Ingco
Warning

სურვილების სიის შესავსებად გაიარეთ ავტორიზაცია

ავტორიზაცია
სიაში დაბრუნება
როგორ შევარჩიოთ ჰაერის კომპრესორი?

როგორ შევარჩიოთ ჰაერის კომპრესორი?

ჰაერის კომპრესორი - ეს არის უნივერსალური და ეკონომიური მოწყობილობა, რომელიც პნევატური ხელსაწყოების კვების წყაროს წარმოადგენს. ისინი გამოიყენება როგორც სარემონტო და სამშენებლო სამუშაოებში, ასევე მრეწველობაში.

როცა ჰაერის კომპრესორის ყიდვა გსურთ, პირველ რიგში, მხედველობაში უნდა მიიღოთ იმ სამუშაოების სპეციფიკა, რომელთა შესასრულებლადაც გჭირდებათ ეს დანადგარი. ამიტომ, თავიდანვე ყველაზე მძლავრი კომპრესორის ძებნა არ ღირს.

ჰაერის კომპრესორის შერჩევისას მთავარი კრიტერიუმებია:

  • წარმადობა
  • მაქსიმალური წნევა
  • სიმძლავრე

ინდუსტრიული ჰაერის კომპრესორი

ჰაერის კომპრესორის ტექნიკური მახასიათებლები

ბევრი მომხმარებლისთვის მნიშვნელოვანია ჰაერის კომპრესორის გაბარიტები და მისი გადატანის შესაძლებლობა. ამ შემთხვევაში საუკეთესო ვარიანტია დგუშიანი კომპრესორი, რომელიც ერთ-ერთი ყველაზე კომპაქტური მოდელია - აქვს დაბალი ფასი, მარტივი კონსტრუქცია და წარმოების მრავალ დარგში ძალზე ფართოდ გამოიყენება. ასევე, მეტ-ნაკლებად მოხერხებულია გადასატანად  უზეთო კომპრესორები, რომლებსაც არ აქვს რესივერი (ავზი).

ჰაერის კომპრესორის ბევრ მოდელს (როგორც დგუშიანს, ისე ხრახნულს)  ტრანსპორტირებისთვის მიმაგრებული აქვს პატარა ბორბლები და სახელური. მაგალითად, ასეთებია ჰაერის კომპრესორი ingco 24 ლ.; ჰაერის კომპრესორი ingco 50 ლ.; ჰაერის კომპრესორი ingco 100 ლ.;

კომპრესორის სამუშაო წნევა

კომპრესორი ის აგრეგატია, რომელიც შეკუმშულ ჰაერს ან აირს აწვდის პნევმატიკურ ინსტრუმენტს ან მოწყობილობას. ამიტომ, კომპრესორის სიმძლავრის შერჩევისას პნევმოინსტრუმენტისთვის საჭირო წნევა უნდა გქონდეთ მხედველობაში. მაგალითად, პატარა კომპრესორი, მისი საკმარისი წნევაა 4 ბარი, მაგრამ ქვიშის ჭავლისთვის აუცილებელია, წნევა იყოს, მინიმუმ, 6 ბარი, პნევმობურღისთვის - 6-7 ბარი... გაითვალისწინეთ, რომ უმჯობესია, კომპრესორის სამუშაო წნევის მაჩვენებელი იყოს ცოტა მეტი, ვიდრე თქვენს ხელსაწყოს სჭირდება, რადგან პნევმოსისტემაში წნევის „თამაშის“ გამო ყოველთვის მოსალოდნელია დანაკარგი - დაახლოებით, 2 ბარი.

ინფორმაცია იმის შესახებ, თუ რამდენ ჰაერს მოიხმარს კომპრესორის აგრეგატი, შეგიძლიათ, ინსტრუქციაში ამოიკითხოთ, რომელიც აუცილებლად თან ახლავს ყოველ მოდელს.

კომპრესორის მუშაობის ინტენსივობა

არანაკლებ მნიშვნელოვანია კომპრესორის მუშაობის ინტენსივობა. სახლის სარემონტო სამუშაოებისთვის, რომლებსაც, მაგალითად, წელიწადში რამდენჯერმე ჩაატარებთ, არ დაგჭირდებათ მძლავრი, ინდუსტრიული კომპრესორი.

კომპრესორის რესივერი

რესივერის არარსებობა დიდად არ მოქმედებს კომპრესორის მუშაობაზე. რესივერი არის ავზი, რომელშიც გროვდება შეკუმშული აირი. რესივერის მოცულობაზეა დამოკიდებული, თუ რა დრო დასჭირდება კომპრესორს მის შესავსებად. როცა რესივერი ბოლომდე აივსება, მოწყობილობა გამოირთვება და უკვე შეძლებს შეკუმშული აირის მიწოდებას. თუკი თქვენს პნევმომოწყობილობას მუშაობისთვის მცირე ხნით სჭირდება ჰაერის მიწოდება, საკმარისი იქნება რესივერის მოცულობა 9-დან 25 ლიტრამდე.

სამომხმარებლო ჰაერის კომპრესორი

რომელი კომპრესორი შევარჩიოთ - დგუშიანი თუ ხრახნიანი?

სახლში პატარა სარემონტო სამუშაოებისთვის ან მანქანისთვის უმჯობესია დგუშიანი ზეთიანი კომპრესორი შეარჩიოთ.

დგუშის ჰაერის კომპრესორის პლუსებია:

  • კომპაქტური ზომა
  • წარმადობა - 200-დან 500 ლიტრი წუთში;
  • მაქსიმალური წნევა - 8-10 ბარი
  • სიმძლავრე - 1,5-2,2 კვტ
  • რესივერის მოცულობა - 24-200 ლიტრი
  • ფასისა და ხარისხის ოპტიმალური ბალანსი

დგუშის კომპრესორი ერთ-ერთი ყველაზე გავრცელებული მოდელია. მას შეუძლია, შეკუმშული აირით ნებისმიერი პნევმოინსტრუმენტი ამუშაოს;

დგუშიანი კომპრესორის მინუსებია:

  • ხშირად გათიშვა
  • ხმაურისა და ვიბრაციის მაღალი დონე
  • მუშაობის ინტენსივობა მცირეა - დაახლოებით, 5 წუთში ერთხელ ამ მოწყობილობას შესვენება სჭირდება.

ამიტომ თუკი ჰაერის კომპრესორის ხანგრძლივი მუშაობა გჭირდებათ, კარგი გადაწყვეტილება იქნება ავტოსახელოსნოებისთვის და ავეჯის წარმოებისთვის დგუშიანი, 2 ცილინდრიანი ჰაერის კომპრესორი, რომლის ძრავი ღვედით მუშაობს. მასაც პატარა გაბარიტები აქვს, თუმცა, კონსტრუქციის წყალობით, მისი ექსპლუატაციის ვადა დიდია.

თუკი ჰაერის კომპრესორი სამღებრო სამუშაოებისთვის, ასევე კვების, ქიმიურ, შეფუთვების და ქაღალდის ინდუსტრიაში გჭირდებათ, აუცილებლად უზეთო ჰაერის კომპრესორი უნდა შეარჩიოთ, რადგან, წინააღმდეგ შემთხვევაში, სპრეიმოწყობილობისთვის მიწოდებულ ჰაერში ზეთის ნაწილაკებიც გაერევა, რაც აუცილებლად გააფუჭებს შედეგს.

უზეთო ჰაერის კომპრესორის პლუსებია:

  • სუფთა ჰაერის მიწოდება, მინარევების გარეშე
  • მცირე გაბარიტები და წონა
  • ჰაერის იძულებითი გაგრილება
  • წარმადობა - 180-230 ლიტრი წუთში
  • მაქსიმალური წნევა - 8 ბარი
  • რესივერის მოცულობა - 24-50 ლიტრი.

ასეთ აგრეგატში ზეთს ცალკე არხი აქვს და შეკუმშულ აირთან კონტაქტში არ მოდის.

უზეთო ჰაერის კომპრესორის მინუსებია:

  • მცირე სამუშაო რესურსი
  • გამოყენების შეზღუდული სპექტრი (ყველა პნევმოინსტრუმენტი ვერ მუშაობს დამატებით შეზეთვის გარეშე).

თუკი ჰაერის კომპრესორი უწყვეტი, ხანგრძლივი მუშაობისთვის გჭირდებათ, გირჩევთ, ყურადღება შეაჩეროთ ხრახნიან კომპრესორებზე. მოდელების უმეტესობას სრული კომპლექტაცია აქვს  (ჰაერის კომპრესორის ფილტრი, საშრობი, სიხშირის კონტრროლერი (თანმიმდევრული გადართვის მოწყობილობა)).

ხრახნიანი ჰაერის კომპრესორის პლუსებია:

მაღალი წარმადობა (ზოგიერთი მოდელი აწარმოებს წუთში 500-დან 12000 ლიტრამდე შეკუმშულ ჰაერს)

  • მაქსიმალური წნევა - 6-15 ბარი
  • სიმძლავრე - 2,2-90 კვტ
  • ენერგოეფექტურობა
  • ხმაურისა და ვიბრაციის დაბალი დონე
  • უწყვეტი მუშაობის შესაძლებლობა.

დასკვნის სახით

შეარჩიეთ ჰაერის კომპრესორი ingco-ს ინტერნეტმაღაზიაში და მიიღეთ მაღალი ხარისხის გარანტია საექსპლუატაციო საიმედოობასა და შრომითი გამოყენების ინტენსივობაზე.

INGCO წარმატებულ შენაძენს გისურვებთ!

 

სხვა ბლოგები

რა უნდა იცოდეთ სამღებრო ხელსაწყოების შეძენამდე?

რა უნდა იცოდეთ სამღებრო ხელსაწყოების შეძენამდე?

არაფერი აქცევს სახლს ისე მიმზიდველად, როგორც კედლის განახლებული ფერი, რომელიც ინტერიერის დიზაინის მიმდინარე ტენდენციებში ჯდება. კედლის შეღებვა  მხოლოდ უბრალოდ ცვლილება არ არის, ეს ერთგვარი შემოქმედებითი პროცესია, რომელსაც თქვენს საცხოვრებელში სიახლეების შემოტანა შეუძლია.  მნიშვნელოვანი კი ისაა, რომ ამის გაკეთება მცირე ბიუჯეტითაც კი შეგიძლიათ. თუ ახალი მფლობელი ხართ ან უბრალოდ, სახლის ცვლილება გსურთ, მაშინ ინგკოს ფილიალებსა თუ ონლაინ მაღაზიაში საჭირო სამღებრო ხელსაწყოები და ინვენტარია ხელმისაწვდომი.

18 სექტემბერი 2023

რა უნდა ვიცოდეთ ელექტრო შედუღების აპარატის შეძენამდე?

რა უნდა ვიცოდეთ ელექტრო შედუღების აპარატის შეძენამდე?

საქართველოს ბაზარზე ელექტრო შედუღების აპარატები მრავლადაა წარმოდგენილი. სწორედ ამიტომ, ხშირ შემთხვევაში, სხვადასხვა ბრენდებისა და მოდელების შედარება რთულია. გამომდინარე იქიდან, რომ შედუღების მანქანა გრძელვადიანი შენაძენი და მნიშვნელოვანი ინვესტიციაა, პროცესი გარკვეული დროისა და რესურსის დათმობას მოითხოვს, რათა საბოლოო ჯამში საუკეთესო ვარიანტი აირჩიოთ.

10 აგვისტო 2023

როგორ შევარჩიოთ მტვერსასრუტი?

როგორ შევარჩიოთ მტვერსასრუტი?

მტვერსასრუტი ერთ-ერთი ყველაზე პოპულარული საყოფაცხოვრებო ტექნიკაა. მისი დახმარებით ვზოგავთ დროს, ენერგიას და შედეგი უფრო სრულყოფილია, ვიდრე სტანდარტული მეთოდებით დალაგება/დასუფთავების შემთხვევაში.

19 ივნისი 2023

ეზოსა და ბაღის მოვლის ინსტრუმენტები

ეზოსა და ბაღის მოვლის ინსტრუმენტები

შესაბამისი ბაღის მოვლის ინსტრუმენტები აუცილებელია ისეთი საქმიანობებისთვის, როგორიცაა მებაღეობა, გამწვანება და ზოგადად ეზოს მოვლა

5 ივნისი 2023