ ბრტყელტუჩა მომჭერით, სატელეფონო და ინტერნეტის კაბელებისთვის. თუმცა, ციფრული მულტიმეტრი დამატებით უნდა შეიძინოთ.

საზეინკლო ხელსაწყოების ნაკრები - საზეინკლო ინსტრუმენტები სახლშიც ხშირად გამოგადგებათ, როცა ლითონის სხვადასხვა ნაკეთობის აწყობა თუ შეკეთება დაგჭირდებათ. მაგალითად, მორყეული სავარძლის გასამაგრებლად, ტაროს დასაკიდებლად, სანტექნიკის პრობლემების მოსაგვარებლად...

ასეთი ნაკრები, როგორც წესი, პატარაა და მასში შედის: სხვადასხვა ზომის ხრუტუნა სახრახნისი და ჯვარედინი ქანჩის გასაღები, ქანჩქამანდი, საზომი რულეტი მაგნიტით, ბრტყელტუჩა და სხვ.

სადურგლო ხელსაწყოების კომპლექტი - სადურგლო ხელსაწყოები ხეზე სამუშაოდ არის განკუთვნილი. ისინი მაშინ დაგჭირდებათ, როცა მოგიწევთ, მაგალითად, ხის კარებზე საკეტების შეცვლა-დაყენება, პეტლების შეცვლა, ლინოლიუმის ან იატაკის დაგება, დაშლილი ავეჯის აწყობა ან გადაკეთება, ხის ღობის შეკეთება და ა.შ.;

სადურგლო ხელსაწყოების კომპლექტში უნდა შდიოდეს, მინიმუმ: ფიქსატორი, ხელის ხერხი, რამოდენიმე ზომის  ჩიზელი, სხვადასხვა ზომის ქლიბის ნაკრები, ჩაქუჩი, საზომი რულეტი, რეზინის ჩაქუჩი. ამ ინსტრუმენტებს შეიძლება დაამატოთ ელექტრო ბეწვა ხერხი შესაცვლელი პირებით.

ავტომობილის ხელსაწყოების ნაკრები - ავტომობილისთვის ყოველთვის ბევრი ინსტრუმენტია ხოლმე საჭირო, თუ გავითვალისწინებთ, რამდენ ქანჩთან და გადამყვანთან გექნებათ საქმე. კარგ ავტონაკრებში უნდა იყოს:

• ქანჩის გასაღების ნაკრები;
• სხვადასხვა ზომის სახრახნისი;
• კარდანის სახსარი;
• წამოსაცმელი ქანჩი;
• ხრახნდამჭერი;
• ბრტყელტუჩა;
• გასაშლელი ქანჩის გასაღები (რაზვადნოი კლუჩი);
• ჯვარედინი ქანჩის გასაღები და ა.შ.;

ეს ყველაფერი უნდა ეწყოს კომპაქტურ და მყარ ჩანთაში, რომელსაც საბარგულში ან მანქანის სალონში სუფთად შეინახავთ.

გარდა ამისა, ინგკოში ასევე ნახავთ ისეთ ინსტრუმენტებს, რომლებიც შეიძლება ავტოფარეხში დაგჭირდეთ: მანქანის მტვერსასრუტი, ჰაერდამბერი, მაღალი წნევით სარეცხი აპარატი, ამწე, ჰაერის კომპრესორი, მანქანის დასაქოქი და ა.შ.;

ხელსაწყოების რომელი ნაკრები ვიყიდო?

თუკი თქვენ გამოცდილი ოსტატი ხართ, მაშინ თავადვე უკვე განსაზღვრული გექნებათ, რა გჭირდებათ მუშაობისთვის, მაგრამ თუკი ნაკრებს საჩუქრად ყიდულობთ ან სახლისთვის გსურთ, მაგრამ ჯერჯერობით არანაირი გამოცდილება არ გაქვთ, შეგიძლიათ ეს ზოგადი რეკომენდაციები გაითვალისწინოთ:

• სახლში და აგარაკზე ყოველდღიური სამუშაოებისთვის უმჯობესია, უნივერსალური ნაკრები შეიძინოთ. აქვე ისიც გაითვალისწინეთ, რომ სახლის სამუშაოებში ხელსაწყოებს დიდი დატვირთვა არ ექნება და ამიტომ არ ღირს მაინცდამაინც მაღალი გამძლეობის და, შესაბამისად, ძვირად ღირებული ინსტრუმენტების შეძენა. მთავარია, ფუნქციურად სრულყოფილი იყოს და კარგად შეასრულოს ის სამუშაო, რისთვისაც შეიძინეთ; ინგკოს ხელსაწყოები არაერთხელ გამოგიყვანთ რთული სიტუაციიდან.
• ავტომობილისთვის აუცილებელია, მაღალი ხარისხი შეარჩიოთ. მანქანის „შიგნეულის“ რემონტისას ზოგჯერ ერთი ქანჩის მოშვებასაც კი დიდი ძალისხმევა სჭირდება, ამიტომ სუსტი ხელსაწყო აქ არ გამოგადგებათ და ეკონომიის გაკეთება არ ღირს;
• ვიწრო სპეციალიზაციის სამუშაოებისთვის კი შეგიძლიათ, თავად შეაგროვოთ საჭირო კომპლექტი. პროფესიონალური მიმართულება ინგკოს ბრენდის წამყვან ქვაკუთხედს წარმოადგენს - ამაში თავადაც დარწმუნდებით, თუკი ჩვენს კატალოგს დაათვალიერებთ.