Ingco
Warning

სურვილების სიის შესავსებად გაიარეთ ავტორიზაცია

ავტორიზაცია
სიაში დაბრუნება
ლითონზე და ხეზე სამუშაო ინსტრუმენტები

ლითონზე და ხეზე სამუშაო ინსტრუმენტები

ნებისმიერ ინდუსტრიაში, იქნება ეს სამშენებლო, სარესტავრაციო თუ სხვა, აუცილებელია ხარისხიანი ლითონზე და ხეზე სამუშაო ინსტრუმენტები. არაპროფესიონალ, სახლში დამოუკიდებლად მომუშავე ადამიანისთვისაც საჭიროა სპეციფიკური ხელსაწყოები და ინსტრუმენტების ნაკრები, რომლებიც რთულ საქმეს ძალიან გაამარტივებენ. 

სახლში დამოუკიდებლად მუშაობა, გარდა იმისა, რომ პროფესიონალების დაქირავების საჭიროებას აღარ ტოვებს და ხარჯებს ამცირებს, ასევე ძალიან სასიამოვნო პროცესია და ბევრი ადამიანის ჰობიც კია.

თანამედროვე ტექნოლოგიების განვითარებასთან ერთად იხვეწება და მრავალფეროვანდება სამუშაო ინსტრუმენტები. ის რაც დიდი, უხეში, არა ენერგოეფექტური აპარატებით კეთდებოდა და არაერთი ადამიანის ჩართულობას მოითხოვდა, დღეს ეს საქმე შეგიძლიათ მარტომ გააკეთოთ, მცირე გამოცდილებითა და თანამედროვე ხელსაწყოებით. 

“ინგკო” ჩინური ბრენდია, რომლის მიზანიც ზუსტად ესაა - გახადოს პროფესიონალური ხელსაწყოები ყველასთვის ხელმისაწვდომი. იქნება ეს დამწყები, დამოუკიდებლად მომუშავე ადამიანი, თუ სტაჟიანი პროფესიონალი.

მრავალწლიანი გამოცდილებიდან გამომდინარე INGCO-ს პროდუქცია არის ტექნიკურად, ვიზუალურად,  ფუნქციურად სრულყოფილი და რაც მთავარია ძალიან ეფექტურია.

“ინგკოს” კატეგორია ლითონზე და ხეზე სამუშაო ინსტრუმენტები ერთ-ერთი ყველაზე ფართო არჩევანითაა წარმოდგენილი:

  • სახრახნისი
  • ქანჩები, თავაკები
  • გირაგი
  • სტეპლერი, წებოს თოფი
  • ბრტყელტუჩები, მკვნეტარები, გრძელტუჩები
  • ლითონზე და პლასტმასზე სამუშაო მაკრატლები
  • მოსაჭიმები
  • ქლიბები
  • ჩაქუჩები
  • ჭანჭიკის საჭრელები
  • ხელის ზუმფარები, პირები
  • ხელის ხერხი

ეს ვრცელი ჩამონათვალი მოიცავს ყველა აუცილებელ პროდუქტს, რომელიც სამუშაო პროცესში გამოგადგებათ.

ბრტყელტუჩები, მკვნეტარები, გრძელტუჩები

მრავალფუნქციური ბრტყელტუჩა INGCO HFMFT0115

ამ კატეგორიაში არსებულ ბევრ ხელსაწყოს ბარბარიზმების გამო სხვადასხვა სახელით ვიცნობთ, მაგრამ დღეს უკვე სახელწოდებები: ბრტყელტუჩა, მკვნეტარა და გრძელტუჩა აქტიურად გამოიყენება. 

აქ შეგხვდებათ სხვადასხვა მულტიფუნქციური ინსტრუმენტი, როგორიცაა: მავთულმხვევი ბრტყელტუჩა, დიაგონალური მკვნეტარა, გრძელცხვირა, კომბინირებული ბრტყელტუჩა, ტყავის ხელსაწყოები.

ეს უკანასკნელი ძალიან საინტერესო მოწყობილობაა. სახელი ნათლად გვეუბნება, თუ რა დანიშნულება აქვს მას. ტყავის სახვრეტი ხელის ინსტრუმენტი იდეალურად ასრულებს დაკისრებულ მოვალეობას. მისი გამოყენება საკმაოდ მარტივია, ხოლო შედეგი კი უმაღლესი ხარისხით დაიკვეხნის.

მას აქვს ერგონომიული დიზაინი, ხოლო სახვრეტელას ზომა შემდეგია: 2.5 მმ,3 მმ,3.5 მმ,4 მმ,4.5 მმ,5 მმ.

სახრახნისების ნაკრები

სახრახნისების ნაკრები INGCO HKSDB0338

სახრახნისი ისეთი ხელსაწყოა, რომლის ადგილი ყველას სახლსა და სამუშაო ადგილას მოიძებნება.

ისტორიულად სახრახნისი ერთ-ერთი ყველაზე მარტივად გამოყენებადი ინსტრუმენტი იყო, რომლით სარგებლობა ყველას შეუძლია.

დროთა განმავლობაში გაიზარდა ამ პროდუქტის ფუნქცია, მაგრამ ის დღესაც ინარჩუნებს სიმარტივის ელემენტებს.

“ინგკოში” არაერთი სახრახნისების ნაკრები შეგხვდებათ. ყველა ეს კომპლექტი ერთმანეთისგან განსხვავდება და კონკრეტული თვისებებით გამოირჩევა.

მაგალითად, სახრახნისების ნაკრები 33-1ში INGCO HKSDB0338 ერთ-ერთი ასეთი კომპლექტია.

  • დანიშნულება: ინდუსტრიული;
  • აქსესუარები კომპლექტში: 20X6.35X25მმ სახრახნისის თავი;
  • ინსტრუმენტების რაოდენობა: 33;
  • ზომა: PH0,PH1,PH2,PH2,PH3,SL3,SL4,SL5,SL6,SL6;

სახრახნისების ნაკრები ინსტრუმენტების სიუხვის მიუხედავად საკმაოდ მსუბუქია და მისი  ტარება ყველასთვის მოსახერხებელია. ვიდეოში დეტალურად იხილავთ ამ მულტიფუნქციური ხელსაწყოების შესაძლებლობებს:

“ინგკოს” სახრახნისების ნაკრები ასევე სხვა ენის გასატეხი სახელების მქონე ხელსაწყოებითაა დაკომპლექტებული: ვარსკლავა ხრახნდამჭერის ნაკრები, ხრუტუნა სახრახნისი, სახრახნისების თავაკების ნაკრები, ექვსკუთხა სახრახნისი ნაკრები, ბრტყელტუჩა დავარსკავა სახრახნისი კომპლექტი. აუცილებლად უნდა აღინიშნოს, რომ გატეხვით მხოლოდ ენა გაგვიტყდება მათი წარმოთქმისას - თავად ხელსაწყო, ასევე სამუშაო ობიექტი, მაქსიმალურად დაცულია. ამას უზრუნველყოფს “ინგკოს” ბრენდი, რომელსაც ხარისხი უმაღლეს დონე ჰყავს აყვანილი.

ინსტრუმენტების ნაკრები

ცალკე ინსტრუმენტების ნაკრები დაიკვეხნის ფართო არჩევანით. ყოველი მათგანი განსხვავებული აქსესუარებითაა სავსე და ინსტრუმენტების რაოდენობით განსხვავდება.

ერთ-ერთი ასეთია ხელის ინსტრუმენტების ნაკრები INGCO HKTHP21171, რომელიც ყველა DIY, ან პროფესიონალის საოცნებო კომპლექტია. ეს მაგიური ქეისი 117 ცალ ინსტრუმენტს მოიცავს და ალბათ არ გადავამეტებ თუ ვიტყვი, რომ ბევრი ადამიანისთვის საოცნებო საჩუქარია.

ვიდეო უკეთ გამოხატავს მის დიდებულებას:

აქსესუარები კომპლექტში: 

  • 1 ხრუტუნა გასაღები, 45T; 
  • 18X1/2" ექვსწახნაგა სოკეტი (10-11-12-13-14-15-16-17-18-19-20-21-22-23-24-27-30-32 მმ);
  • 1X1/2" დამაგრძელებელი 250 მმ (10”);
  • 1X1/2" კარდანული სახსარი; 
  • 2 ანთების სანთელი 1/2 "Dr.16 მმ & 21 მმ;
  • 1X1/2" * 3/8" სამმხრივი ადაპტერი;
  • 1X1/4" ხრუტუნა გასაღები, 45T;
  • 13X1/4" ექვსწახნაგა სოკეტი 4-4,5-5-5,5-6-7-8-9-10-11-12-13-14; 
  • 1X1/4" დამაგრძელებელი 100 მმ (4");
  • 1X1/4"მცოცავი" T " პანელი;
  • 1X1/4" კარდანული სახსარი;
  • 8 კომბინირებული ქანჩის გასაღები 6-8-10-12-14-15-17-19 მმ;
  • 1 ჩაქუჩი 300 გრ;
  • 1X7" კომბინირებული ბრტყელტუჩა; 
  • 1X6" გრძელცხვირა ბრტყელტუჩა; 
  • 1XSL6.5 * 100 სახრახნისი; 
  • 1XPH2 * 100 სახრახნისი;
  • 14 თავაკი (T10-T15-T20-T25-T27-T30-T35-SL4-SL5.5-SL6.5-PH1-PH2-PZ1-PZ2);
  • 9 ექვსწახნაგა გასაღები 1.5-2-2.5-3-4-5-6-8-10 მმ;

ეს არ არის ყველაზე დიდი ინსტრუმენტების ნაკრები. “ინგკო” გთავაზობთ 142 აქსესუარიან ქეისს. ჩაწერეთ ძიების ველში პროდუქტის კოდი: 1006285 და თავად დაათვალიერეთ თუ რამხელა პოტენციალი აქვს ამ კომპლექტს.

ჩაქუჩები

ხელის ინსტრუმენტები ნაკრები მიმოვიხილეთ და ჩაქუჩი რომ არ ვახსენოთ, ისე არ გამოვა.

“ინგკოს” ამ კატეგორიაში შესვლისას მაშინვე თვალში მოგვხვდება მრავალფუნქციური ჩაქუჩი INGCO HMFH0121. მისი ფუნქცია ნამდვილად მრავალია და 12 სხვადასხვა გამოყენებას მოითვლის.

ეს ლამაზი და პრაქტიკული ხელსაწყო დაგეხმარებათ ლურსმნების ამოღებაში, გახერხვაში, აქვს სახრახნისის ფუნქცია და სამუშაოს დასრულების შემდეგ ლუდის ბოთლის თავსახურსაც მარტივად გახსნის.

კატეგორიაში ასევე შეგხვდებათ სხვადასხვა სიგრძის სტანდარტული ლურსმნის ამოსაღები, სხვადასხვა წონის ურო, რეზინის ჩაქუჩი, ურო ჩაქუჩი და ა.შ.

“ინგკოს” ლითონზე და ხეზე სამუშაო ინსტრუმენტები ბევრად მეტ პროდუქტს მოიცავს, ვიდრე ამ ბლოგში მიმოვიხილეთ. ეს კატეგორია დაახლოებით 10 გვერდზეა გადაჭიმული ასეულობით ხელსაწყოსა და სხვადასხვა კომპლექტს შეიცავს.

“ინგკო” ორიენტირებულია მისი პროდუქტია გახდეს უფრო ენერგო ეფექტური, უფრო ძლიერი და რაც მთავარია საიმედო. ამასთან ერთად, პროდუქციის ხარისხის სტანდარტი ყოველთვის მაღალ დონეზე აყვანილი, შესაბამისად, ინდუსტრიულ და სამომხმარებლო ხაზზე მოქმედებს სრული 1 წლიანი გარანტია.

სხვა ბლოგები

როგორ შევარჩიოთ წყლის ტუმბო

როგორ შევარჩიოთ წყლის ტუმბო

წყლის ტუმბო არის მექანიკური მოწყობილობა. ძალიან მარტივად რომ ვთქვათ, მას წყალი ერთი ადგილიდან მეორეში გადააქვს. იგი იყენებს კინეტიკურ ენერგიას, რომ მილის, ან შლანგის მეშვეობით წყალი დანიშნულების ადგილამდე მიიტანოს.

10 ოქტომბერი 2022

ჰაერის კომპრესორი მისი ტიპი და დანიშნულება

ჰაერის კომპრესორი მისი ტიპი და დანიშნულება

თანამედროვე სამყაროში ჰაერის კომპრესორები სასიცოცხლოდ მნიშვნელოვანია ქარხნებისა და სახელოსნოების ფუნქციონირებისთვის. მაგრამ ისინი ყოველთვის ასეთი პოპულარულები არ იყვნენ, ვინაიდან ჰაერის კომპრესორი შედარებით ახალი გამოგონებაა. ჰაერის კომპრესორებამდე ბევრი დანადგარი ენერგიას რთული სისტემებისგან შემდგარი აპარატიდან იღებდა. ის მუშაობდა ერთგვარი დიდი ქამრებით, ბორბლებითა და სხვა კომპონენტებით. მანქანა იყო მასიური, მძიმე, ძვირადღირებული და როგორც წესი, არ გამოდგებოდა მრავალი მცირე ოპერაციისთვის.

21 სექტემბერი 2022

კუთხსახეხი (ბარგალკა) სახელოსნოს განუყოფელი ნაწილი

კუთხსახეხი (ბარგალკა) სახელოსნოს განუყოფელი ნაწილი

კუთხსახეხი, იგივე ბარგალკა, არის ხელის ხელსაწყო, რომელიც ძირითადად ლითონზე სამუშაოდ გამოიყენება. მისი მრავალმხრივი შესაძლებლობები მოიცავს - ჭრას, ბურღვას, გაპრიალებასა და “ფინიშინგს”. გარდა ლითონისა, იდეალური ვარიანტია მყარი მასალების, ხის, აგურის, ბეტონის, ქვისა და ალუმინის საჭრელად და მოსაპირკეთებლად.

14 აგვისტო 2022

როგორ შევარჩიოთ შედუღების (სვარკის) აპარატი და სარჩილავი

როგორ შევარჩიოთ შედუღების (სვარკის) აპარატი და სარჩილავი

შედუღების აპარატები ლითონის გადამამუშავებელი ინდუსტრიის მნიშვნელოვანი ნაწილია. მარტივად რომ ვთქვათ, ეს მოწყობილობა აწარმოებს სითბოს მეტალის დასადნობად და შემდეგ ამ მეტალისგან სასურველი კონსტრუქცია ყალიბდება. როგორც წესი, ლითონის ნაწილებს ადნობენ, რომ შემდეგ ისინი ერთმანეთს შეუერთონ. როდესაც ეს შეერთებული ნაწილი გაცივდება, ხდება ფიქსირებული და გამძლე კონსტრუქცია.

3 აგვისტო 2022