Ingco
Warning

სურვილების სიის შესავსებად გაიარეთ ავტორიზაცია

ავტორიზაცია
სიაში დაბრუნება
მანქანის მტვერსასრუტი - რა უნდა იცოდეთ, სანამ შეიძენთ

მანქანის მტვერსასრუტი - რა უნდა იცოდეთ, სანამ შეიძენთ

ავტომობილის სალონში სისუფთავის შენარჩუნება ამ პატარა ნივთის გარეშე რთულია. ზოგიერთი ავტომოყვარული შეიძლება ფიქრობს, რომ ასეთ საქმეს ხელის მტვერსასრუტითაც გააკეთებს, მაგრამ საეჭვოა, რომ მან კონკურენცია გაუწიოს სპეციალურად ავტომობილისთვის შექმნილს. პირველ რიგში, იმის გამო, რომ ავტომობილის მტვერსასრუტს არ სჭირდება შტეფსელში შეერთება და, მეორე ის, რომ მანქანის მტვერსასრუტებს მოყვება სხვადასხვა ზომის, მათ შორის, პატარა და ვიწრო საცმებიც, რომლებიც მარტივად შედის კუთხეებში და ძნელად მისადგომ ადგილებში. ამასთანავე, ე.წ. „მანქანის პილასოსი“ გაცილებით კომპაქტურია - უფრო მოხერხებულად გაწმენდთ საბარგულს და იქვე შეინახავთ ისე, რომ დიდ ადგილს არ დაიკავებს.

მოკლედ, მანქანის მტვერსასრუტი თუკი ჯერ არ შეგიძენიათ, ჩვენ გაგიზიარებთ მოკლე რეკომენდაციებს, თუ რას უნდა მიაქციოთ ყურადღება  მისი შერჩევისას.

მშრალი წმენდის მტვერსასრუტი

მანქანის მტვერსასრუტის კვების წყარო

ამ კრიტერიუმის მიხევდით, სამი ტიპის მტვერსასრუტი არსებობს:

  • კვება მანქანის სანთებელადან

ასეთ მტვერსასრუტებს დიდი სიმძლავრე აქვს, და შესაბამისად, ნებისმიერ ჭუჭყს ადვილად ერევა. თანაც, შეგიძლიათ, იმდენ ხანს ამუშაოთ, რამდენიც გჭირდებათ.

ასეთი კვების მეორე მხარე კი ის არის, რომ: ა) მტვერსასრუტის ხანგრძლივი მუშაობის გამო შეიძლება, მანქანის აკუმულატორი განიმუხტოს (დაჯდეს) და საამისოდ აკუმულატორის დამტენი დაგჭირდებათ; ბ) შნური, რომელიც მტვერსასრუტს მანქანის სანთებელასთან აერთებს, ხშირად მანევრირების საშუალებას და დასალაგებელი სივრცის დიაპაზონს ამცირებს;

  • კვება ჩაშენებული აკუმულატორიდან

ასეთი მტვერსასრუტი, როგორც წესი, ადვილი მოსახმარებელი და კომპაქტური ზომისაა. თუმცა აკუმულატორი 20-30-წუთიანი მუშაობისთვის ჰყოფნის. აკუმულატორიან მტვერსასრუტს სიმძლავრეც ნაკლები აქვს, ამიტომ ისეთ ნარჩენებს, როგორიცაა, მაგალითად ცხოველის ბეწვი ან ქვიშა, სრულყოფილად ვერ უმკლავდება;

  • კომბინირებული კვება

ასეთი მტვერსასრუტები მანქანის სანთებელადანაც მუშაობს და აკუმულატორიც აქვს, შესაბამისად - უკონკურენტოა, თუმცა მათი ფასიც გაცილებით მაღალია.

მანქანის მტვერსასრუტი

მანქანის მტვერსასრუტის სიმძლავრე

ამ კრიტერიუმის მიხედვით მანქანის მტვერსასრუტების ორი ტიპი გვხვდება:

  • დაბალსიმძლავრიანი მტვერსასრუტი - 20-90 W, რომლებიც აბსოლუტურად საკმარისია მტვრის ასაღებად ძნელად მისადგომი ადგილებიდან, კუთხეებიდან, სავარძლების ნაკეცებიდან, სავარძლებს შორის და სავარძლების ქვეშ არსებული სივრცეებიდან... არსებობს 20-W-ზე ნაკლები სიმძლავრის მტვერსასრუტები, მაგრამ ასეთს დიდად ვერ გამოიყენებთ.
  • მაღალსიმძლავრიანი მტვერსასრუტი - 1000 W-დან, დაახლოებით, 24000 W-მდე. ასეთი მოდელები კაპიტალურად ასუფთავებს სალონს, თუმცა სამუშაოდ მას დენის წყარო დასჭირდება.

ბევრი მწარმოებელი ასევე მიუთითებს შეწოვის სიმძლავრის მაჩვენებელს.

ცნობისათვის - ავტომტვერსასრუტს, რომლის სიმძლავრეა 70-120 W, შეწოვის სიმძლავრე აქვს, დაახლოებით, 4-6,2 Pa, რაც აბსოლუტურად საკმარისია როგორც წვრილი მტვრისა თუ ქვიშის, ასევე პატარა კენჭების ასაღებადაც.

გაითვალისწინეთ, რომ პორტატული მტვერსასრუტის შერჩევისას შესადარებლად ნუ გამოიყენებთ პროფესიონალ, „მონსტრ“ აპარატებს სახლისა თუ ავტოსამრეცხაოებისთვის. ავტომობილში 12 ვოლტია და არა 220 და მისი შესაძლებლობები შეზღუდულია.

მტვრის შემკრები

აქ ორი ვარიანტია - მტვერსასრუტი ტომრით ან მტვერსასრუტი ციკლონური კონტეინერით (ჭიქიანი კონტეინერი).

მტვრის შემკრები ტომრები არსებობს როგორც ერთჯერადი, ასევე მრავალჯერადი მოხმარებისთვის. მართალია, ტომრიანი მტვერსასრუტი შეიძლება, ცოტა მოუხერხებლად გეჩვენებოდეთ, მაგრამ ის თავის საქმეს კარგად უმკლავდება და, თანაც, იაფია.

ჭიქიანი მტვერსასრუტი გაცილებით პრაქტიკულია - კონტეინერი ადვილად ეხსნება და უმაგრდება და მარტივად ირეცხება. მისი მოცულობა კი შეიძლება 200 მლ-დან 1 ლ-მდე იყოს. თუმცა უნდა გაითვალისწინოთ, რომ რაც უფრო დიდია მტვრის შემკრები კონტეინერის მოცულობა, მით უფრო დიდი ზომის მტვერსასრუტი გამოდის.

მანქანის პილასოსი

მანქანის მტვერსასრუტის დანიშნულება

მანქანის მტვერსასრუტის შერჩევისას უმჯობესია, წინასწარ გქონდეთ განსაზღვრული, ძირითადად, რისთვის გამოიყენებთ - მშრალი დასუფთავებისთვის თუ სველი წმენდისთვის.  მაგალითად, თუკი თქვენი ავტომობილის სალონში, განსაკუთრებით ზამთრის სეზონზე, ხშირად ხვდება ტალახიანი ფეხი, ასეთ ჭუჭყს აუცილებლად მრეცხავი მტვერსასრუტი სჭირდება, თუმცა ასეთი მტვერსასრუტი საკმაოდ დიდი ზომისაა.

რაც შეეხება მტვერსასრუტს მშრალი დასუფთავებისთვის, ისინი გვხვდება ორი ფილტრით - НЕРА ფილტრით ან აკვაფილტრით.

НЕРА ფილტრს შეუძლია შეაკავოს ალერგენები და მავნე ნივთიერებები, როგორიც არის სოკოს სპორები, ბაქტერიები, მტვრის ტკიპები...

რაც შეეხება აკვაფილტრს, მისი ფუნქციაა არა მხოლოდ  ჭუჭყისა და მტვრის წმენდა, არამედ, ასევე ჰაერის, დატენიანება.

მანქანის მტვერსასრუტის შნურის სიგრძე

გაითვალისწინეთ, რომ თუკი მტვერსასრუტის შნურის სიგრძე 2 მეტრია, ასეთი მტვერსასრუტი პატარა მანქანის დასუფთავებისთვს გამოგადგებათ. მინივენებისა და ჯიპებისთვის მტვერსასრუტის შნურის სიგრძე უნდა იყოს 3-დან 5 მეტრამდე უნდა იყოს. როცა შნური მოკლეა, მოგიწევთ, მტვერსასრუტი აკუმულატორზე ამუშაოთ ( თუკი თქვენს მტვერსასრუტს კომბინირებული კვება აქვს);

მტვერსასრუტი მშრალი და სველი წმენდისთვის

მანქანის მტვერსასრუტის საცმები რაოდენობა

მტვერსასრუტს კომპლექტში რაც უფრო ბევრი საცმი მოჰყვება, მით უფრო გაგიმარტივდებათ სალონისა თუ საბარგულის დასუფთავება. თითოეულ საცმს თავის დანიშნულება აქვს - იქნება ეს ძნელად მისადგომი კუთხეებიდან და ღრიჭოებიდან მტვრის აღება, სალონის სავარძლებიდან ცხოველის ბეწვის მოცილება,  მანქანის ხალიჩების გაწმენდა და ა.შ.

დასკვნის სახით:

ამგვარად, ჩვენ ჩამოვთვალეთ ის კრიტერიუმები, რომლებიც მანქანის მტვერსასრუტის ყიდვისას უნდა გაითვალისწინოთ.

რაც უფრო მრავალფუნქციურია მტვერსასრუტი, გასაგებია, რომ ფასიც უფრო მაღალია, თუმცა თქვენ შეიძლება, სულაც არ გჭირდებოდეთ ბევრი ფუნქცია. იმისთვის, რომ „ფასი-ხარისხის“ თვალსაზრისით ოპტიმალური ვარიანტი შეარჩიოთ, უმჯობესია ingco-ს კონსულტანტებს მიმართოთ. ჩვენი სპეციალისტები დეტალურად აგიხსნიან თითოეული ფუნქციის დანიშნულებას და თქვენს საჭიროებებზე მორგებულ მოდელსაც შეგარჩევინებენ.

სხვა ბლოგები

უნიფორმა და უსაფრთხოება

უნიფორმა და უსაფრთხოება

ტექნიკური რეგლამენტი მშენებლობის უსაფრთხოების შესახებ, განსაზღვრავს სამშენებლო მოედანზე უსაფრთხოების მოთხოვნებს, რომელთა შორის ერთ-ერთის თანახმად, მუშებსა და ინჟინერ-ტექნიკურ პერსონალს სამშენებლო მოედანზე ყოფნისას უნდა ეცვათ სპეცტანსაცმელი, სამუშაო ფეხსაცმელი; უნდა ეკეთოთ სხეულის ღია ნაწილების დამცავი საშუალებები (ხელთათმანები, სათვალეები და სხვა) და ეხუროთ ჩაფხუტები, ხოლო სპეციალური სამუშაოები უნდა შესრულდეს სათანადო აღჭურვილობის გამოყენებით.

30 ნოემბერი 2021

წყლის ტუმბო სახლისთვის

წყლის ტუმბო სახლისთვის

ხარისხიანი წყალმომარაგება ნებისმიერი სახლისთვის მინიმალური კომფორტის აუცილებელი პირობაა. იმისთვის, რომ წყალი მოგეწოდებოდეთ, ორი საშუალება არსებობს: წყალმომარაგების ცენტრალურ სისტემასთან მიერთება ან საკუთარი ჭის გაბურღვა. კერძო სახლებისა და აგარაკებისთვის უმეტესად ეს მეორე საშუალებაა ხელმისაწვდომი, რადგან ქალაქებს მოშორებულ ტერიტორიებზე ცენტრალური წყალმომარაგება ხშირად არ არსებობს. სწორედ, ავტონომიური წყალმომარაგების სისტემის გასამართად დაგჭირდებათ წყლის ტუმბო, რომელიც ჭიდან ან სხვა რეზერვუარიდან ამოტუმბავს წყალს და მიმართავს მას მილებში, საიდანაც წყალი უკვე თქვენს სამზარეულომდე და აბაზანამდე მივა.

6 ოქტომბერი 2021

როგორ გამოვიყენოთ ელექტრო დრელი?

როგორ გამოვიყენოთ ელექტრო დრელი?

ელექტრო დრელის დანიშნულება, მხოლოდ, სამშნებლო სამუშაოები არ არის. მსგავსი ხელსაწყო სახლშიც ძალიან საჭიროა და აქტიურად იყენებენ ხელნაკეთი ნივთების დასამზადებლადაც.

24 სექტემბერი 2021

ელექტრო ხრახნდამჭერი - 6 განმარტება ინგკოსგან

ელექტრო ხრახნდამჭერი - 6 განმარტება ინგკოსგან

თაროს დაკიდება, პლინთუსის მიმაგრება, კარადის აწყობა და მსგავსი სამუშაოების შესრულება ხელის სახრახნისით, ჯერ ერთი, რომ რთულია და, მეორეც, გაცილებით დიდ დროს მოითხოვს. თანაც, თუკი ამ საქმეში ახალბედა ხართ, შეიძლება, ვერც მიიღოთ სასურველი შედეგი. გაცლებით მარტივია ელექტრო ხრახნდამჭერის გამოყენება და საქმესაც წუთებში დაასრულებთ. ამიტომ, ეს ხელსაწყო შეუცვლელი დამხმარეა როგორც სახლში, ასევე ოფისებში.

23 სექტემბერი 2021