ყველაფერი, რაც ავტომობილის მოვლისთვის გჭირდებათ

ავტომობილის მოვლა არ არის მხოლოდ ესთეტიკის საკითხი - ის პირდაპირ კავშირშია მანქანის საიმედოობას, უსაფრთხოებასა და ეკონომიურობასთან. მაგრამ თუ გიფიქრიათ რატომ არის ასე მნიშვნელოვანი?

 

მანქანის მოვლა ამცირებს მოულოდნელი დაზიანებების შანსებს და ზრდის მის ეფექტურობას. ნაკლებად სავარაუდოა, რომ კარგად მოვლილი ავტომობილი გზაში გაფუჭდეს ან უსაფრთხოების პრობლემები შეგექმნათ, რაც ნაკლებ სტრესსა და მეტ სანდოობას ნიშნავს. გარდა ამისა კარგად მოვლილი მანქანა გაცილებით უკეთ ინარჩუნებს თავის ღირებულებას გაყიდვის შემთხვევაში. 

,,ინგკოს” მიზანია, საჭირო ინსტრუმენტებთან ერთად, მოგაწოდოთ პრაქტიკული ინფორმაციაც, რომელიც დაგეხმარებათ სწორი გადაწყვეტილებების მიღებაში მანქანის მოვლასთან დაკავშირებით. 

 

მაღალი წნევით სარეცხი დანადგარები ბრწყინვალე ექსტერიერისთვის

 

 

ჭუჭყი, ნარჩენები და სხვადასხვა სახის დამაბინძურებლები დროთა განმავლობაში მანქანის საღებავს აზიანებს, ამიტომ აუცილებელია მანქანის რეგულარულად რეცხვა. ეს ქმედება მხოლოდ გარეგნული იერსახის შენარჩუნებას არ ემსახურება, არამედ მის საიმედოობასა და ეფექტურობასთანაა დაკავშირებული. 

 

კვლევები აჩვენებს, რომ ავტომობილის მომხმარებლების 32% რეცხავს თავიანთ მანქანებს ზამთარში, რაც ძირითადად გამოწვეულია გზაზე მოყრილი მარილის გავლენით. ტექნიკური მარილი აჩქარებს ჟანგვის პროცესს, რაც საფრთხეს უქმნის ავტომობილის ლითონის ნაწილებს და ახალისებს კოროზიის პროცესს.  ხშირი რეცხვა ეხმარება მანქანის მფლობელს ამ გამოწვევის პრევენციას ახდენს. სწორედ აქ იკვეთება მაღალი წნევით რეცხვის დანადგარების მნიშვნელობა. 

 

მაღალი წნევით რეცხვის უპირატესობები

 

მაღალი წნევით რეცხვა რამდენიმე მნიშვნელოვანი უპირატესობით გამოირჩევა. პირველ რიგში, ის ძალიან ეფექტურია - მაღალი წნევა საშუალებას გაძლევთ მოაშოროთ სიღრმისეული ჭუჭყი და ლაქები, რომელთა ამოყვანაც ჩვეულებრივი წმენდით ფაქტობრივად შეუძლებელია. გარდა ამისა, მაღალი წნევით რეცხვა გაცილებით სწრაფია, ვიდრე ხელით რეცხვა, რაც დროის მნიშვნელოვან ეკონომიას იძლევა.

 

წნევითი ჭავლი აღწევს ისეთ მონაკვეთებზე, სადაც ხელით რთულია მიდგომა. კიდევ ერთი უპირატესობა არის მისი მრავალმხრივობა - მაღალი წნევით რეცხვის აპარატი შეგიძლიათ გამოიყენოთ არა მხოლოდ მანქანისთვის, არამედ სახლის ფასადის, ეზოს ავეჯის და სხვა ზედაპირების გასაწმენდად.

 

როგორ გამოვიყენოთ სწორად და უსაფრთხოდ:

 

• ატარეთ დამცავი სათვალე  და ფეხსაცმელი;
• მოარიდეთ ბავშვები და შინაური ცხოველები სამუშაო არეს;
• დაიწყეთ დაბალი წნევით და თანდათან გაზარდეთ საჭიროების მიხედვით;
• დაიცავით მანძილი მანქანიდან - დაიჭირეთ თავაკი დაახლოებით 30-40 სმ-ის დაშორებით, რათა თავიდან აიცილოთ საღებავის დაზიანება;
• გამოიყენეთ სწორი თავაკი სხვადასხვა მიზნებისთვის: უფრო ფართო კუთხის საცმი დიდი ზედაპირებისთვის და ვიწრო - რთული ადგილებისთვის;
• იმოძრავეთ თანაბრად და ნელა, რათა თავიდან აიცილოთ სველი ზოლების წარმოქმნა, რომელიც ზედაპირზე ლაქებად დარჩება.

 

მანქანის და ინდუსტრიული მტვერსასრუტები - სუფთა სალონის საიდუმლო

 

 

International Carwash Association--ის კვლევის შედეგად დადგინდა, რომ ამერიკელი მანქანის მძღოლების დაახლოებით 61% რეგულარულად ტოვებს მანქანაში ნაგავს, იქნება ეს საკვების შეფუთვები, ცარიელი ბოთლები, ერთჯერადი ყავის ჭიქები თუ სხვა. ალბათ ერთხელ მაინც თქვენც გიქნიათ იგივე. დღის ბოლოს, როცა დაღლილები ვართ, რთულად გვეჩვენება ავტომობილის სალონის ხელით დალაგება. ასეთ სიტუაციებში მანქანის მტვერსასრუტი შეიძლება გახდეს იდეალური გამოსავალი.  

ავტომობილის სალონში ნარჩენების დატოვება ხელს უწყობს არასასიამოვნო სუნის გაჩენას, შესაძლოა დააზიანოს სავარძლები და ა.შ. თუკი თქვენი მიზანი მანქანაზე ზრუნვაა, მაშინ შესაბამისი მტვერსასრუტის შერჩევა ამ მიზნის მიღწევის საკვანძო ელემენტია. მაგრამ როგორ უნდა შეარჩიოთ საუკეთესო მოწყობილობა?

მტვერსასრუტის არჩევისას გაითვალისწინეთ მანქანის ზომა და სალონის მოცულობა. დიდი ავტომობილებისთვის უფრო მძლავრი მოდელებია საჭირო, ხოლო კომპაქტურებისთვის - მცირე ზომის, მაგრამ მოხერხებული მტვერსასრუტები. სიმძლავრე და შეწოვის უნარი განსაკუთრებით მნიშვნელოვანია, იმ შემთხვევაში თუ გყავთ შინაური ცხოველები ან ხშირად გიწევთ ქვიშიან ან ტალახიან ადგილებში მგზავრობა. უსადენო მოდელების შერჩევისას ყურადღება მიაქციეთ აკუმულატორის მუშაობის ხანგრძლივობას.

დამატებითი აქსესუარები მტვერსასრუტის უნივერსალურობას განაპირობებს. კარგი მტვერსასრუტი აღჭურვილი უნდა იყოს სხვადასხვა ტიპის საცმებით, რაც საშუალებას მოგცემთ შეაღწიოთ რთულ ადგილებშიც კი. ეფექტური წმენდისთვის დაიწყეთ ზევიდან ქვევით მოძრაობით და  განსაკუთრებული ყურადღება მიაქციეთ ნაპრალებს, სადაც ხშირად გროვდება ჭუჭყი.

და მაინც, რით სჯობს ინდუსტრიული მტვერსასრუტი ჩვეულებრივს? პასუხი მარტივია - ძალა და გამძლეობა. ინდუსტრიული მტვერსასრუტები შექმნილია ინტენსიური და ხანგრძლივი მუშაობისთვის. მათი მძლავრი ძრავები გაცილებით უკეთეს შეწოვას განაპირობებს, რაც განსაკუთრებით მნიშვნელოვანია რთული დაბინძურების შემთხვევაში. წარმოიდგინეთ, რამდენად ეფექტურად გაწმენდს ასეთი მოწყობილობა თქვენს მანქანას ზღვაზე გატარებული დღის შემდეგ, როდესაც სალონი ქვიშითაა სავსე.

 

გარდა ამისა, ინდუსტრიულ მტვერსასრუტებს აქვთ დიდი მოცულობის მტვრის კონტეინერები. ეს ნიშნავს, რომ შეგიძლიათ უფრო დიდხანს იმუშაოთ კონტეინერის დაცლის გარეშე - იდეალური გამოსავალია დიდი ავტოპარკების ან ავტოსამრეცხაოებისთვის. გაუმჯობესებული ფილტრაცია, რომელიც ხშირად HEPA ფილტრებითაა აღჭურვილი, არა მხოლოდ სუფთა სალონს, არამედ სუფთა ჰაერსაც უზრუნველყოფს.

 

არ იჩქაროთ არჩევანის გაკეთებისას. განსაზღვრეთ პირადი საჭიროებები და მხოლოდ ამის შემდეგ გადაწყვიტეთ მანქანის მტვერსასრუტს შეიძენთ თუ ინდუსტრიულს. 

საპოხი საშუალებები - თქვენი ავტომობილის ძრავის გამართულობისათვის

ავტომობილის ძრავა რთული მექანიზმია, რომელიც მუდმივად მოძრაობაშია და უზარმაზარი დატვირთვის ქვეშაა. სწორედ ამიტომ, საპოხი საშუალებები ავტომობილის გამართული მუშაობის ერთ-ერთი უმნიშვნელოვანესი კომპონენტია. ისინი ამცირებს ხახუნის ძალას, იცავს დეტალებს ცვეთისგან და ხელს უწყობს სითბოს გადაცემას, რაც საბოლოო ჯამში ძრავის სიცოცხლის ხანგრძლივობას მნიშვნელოვნად ზრდის.

ძირითადი საპოხი საშუალებებია ძრავის ზეთი, ტრანსმისიის ზეთი და საჭის გამაძლიერებლის სითხე. ძრავის ზეთი მოძრავ ნაწილებს შორის დამცავ ფენას ქმნის, ტრანსმისიის ზეთი გადაცემათა კოლოფის გამართულ მუშაობას განაპირობებს, ხოლო საჭის გამაძლიერებლის სითხე საჭის სისტემის გლუვ და ზუსტ მუშაობას უზრუნველყოფს.

ძრავის სიცოცხლის გახანგრძლივებისთვის მნიშვნელოვანია სწორი ტიპისა და ხარისხის ზეთის შერჩევა, რეგულარული ცვლა და დონის შემოწმება. ყოველთვის მიჰყევით მწარმოებლის რეკომენდაციებს ზეთის ტიპისა და სიბლანტის შერჩევისას. ავტომწარმოებლების უმეტესობა გირჩევთ, რომ ბენზინის ძრავაზე ზეთი წელიწადში ერთხელ ან ყოველი 20000 კმ-ის გავლის შემდეგ შეცვალოთ, ხოლო დიზელის შემთხვევაში 6 თვეში ან 10000 კმ-ში ერთხელ.

სწორი მოვლა ზრდის ძრავის ეფექტურობას, საწვავის ეკონომიას და ამცირებს ძვირადღირებული შეკეთებების საჭიროებას. 

ავტომობილის აკუმულატორის დამტენი მოწყობილობები და ჰიდრავლიკური ამწეები

 

 

ავტომობილის დამტენი მოწყობილობები და ჰიდრავლიკური ამწეები ორი მნიშვნელოვანი ინსტრუმენტია, რომლებიც ავტომობილის მოვლას და შეკეთებას მნიშვნელოვნად ამარტივებს.

 

აკუმულატორის დამტენი გამოიყენება მსუბუქი ავტომობილების, სატვირთო მანქანებისა და მოტოციკლების ელემენტის დასამუხტად. მისი დანიშნულება მანქანის დასაქოქად საკმარისი ენერგიის გენერირება, მანქანაში სხვადასხვა ელექტრონული მოწყობილობის ეფექტური მუშაობის უზრუნველყოფა და ელექტრული ძაბვის სტაბილიზაციაა.

 

დამტენის შერჩევისას მნიშვნელოვანია გაითვალისწინოთ რამდენიმე ფაქტორი:

• ძაბვის თავსებადობა - დამტენი უნდა შეესაბამებოდეს თქვენი მანქანის ბატარეის ძაბვას, რაც ჩვეულებრივ 12 ან 24 ვოლტია;
• დამტენის ტიპი - ავტომატური დამტენები უფრო მოსახერხებელია, რადგან დამუხტვის სიჩქარეს ბატარეის მდგომარეობის მიხედვით არეგულირებს; 
• უსაფრთხოების ფუნქციები  - გადატვირთვისა და მოკლე ჩართვისგან დაცვა. 

 

რეგულარული დამუხტვა ახანგრძლივებს აკუმულატორის სიცოცხლეს და უზრუნველყოფს მანქანის ელექტრონული სისტემების გამართულ მუშაობას. ,,ინგკოს” დამტენის თან ტარებით შეძლებთსაჭიროების შემთხვევაში აკუმულატორი გზაშიც კი დატენოთ, რაც თქვენს მგზავრობას უფრო უსაფრთხოს გახდის.

 

ჰიდრავლიკური ამწეები შესაკეთებელი სამუშაოებისათვის ავტომობილის უსაფრთხოს ასაწევად გამოიყენება. მოწყობილობა ჰიდრავლიკურ წნევას -  სითხის მიერ წარმოქმნილი ძალა -  იყენებს და საშუალებას გაძლევთ ავტომობილის ქვედა ნაწილებს მარტივად მიუდგეთ.

 

ამწის შერჩევისას ყურადღება უნდა გაამახვილოთ:

 

• ტვირთამწეობაზე, რომელიც უნდა აღემატებოდეს თქვენი ავტომობილის წონას;
• მაქსიმალურ სიმაღლეზე, რაც განსაზღვრავს, სადამდე შეძლებთ ავტომობილის აწევას;
• კომპაქტურობა და მობილურობა - განსაკუთრებით მნიშვნელოვანია შეზღუდული სივრცისთვის.

 

ამწე ყოველთვის დააყენეთ მყარ, სწორ ზედაპირზე და დარწმუნდით, რომ ავტომობილი სტაბილურადაა დაფიქსირებული. არასოდეს იმუშაოთ ამწით აწეული ავტომობილის ქვეშ დამატებითი საყრდენების გარეშე.

 

გახსოვდეთ, რომ მანქანის მოვლა არ არის მხოლოდ რუტინული ვალდებულება - ეს არის ინვესტიცია თქვენი და მგზავრების უსაფრთხოებასა თუ კომფორტში. 

 ესტუმრეთ"ინგკოს" ფილიალებს ან ონლაინ მაღაზიას და  აღმოაჩინეთ ყველაფერი ავტომობილისთვის. ჩვენ გთავაზობთ არა მხოლოდ ინსტრუმენტებს, არამედ ცოდნასა და გამოცდილებას, რომელიც ავტომობილის მოვლაში  დაგეხმარებათ.