Ingco
Warning

სურვილების სიის შესავსებად გაიარეთ ავტორიზაცია

ავტორიზაცია
სიაში დაბრუნება
ელექტრო ხრახნდამჭერი - 6 განმარტება ინგკოსგან

ელექტრო ხრახნდამჭერი - 6 განმარტება ინგკოსგან

თაროს დაკიდება, პლინთუსის მიმაგრება, კარადის აწყობა და მსგავსი სამუშაოების შესრულება ხელის სახრახნისით, ჯერ ერთი, რომ რთულია და, მეორეც, გაცილებით დიდ დროს მოითხოვს. თანაც, თუკი ამ საქმეში ახალბედა ხართ, შეიძლება, ვერც მიიღოთ სასურველი შედეგი. გაცლებით მარტივია ელექტრო ხრახნდამჭერის გამოყენება და საქმესაც წუთებში დაასრულებთ. ამიტომ, ეს ხელსაწყო შეუცვლელი დამხმარეა როგორც სახლში, ასევე ოფისებში.

თუკი ერთხელ მაინც გიცდიათ მსგავსი ინსტრუმენტის შეძენა, გეცოდინებათ, როგორი მრავალფეროვანი არჩევანია ბაზარზე, რაც ხშირად დამაბნეველია.

მოდით, გავარკვიოთ, როგორ შევარჩიოთ ეს ინსტრუმენტი.

ელექტრო ხრახნდამჭერი

რას აკეთებს ელექტრო ხრახნდამჭერი?

ამ ინსტრუმენტით შესაძლებელია:

  • მისამაგრებელი საგნების მიხრახნა და ხრახნის მოხსნა;
  • რბილ ზედაპირზე ხვრელების გაკეთება;
  • კუთხვილის (რეზბის) მოჭრა.

ხელოსნებმა ამ ინსტრუმენტს კიდევ ბევრი დანიშნულება მოუძებნეს, თუმცა, მისი მთავარი ამოცანა მაინც მიხრახნა და ხრახნის მოხსნაა.

როცა დგება საკითხი, რომელი შეიძინოთ - ელექტრო ხრახნდამჭერი (შურუპოვიორტი), ბურღი (დრელი) თუ ბურღი-ელექტრო ხრახნდამჭერი, არჩევანი იმის მიხედვით გააკეთეთ, თუ რისთვის გამოიყენებთ ხელსაწყოს.

მარტივად რომ ვთქვათ, თუკი სამუშაო თანამედროვე მასალებს (მერქან ბურბუშელოვანი ფილა, ე.წ. დსპ, მდფ-ი, ფანერა და ა.შ.) უკავშირდება და არა - რკინის, ქვის ან ბეტონის მასალას, სამომხმარებლო ელექტრო ხრახნდამჭერი მშვენივრად შეასრულებს თავის მისიას. ხოლო, თუკი საჭიროა მაქსიმალურად უნივერსალური ინსტრუმენტი, მაშინ უკეთესი არჩევანია დარტყმითი ხრახნდამჭერი, რომლის შესახებ ქვემოთაც ვისაუბრებთ.

დარტყმითი ხრახნდამჭერი

ელექტრო ხრახნდამჭერის კონსტრუქცია

ელექტრო ხრახნდამჭერის კონსტრუქცია ისეთია, რომ ინსტრუმენტს ინერციის მომენტი არ აქვს. როგორც კი ჩამრთველს ხელს აუშვებთ, ხელსაწყო წამიერად წყვეტს მუშაობას. ბურღი კი ცოტა სხვაგვარად მუშაობს - რამდენიმე წამს კიდევ გააგრძელებს ბრუნვას.

ბურღის ძრავის ბრუნვის სიჩქარე რამდენჯერმე აღემატება სამომხმარებლო ელექტრო ხრახნდამჭერის ძრავის სიჩქარეს (500-600 ბრნ/წ).

ზოგადად, ეს არის ორი დამოუკიდებელი ინსტრუმენტი სხვადასხვა მიზნისთვის. სერიოზული სარემონტო სამუშაოებისთვის უმჯობესია ცალ-ცალკე ორივე ხელსაწყოს შეძენა. საყოფაცხოვრებო პრობლემებს ადვილად მოგიგვარებთ უნივერსალური დარტყმითი ხრახნდამჭერი, თუმცა სერიოზული საბურღი სამუშაოები არ უნდა დაგეგმოთ - ეს ხელსაწყო საოჯახო რემონტისთვისაა.

სამომხმარებლო ხრახნდამჭერი

სამომხმარებლო ელექტრო ხრახნდამჭერი და პროფესიული ხრახნდამჭერი

მათ შორის მარტივი განსხვავებაა: სიმძლავრე, პატრონის ზომა, ელექტროკვების წყარო, დამატებითი ფუნქციები, წონა და, შესაბამისად, ფასი.

სამომხმარებლო ხრახნდამჭერი მსუბუქია, ხშირად - ელექტროკვების წყარო ელემენტია და ძვირი არ ღირს. მისი ბრუნვის სიჩქარეა 400-500 ბრნ/წუთში, ხოლო მაბრუნი მომენტი - 10-15 ნმ. თუკი ხელსაწყო შედარებით მკვრივი მასალებისთვის დაგჭირდებათ, მაშინ ის მოდელი შეარჩიეთ, რომლის მაბრუნი მომენტია 30-40 ნმ. ეს ინსტრუმენტი შესანიშნავ სამსახურს გაგიწევთ ავეჯის აწყობასა და მსგავსი საყოფაცხოვრებო ამოცანების შესრულებაში.

პროფესიულ ელექტრო ხრახნდამჭერს გაცილებით შთამბეჭდავი მახასიათებლები აქვს: მისი ძრავის ბრუნვის სიჩქარეა 1300-1500 ბრნ/წ, ხოლო მაბრუნი მომენტი - 130 მნ.

რაც უფრო მაღალია მაბრუნი მომენტი, მით უფრო გრძელი და დიდი რადიუსის შურუპის მიხრახნას შეძლებთ;

რაც უფრო დიდია ბრუნვის სიჩქარის მაჩვენებელი, მით უფრო მყარ ზედაპირზე შეძლებთ მუშაობას. 

  • შურუპის მისახრახნად საკმარისია 400-500 ბრნ/წ;
  • ბურღის დანიშნულებით გამოსაყენებლად საჭიროა 1200-1300 ბრნ/წ-დან (ხის მასალისთვის) და 3000 ბრნ/წ-მდე (რკინისთვის).

თუმცა, რკინაზე სამუშაოდ გირჩევთ, დამოუკიდებელი ბურღი გამოიყენოთ.

პროფესიონალური ელექტრო ხრახნდამჭერი მარტივად უძლებს დიდ დატვირთვას. ბურღის სრულყოფილად ჩანაცვლება შეიძლება, ვერ მოახერხოს, თუმცა მაგარი ზედაპირების გაბურღვა არ გაუჭირდება. ეს ვარიანტი გამოგადგებათ, თუკი ხშირად გიწევთ რაღაცის შეკეთება, კედელზე დაკიდება ან საკუთარი ხელით გსურთ სრული სარემონტო სამუშაოების ჩატარება.

ამიტომ, ვიდრე ამ ხელსაწყოს ყიდვას გადაწყვეტთ, ჩამოყალიბდით, როგორი დატვირთვა ექნება თქვენს ხელსაწყოს.

ელექტრო ხრახნდამჭერი აკუმულატორით

ხრახნდამჭერი ელექტროკვების წყაროს მიხედვით

როცა კვების წყარო ელექტროქსელია

  • პლუსები: ქსელის ელექტრო ხრახნდამჭერების უპირატესობაა მეტი სიმძლავრე, ამიტომ ქსელის ხელსაწყოებს შორის პროფესიული ინსტრუმენტები ჭარბობს.  სამომხმარებლო ხრახნდამჭერებს, რომლებიც ელექტრო ქსელიდან იკვებება, ბევრი მწარმოებელი არ ამზადებს.
    არ დაგჭირდებათ კონტროლი, დატენილია თუ არა ელემენტი. შესაბამისად, არ იქნებით შეზღუდული დროში. შეაერთეთ ჩამრთველში და დაიწყეთ მუშაობა.
  • მინუსები: აქ ერთი მინუსია - ქსელთან მიბმა. ავეჯის აწყობისას ელექტროსადენი ზოგჯერ ხელშემშლელია. გარდა ამისა, სამშენებლო სამუშაოების შესრულების დროს შეიძლება, ახლოს არც აღმოჩნდეს ჩამრთველი ან დაშორებული იყოს ისეთი მანძილით, რომ დამაგრძელებელი დაგჭირდეთ;  ქსელის ხრახნდამჭერი კიდევ უფრო მოუხერხებელია სიმაღლეზე სამუშაოდ.

ელექტრო ხრახნდამჭერის აკუმულატორი

როცა კვების წყარო ელემენტია

პლუსები: არ არის დამოკიდებული ელექტროენერგიის და ჩამრთველის არსებობაზე, რაც მოქმედების თავისუფლებას გაძლევთ. შეგიძლიათმ იმუშაოთ სიმაღლეზე, რთულად მისადგომ ადგილებში, და სადენიც არ მოგედებათ ფეხებში.

მინუსები: მუდმივად მოგიწევთ, აკონტროლოთ ელემენტის დატენის დონე და სამუშაო პროცესში პერიოდულად დატენაც გახდეს საჭირო.

სპეციალისტების რეკომენდაციაა, სათადარიგო ელემენტი შეიძინოთ - ვიდრე ერთს ტენით, მეორეს ამუშავებთ. INGCO-ს ხრახნდამჭერებს კომპლექტში ორი ბატარეა მოჰყვება.

ხელსაწყოს, რომელიც ელემენტზე მუშაობს, სიმძლავრე ნაკლები აქვს, ვიდრე ელექტროქსელში ჩართულს. მაბურინი მომენტიც შეიძლება, არასაკმარისი აღმოჩნდეს რკინაზე სამუშაოდ. თუმცა არსებობს გამონაკლისიც - ელემენტზე მომუშავე პროფესიული ხრახნდამჭერი საკმაოდ მძლავი და საიმედოა.

li-ion ელექტრო ხრახნდამჭერის აკუმულატორი

როცა კვების წყარო კომბინირებულია

დიახ, არსებობს ხრახნდამჭერები, რომლებიც, საჭიროების მიხედვით, ელექტროქსელიდანაც მუშაობს და ელემენტითაც, თუმცა ასეთი მოდელები იშვიათობაა.

ელექტრო ხრახნდამჭერის კომპლექტაცია

ელექტრო ხრახნდამჭერის კომპლექტში შედის: ხრახნდამჭერი, ელემენტი, დამტენი, დამჭერი თავაკი. თუმცა, ასევე შეგიძლიათ, ხრახნდამჭერის თავაკების კომპლექტი, სხვადასხვა ზომისა და ფორმის თავაკებით, ცალკეც შეიძინოთ.

ხრახნდამჭერი იმპულსური

დამატებითი ფუნქციები

მართალია, დამატებითი ფუნქციები ფასს ზრდის, თუმცა ასეთი ხელსაწყო უკვე უნივერსალურია.

დამატებითი ფუნქციებია:

დარტყმითი მექანიზმი - დარტყმითი ხრახნდამჭერი, ფაქტობრივად, ბურღია. მას შეუძლია, ნახვრეტის გაკეთება ბეტონსა და ქვაზეც;

იმპულსური რეჟიმი - იმპულსური რეჟიმი აძლიერებს მაბრუნ მომენტს. იმპულსური ხრახნდამჭერით მაგარ მასალაზეც იმუშავებთ;

რევერსი - რევერსის ფუნქცია თითქმის ყველა მოდელს აქვს. ეს საშუალებას იძლევა, არა მხოლოდ მიახრახნოთ თვითმჭრელი შურუპი (სამარეზი), არამედ მოხსნათ კიდეც;

განათება - ხრახნდამჭერის LED ნათურა გაგიადვილებთ მუშაობას ძნელად მისადგომ ადგილებში, თუმცა აუცილებელ ფუნქციას არ წარმოადგენს;

სიჩქარის გადამრთველი - ეს ფუნქცია იმ ინსტრუმენტებს აქვს, რომელთა დანიშნულებაა არა მხოლოდ მიმაგრება, არამედ ზედაპირის გაბურღვაც. საუკეთესო მოდელებს 3 სიჩქარე აქვს.

თვითმჭრელი შურუპების ავტომატური მიწოდება - ეს ფუნქცია ამარტივებს და აჩქარებს მასშტაბურ სამუშაოებს, თუმცა თვითმჭრელი შურუპების ავტომატური მიწოდების ფუნქცია მხოლოდ პროფესიული ხელსაწყოების მოდელებში გვხვდება.

სხვა ბლოგები

უნიფორმა და უსაფრთხოება

უნიფორმა და უსაფრთხოება

ტექნიკური რეგლამენტი მშენებლობის უსაფრთხოების შესახებ, განსაზღვრავს სამშენებლო მოედანზე უსაფრთხოების მოთხოვნებს, რომელთა შორის ერთ-ერთის თანახმად, მუშებსა და ინჟინერ-ტექნიკურ პერსონალს სამშენებლო მოედანზე ყოფნისას უნდა ეცვათ სპეცტანსაცმელი, სამუშაო ფეხსაცმელი; უნდა ეკეთოთ სხეულის ღია ნაწილების დამცავი საშუალებები (ხელთათმანები, სათვალეები და სხვა) და ეხუროთ ჩაფხუტები, ხოლო სპეციალური სამუშაოები უნდა შესრულდეს სათანადო აღჭურვილობის გამოყენებით.

30 ნოემბერი 2021

მანქანის მტვერსასრუტი - რა უნდა იცოდეთ, სანამ შეიძენთ

მანქანის მტვერსასრუტი - რა უნდა იცოდეთ, სანამ შეიძენთ

ავტომობილის სალონში სისუფთავის შენარჩუნება ამ პატარა ნივთის გარეშე რთულია. ზოგიერთი ავტომოყვარული შეიძლება ფიქრობს, რომ ასეთ საქმეს ხელის მტვერსასრუტითაც გააკეთებს, მაგრამ საეჭვოა, რომ მან კონკურენცია გაუწიოს სპეციალურად ავტომობილისთვის შექმნილს. პირველ რიგში, იმის გამო, რომ ავტომობილის მტვერსასრუტს არ სჭირდება შტეფსელში შეერთება და, მეორე ის, რომ მანქანის მტვერსასრუტებს მოყვება სხვადასხვა ზომის, მათ შორის, პატარა და ვიწრო საცმებიც, რომლებიც მარტივად შედის კუთხეებში და ძნელად მისადგომ ადგილებში. ამასთანავე, ე.წ. „მანქანის პილასოსი“ გაცილებით კომპაქტურია - უფრო მოხერხებულად გაწმენდთ საბარგულს და იქვე შეინახავთ ისე, რომ დიდ ადგილს არ დაიკავებს.

28 ოქტომბერი 2021

წყლის ტუმბო სახლისთვის

წყლის ტუმბო სახლისთვის

ხარისხიანი წყალმომარაგება ნებისმიერი სახლისთვის მინიმალური კომფორტის აუცილებელი პირობაა. იმისთვის, რომ წყალი მოგეწოდებოდეთ, ორი საშუალება არსებობს: წყალმომარაგების ცენტრალურ სისტემასთან მიერთება ან საკუთარი ჭის გაბურღვა. კერძო სახლებისა და აგარაკებისთვის უმეტესად ეს მეორე საშუალებაა ხელმისაწვდომი, რადგან ქალაქებს მოშორებულ ტერიტორიებზე ცენტრალური წყალმომარაგება ხშირად არ არსებობს. სწორედ, ავტონომიური წყალმომარაგების სისტემის გასამართად დაგჭირდებათ წყლის ტუმბო, რომელიც ჭიდან ან სხვა რეზერვუარიდან ამოტუმბავს წყალს და მიმართავს მას მილებში, საიდანაც წყალი უკვე თქვენს სამზარეულომდე და აბაზანამდე მივა.

6 ოქტომბერი 2021

როგორ გამოვიყენოთ ელექტრო დრელი?

როგორ გამოვიყენოთ ელექტრო დრელი?

ელექტრო დრელის დანიშნულება, მხოლოდ, სამშნებლო სამუშაოები არ არის. მსგავსი ხელსაწყო სახლშიც ძალიან საჭიროა და აქტიურად იყენებენ ხელნაკეთი ნივთების დასამზადებლადაც.

24 სექტემბერი 2021