მანქანით ქალაქში გადაადგილება, როგორც წესი, განსაკუთრებული ექსცესების გარეშე ჩაივლის ხოლმე, მაგრამ დაშვებული საბურავი, დამჯდარი აკუმულატორი, ან მანქანის ნებისმიერი სხვა პრობლემა ყოველთვის შესაძლებელია, რომ თავს დაგვატყდეს.
ტრანსპორტში სწორი ინსტრუმენტების ქონა ძალიან დაგეხმარებათ, რომ თქვენით შეასრულოთ ძირითადი წვრილმანი ავტო სარემონტო და ტექნიკური სამუშაოები, რითაც დაზოგავთ დროსა და ფულს და აირიდებთ თავიდან დამატებით პრობლემებს.
რა თქმა უნდა ყველასთვის ინდივიდუალურია, თუ ვისთვის რა ხელსაწყოა უფრო მეტად გამოსადეგი, მაგრამ ჩვენ შემოგთავაზებთ ზოგად რეკომენდაციებს, თუ რომელი ხელსაწყოებით გაუმკლავდებით გაუთვალისწინებელ სიტუაციებს.
მანქანის მტვერსასრუტი
ხშირად ადამიანები მთელ ყურადღებას უთმობენ მანქანის ექსტერიერის გასუფთავებას და ავიწყდებათ ინტერიერი. რეალურად კი შიდა სივრცის გაწმენდა ძალიან მნიშვნელოვანია. გარდა იმისა, რომ სასიამოვნოა, როცა თქვენი ტრანსპორტის სალონი სუფთა და ესთეტიურად მომხიბვლელია, მტვერსასრუტი, ბევრ სხვა რამესთან ერთად, მარტივად უმკლავდება ჩამჯდარ მტვრის ნაწილაკებს, რითაც სავსეა ნებისმიერი ავტომობილის ინტერიერი.
მანქანის მტვერსასრუტის უპირატესობები:
- პატარაა
- მსუბუქია
- მარტივად გამოყენებადია
- უსაფრთხოა
- მუშაობს ბატარეაზე
- ასუფთავებს რთულად მისადგომ ადგილებს
მანქანის მტვერსასრუტი უფრო უსაფრთხოა, ვიდრე მათი დიდი ზომის კოლეგა, რომელიც მუშაობისთვის მაღალი სიმძლავრის წყაროს საჭიროებს. 20 ვოლტი სრულიად საკმარისია, რომ მინი მტვერსასრუტები იდეალურად ასრულებდნენ მათზე დაკისრებულ მოვალეობას.
არ არსებობს სხვა საშუალება, რომლითაც შეძლებთ თქვენი მანქანის უფრო ეფექტურად გაწმენდას. ხელის მტვერსასრუტი აცილებს ნებისმიერი სახის ჭუჭყს, ისეთსაც კი, რომელსაც ვერ ხედავთ. თუ გყავთ შინაური ცხოველი და თქვენ ხშირად მგზავრობთ ერთად, მაშინ შეგიძლიათ მანქანის სავარძელზე ჩარჩენილი თმები მარტივად მოაცილოთ.
საწმენდებს მოჰყვება სხვადასხვა დანამატი: შლანგი, ჯაგრისის განსხვავებული თავი, გაფართოების მილი და სხვა საჭირო ატრიბუტები.
ეს მოწყობილობა მალე გახდება თქვენი ერთ-ერთი საყვარელი ნივთი. პატარა და მოსახერხებელი, რომელიც ძალიან სწრაფად და მარტივად ასუფთავებს თქვენს ავტომობილს.
აკუმულატორის დამტენი
აკუმულატორი მანქანის ძალიან მნიშვნელოვანი ნაწილია. სხვა ყველაფერს რომ თავი დავანებოთ, მის გარეშე ავტომობილი ვერ დაიძვრება. მიუხედავად ძალიან დიდი როლისა, ხშირად ადამიანები სათანადო ყურადღებას არ აქცევენ მას. მაშინაც კი, როდესაც რეგულარულად დაჰყავთ მანქანა ავტოინსპექტირებაზე.
აკუმულატორის დამტენი არ არის ისეთი მოწყობილობა, რომელიც მხოლოდ საგანგებო სიტუაციებში გამოგადგებათ. მისი გამოყენება რეალურად ახანგრძლივებს აკუმულატორის სიცოცხლეს და შეუძლია გამოასწოროს ზედმეტი დამუხტვით, გამოწვეული ზიანი.
არსებობს ბევრი ისეთი რამ, რაც აზიანებს აკუმულატორს და თქვენ ამ მიზეზებზე კონტროლი არ გაქვთ. ექსტრემალურ სიცხეში მას მეტი დატვირთვით მუშაობა და შესაბამისად მეტი ენერგიის გამოცემა უწევს. ამის გამო აკუმულატორს თბილ კლიმატში ბუნებრივად ნაკლები სიცოცხლისუნარიანობა აქვს. ვიბრაციამ და ტენიანობამ დროთა განმავლობაში ასევე შეიძლება შეამციროს მისი ექსპლუატაციის ვადა.
ასე რომ მანქანის ამ ნაწილს ბევრი ბუნებრივი მტერი ჰყავს და მეტ დაცვას საჭიროებს.
ავტომობილის აკუმულატორის დასამუხტი INGCO ING-CB1601 ქართულ ბაზარზე გარდა ხარისხისა, გამოცემული ენერგიისა და ფასის იდეალური ნაზავით გამოირჩევა. ამ აპარატს 12/24 ვ. დამუხტვის ძაბვა აქვს. INGCO ING-CB1501-ის დამუხტვის ძაბვა კი 6/12 ვ. არის.
ასევე გამორჩეულია ფიზიკური მახასიათებლებით. ING-CB1601-ის წონა 5.6 კილოგრამია, რაც აიოლებს მანქანაში მისთვის სივრცის გამოყოფას.
მანქანის ხელსაწყოების კომპლექტი
ავტომობილის მართვისას, ყოველთვის დგება ის მომენტი, როცა ზუსტად ის ხელსაწყო არ გვაქვს, რომელიც გასაჭირის დროს დაგვეხმარება. ხშირად ზომა არ ერგება, რაღაც აქსესუარი გვაკლია და ა.შ.
ამ რთული სიტუაციის თავიდან ასარიდებლად შეიქმნა ავტომობილის ხელსაწყოების კომპლექტები რომლებიც, სხვადასხვა დამხმარე ინსტრუმენტებს ინახავს.
მანქანის ხელსაწყოები ბევრნაირი არსებობს. ქართულ ბაზარზეც შეგხვდებათ ინსტრუმენტების ნაკრების დიდი არჩევანი. მანქანაში შესანახად და სხვადასხვა სიტუაციებში გამოსაყენებლად ყველაზე მოსახერხებელი, Ingco წარმოების 100 ინსტრუმენტიანი კომპლექტია, რომელიც მოიცავს ყველა საჭირო ხელსაწყოს თქვენი ავტომობილისთვის.
ამ კომპლექტის შესაძლებლობები უსაზღვროა და ნებისმიერ დროსა და ადგილას მარტივად გადაგაწყვეტინებთ ტექნიკურ და სარემონტო პრობლემას.
ავტომობილის ამწე
მანქანის ამწე შეიძლება არ იყოს ისეთი ნივთი, რომელზეც ოცნებობთ, ან წარმოიდგენთ, რომ დაბადების დღეზე გაჩუქებენ, მაგრამ იმის გათვალისწინებით, თუ რამხელა საქმეს აკეთებს, ის ერთ-ერთი იმ მნიშვნელოვანი ხელსაწყოთაგანია, რომელიც ავტომობილში აუცილებლად უნდა გქონდეთ.
განსაკუთრებით მაშინ, როცა საბურავის პრობლემა გაქვთ და დამეთანხმებით, ეს პრობლემა მანქანის ყველა მფლობელისთვის საკმაოდ ხშირია.
მანქანის ამწე რამდენიმე ტიპის არსებობს. ჰიდრავლიკური ამწე ერთ-ერთი ყველაზე პრაქტიკულია მათ შორის, რომელიც ბევრ დროსა და ენერგიას დაგაზოგვინებთ. თქვენით შეძლებთ ნებისმიერი პროცედურის ჩატარებას, იქნება ეს საბურავის გამოცვლა, ზეთის შეცვლა, თუ სხვა ნებისმიერი სამუშაო, რისთვისაც ტრანსპორტის აწევაა აუცილებელი.
ავტომობილის ამწე INGCO HFJ201-ს 2 ტონა სიმძიმის აწევა შეუძლია. ზომაში ძალიან პატარაა, რაც მის შენახვასა და გამოყენებას ამარტივებს. აწევის მაქსიმალური სიმაღლე 340 მმ-ია.
თუ მეტი დატვირთვა და სიმაღლე გჭირდებათ, ამისთვის INGCO HFJ301 გამოგადგებათ. მაქსიმალური წონა, რომელსაც ის უმკლავდება 3 ტონაა, ხოლო სიმაღლე კი 530 მმ.
საბურავის კომპრესორი
საბურავის პრობლემა რამდენად ხშირია უკვე ვახსენეთ. საბურავის დაბერვა და საჭირო წნევის შენარჩუნება მნიშვნელოვანი ფაქტორია მანქანის ფუნქციონირებისთვის.
საბურავების დაბალი წნევა შეიძლება იყოს გარბენის შემცირების და საწვავის წვის გაზრდის მიზეზი. საწვავის მაღალი ფასების გათვალისწინებით, თქვენ შეგიძლიათ მარტივად შეამციროთ გარკვეული ხარჯები საბურავის გასაბერის დახმარებით, რადგან ის ამოწმებს საბურავის მდგომარეობას და ზრდის მის სიცოცხლისუნარიანობას.
საბუქსირე ტროსი
თუ ისეთი გამოუვალი სიტუაციაა, როცა თქვენს ავტომობილს ადგილზე ვერ შველით და მისი გადაყვანაა აუცილებელი, საბუქსირე ტროსი მარტივი გამოსავალია. არ დაგჭირდებათ ევაკუატორის გამოძახება და ზედმეტი ხარჯებისა და დროის დაზოგვით მიიყვანთ მანქანას შესაბამის დაწესებულებაში.
პირველადი დახმარების ჩანთა
ამ ბლოგში მოცემული ინსტრუმენტები თქვენი ტრანსპორტისთვისაა გამოსადეგი, ამ შემთხვევაში კი, მიუხედავად იმისა, რომ პირველადი დახმარების ჩანთა ხელსაწყოების კატეგორიაში არ გადის, ის აუცილებელი ნივთია, რომელიც თქვენ და ავტომობილში მყოფ სხვა ადამიანებს შეიძლება ძალიან გამოგადგეთ.
არსებობს ცალკე ტრანსპორტისთვის განკუთვნილი ჩანთა, რომელშიც შედის სტერილური ბინტი, პლასტირი, წყალბადის ზეჟანგი, ხელოვნური სუნთქვის ნიღაბი და სხვა საჭირო სამედიცინო ნივთები და პრეპარატები.
უნდა ავღნიშნოთ, რომ ავტომობილისთვის კონკრეტული ნივთების შერჩევა ინდივიდუალურია. ასევე ბევრი რამაა დამოკიდებული გეოგრაფიულ მდგომარეობაზე, სეზონზე და ა.შ. მაგრამ ეს უნივერსალური სია ნებისმიერი სიტუაციის შესაფერისი და რელევანტურია.
