კუთხსახეხი, იგივე ბარგალკა, არის ხელის ხელსაწყო, რომელიც ძირითადად ლითონზე სამუშაოდ გამოიყენება. მისი მრავალმხრივი შესაძლებლობები მოიცავს - ჭრას, ბურღვას, გაპრიალებასა და “ფინიშინგს”. გარდა ლითონისა, იდეალური ვარიანტია მყარი მასალების, ხის, აგურის, ბეტონის, ქვისა და ალუმინის საჭრელად და მოსაპირკეთებლად.
საჭრელი დანის მაგივრად, კუთხსახეხი მანქანა შეიარაღებულია ერთგვარი სახეხი დისკით. ყველაზე გავრცელებული ვარიანტების კვების წყარო არის ელექტროენერგია და ზოგიერთი მათგანი იყენებს ელემენტს.
კუთხსახეხი მანქანა - მთავარი უპირატესობები
ეს არის ერთ-ერთი ყველაზე მრავალმხრივი ხელსაწყო და ზემოთ უკვე ჩამოვთვალეთ, თუ რამდენი სხვადასხვა დანიშნულება შეიძლება მოვუძებნოთ მას და ის განსხვავებული სიტუაციები, რომელშიც ყოველთვის დაგვეხმარება კუთხსახეხი.
იდეალურად წმენდს ლითონს და აძლევს გაპრიალებულ და გლუვ იერს. ჯაგრისი კუთხსახეხისთვის გამოგადგებათ ჟანგისა და საღებავის მოსაცილებლად.
გამოიყენება როგორც სხვადასხვა სამშენებლო და სარემონტო ინდუსტრიებში, სახლში დამოუკიდებლად სამუშაოდაც ძალიან კომფორტული მოწყობილობაა.
შესანიშნავი ინსტრუმენტია ხელსაწყოების უხეში და დაზიანებული კიდეების აღსადგენად, როგორიცაა თოხები, ნიჩბები, ცულები, გაზონის ბენზო ცელი და ელექტრო საკრეჭები-ს პირების პირველადი მოსწორებისთვის.
ერთადერთი გჭირდებათ, რომ შეურჩიოთ სწორი დისკი და ყველაზე დამღლელ და შრომატევად სამუშაოებს მარტივად და სწრაფად მოგიგვარებთ.
მართვა და კონტროლი არ არის რთული და ახალბედასაც შეუძლია მისი გამოყენება. მთავარია დაიცვას უსაფრთხოების ზომები.
ინგკოში შეგხვდებათ კუთხის სახეხი ხელსაწყოები, რომლებიც ყველა ზემოთჩამოთვლილ და სხვა მრავალ ფუნქციას ირგებს და მიუხედავად მათი მრავალფეროვნებისა, ძალიან მარტივი გამოსაყენებელია.
ელექტრო კუთხსახეხი
ელ. კუთხსახეხი ყველაზე პოპულარული ინსტრუმენტია და მისი სიძლიერე და მოსახერხებლობა სხვა ელექტრო დანადგარებისგან განსაკუთრებით გამოარჩევს.
ჩვენთან ნახავთ ყველანაირი სიძლიერის პროდუქტს, მაგალითად, ბარგალკა INGCO AG220018 ერთ-ერთი ყველაზე მოთხოვნადი ნაწარმია.
მოგახსენებთ პროდუქტის დეტალებს და კიდევ უფრო დარწმუნდებით მის განსაკუთრებულობაში:
- სიმძლავრე: 2200 ვტ;
- დანიშნულება: ინდუსტრიული;
- დისკის დიამეტრი: 230 მმ;
- ბრუნთა რიცხვი: 6600 ბრ/წთ;
- შპინდელის ზომა: M14;
კუთხსახეხის ფასი როგორც წესი დამოკიდებულია სიმძლავრეზე. ამიტომ, შეძენისას ყურადღება მიაქციეთ და აირჩიეთ ისეთი ინსტრუმენტი, რომელიც ზუსტად თქვენს მოთხოვნებზეა მორგებული.
კუთხსახეხი ელემენტზე - Ingco CAGLI1001
ინგკოში დაგხვდებათ ბარგალკა ელემენტზე, როგორიც არის კუთხსახეხი ბარგალკა 20 ვ CAGLI1001 - Ingco.ge აპარატის სიმძლავრე 20V არის, დისკის დიამეტრი 100მმ და წუთში 8500 ბრუნს აკეთებს. აქვს ნელი სტარტის ფუნქცია და ძრავის ტიპი კი ნახშირიანია.
ჩვენთან კუთხსახეხი განვადებით შეგიძლიათ გამოიტანოთ, ონლაინ განვადება საუკეთესო პირობებს გთავაზობთ და დამატებით ინფორმაციას ლინკზე გაეცნობით.
როგორ გამოვიყენოთ ბარგალკა
დანადგარის გამოყენების საიდუმლო მდგომარეობს სწორი ტიპის საჭრელი დისკების არჩევაში. მოერიდეთ დაზიანებული ან გატეხილი პროდუქტის გამოყენებას, რადგან მათ შეუძლიათ გაისროლონ ნაწილები ან უბრალოდ დაიმსხვრეს შუა პროცესში.
ყურადღება მიაქციეთ სახეხი პირების ტიპებს. დიდი განსხვავებაა სახეხ დისკებსა და საჭრელს შორის. საჭრელი დისკები თხელი და მკვეთრია და არ შეიძლება გამოყენებულ იქნას “დასაფქვავად”.
- დარწმუნდით, რომ დისკი კარგადაა დამაგრებული და ჭანჭიკები არაა მოშვებული. ეს შეიძლება თქვენთვის უცნაური იყოს, მაგრამ იცოდით, რომ ამ ნაწარმსაც აქვს ვადის გასვლის თარიღი? ეს იმიტომ ხდება, რომ ტენიანობამ და ჟანგმა შეიძლება დააზიანოს პროდუქტი. ასე რომ, უყურადღებოდ არ დაგრჩეთ ეს ასპექტი.
- ნუ “მიაწვებით” და ასე არ სცადოთ, რომ მასალა უფრო სწრაფად გაიჭრას. ამან შეიძლება გადატვირთოს ელ კუთხსახეხი. ამის ნაცვლად, პოზიცია ისე შეარჩიეთ, რომ ნაპერწკლები თქვენგან განსხვავებული მიმართულებით გაისროლოს. საშუალება მიეცით ხელსაწყოს მაქსიმალური სიჩქარე განავითაროს და მსუბუქად მიაჭირეთ იმ მასალას, რომელსაც ჭრით. მუდმივად შეინარჩუნეთ 90 გრადუსიანი კუთხე.
- გაჭერით მასალა ბოლომდე. არ გააჩეროთ ბარგალკა, სანამ არ დაასრულებთ ჭრას, რადგან დისკი შეიძლება ჩარჩეს მასალაში. ნაწილი, რომელსაც ჭრით, აცადეთ რომ მთლიანად მოძვრეს და შემდეგ გააჩერეთ ხელსაწყო. ნაწილი ცხელი იქნება, ასე რომ შეხებამდე რამდენიმე წუთით გააცივეთ.
ლითონის, ფოლადისა და ალუმინის გაჭრა
ლითონი მძიმე მასალაა, მაგრამ თუნდაც პატარა კუთხსახეხი მარტივად უმკლავდება ამ წინაღობას. ის გამოგადგებათ ყველა სახის ლითონისთვის, მათ შორის ჭანჭიკები, მილები, რკინა, ფოლადი და ლითონის ფურცელი.
თქვენ უნდა აირჩიოთ სპეციალური მეტალის საჭრელი დისკები, დაამაგრეთ დისკი აპარატზე და მოათავსეთ ლითონი ბრტყელ ზედაპირზე.
კარგად დაამაგრეთ სამაგრით, მარკერით მონიშნეთ ხაზი, სადაც აპირებთ გაჭრას. ჩაიცვით დამცავი მოწყობილობა, ხელთათმანების ჩათვლით და დაიწყეთ მსუბუქი წნევით.
მოათავსეთ მანქანა მეტალთან და ნელ-ნელა დააჭირეთ მას. საჭრელი დისკი თხელია, ამიტომ ძლიერად დაჭერამ შეიძლება გამოიწვიოს უკანდახევა.
კუთხსახეხი მანქანის გამოყენების წესები
- ფრთხილად იყავით დენის კაბელებთან. მოათავსეთ ისინი თქვენს უკან, რათა არ გაჭრათ ან დააზიანოთ.
- გაიტანეთ აალებადი ნივთიერებები - ბენზინი, დიზელი, ზეთები, ქაღალდი და სხვა მასალა ხანძრის საფრთხის თავიდან ასაცილებლად. ბარგალკა მუშაობისას ნაპერწკლებს წარმოქმნის და მათ შეუძლიათ ამ მასალების აალება.
- არასოდეს იმუშაოთ სველ ადგილას. მოერიდეთ მუშაობას წვიმის დროს ან სველ ადგილებში. ნუ გამოიყენებთ ხელსაწყოს, თუ ის სრულიად მშრალი არ არის, მიუხედავად სიტუაციისა.
- ატარეთ სახის დამცავი ნიღაბი და ხელთათმანები
- შეინახეთ ბავშვებისთვის მიუწვდომელ ადგილას.
როგორც უკვე აღვნიშნეთ, ბარგალკას ფასი რიგ ფაქტორებზეა დამოკიდებული და განსაკუთრებით კი სიმძლავრეზე. თუმცა, ინგკოში ბაზარზე ყველაზე მისაღები ფასები და უმაღლესი ხარისხი დაგხვდებათ. გარდა მთავარი კუთხსახეხი აპარატებისა, თქვენ დაგხვდებათ ყველა საჭირო აქსესუარები და სახარჯი მასალა ხელსაწყოებისთვის. ასევე უკვე მოგახსენეთ, რომ ინგკოში ხელსაწყოები განვადებით შეგიძლიათ შეიძინოთ.
