არაფერი აქცევს სახლს ისე მიმზიდველად, როგორც კედლის განახლებული ფერი, რომელიც ინტერიერის დიზაინის მიმდინარე ტენდენციებში ჯდება. კედლის შეღებვა მხოლოდ უბრალოდ ცვლილება არ არის, ეს ერთგვარი შემოქმედებითი პროცესია, რომელსაც თქვენს საცხოვრებელში სიახლეების შემოტანა შეუძლია. მნიშვნელოვანი კი ისაა, რომ ამის გაკეთება მცირე ბიუჯეტითაც კი შეგიძლიათ. თუ ახალი მფლობელი ხართ ან უბრალოდ, სახლის ცვლილება გსურთ, მაშინ ინგკოს ფილიალებსა თუ ონლაინ მაღაზიაში საჭირო სამღებრო ხელსაწყოები და ინვენტარია ხელმისაწვდომი.
ის რაც უნდა იცოდეთ კედლის შეღებვამდე
თავდაპირველად, როცა კედლის ფერის განახლებას გადაწყვეტთ, პრაქტიკულ ეტაპზე გადასასვლელად რამდენიმე საკითხი უნდა გაითვალისწინოთ.
პირველ რიგში, კედლის შეღებვამდე მნიშვნელოვანია ზუსტად იცოდეთ რისი შეცვლა გინდათ და როგორ გააკეთებთ ამას. უნდა წარმოიდგინოთ თუ როგორ გამოიყურება თქვენი ოთახი, ამასთანავე დაფიქრდით, ოთახის ერთ ფერში გადაწყვეტა გსურთ თუ რამდენიმე ფერის კომბინაციასაც განიხილავთ. მსგავსი დეტალების წინასწარ განსაზღვრა დამატებით ხარჯსა და დროს თავიდან აგაცილებთ. ამის შემდეგ შეგიძლიათ საღებავებისა და სამღებრო ხელსაწყოების მომარაგებაზეც იზრუნოთ.
რთულია ერთი შეხედვით დაადგინოთ ესა თუ ის ფერი კედელზე დატანის შემდეგ როგორ გამოიყურება. გირჩევთ, რომ საწყის ეტაპზე საღებავის მცირე რაოდენობა იყიდოთ, როგორც ნიმუში და დატესტეთ ის. სანამ საღებავი შრება, დააკვირდით როგორ გამოიყურება ფერი დღის სხვადასხვა მონაკვეთში, რადგან ბუნებრივი განათება მის აღქმას ცვლის.
ამასთანავე, მნიშვნელოვანია, რომ შესაღები ოთახის კვადრატულობა იცოდეთ. განსაზღვრეთ სასურველი ფერის მიღებამდე კედელს რამდენი ფენა საღებავი დასჭირდება - თუ კედლები დამუშავებული არ არის, როგორც წესი, მინიმუმ ორი ფენა გამოიყენება. მნიშვნელოვანია, რომ საღებავი ხარისხის მიხედვით ყურადღებით შეარჩიოთ, რადგან საბოლოოს ფერს ხშირად მისი ხარისხიც კი განსაზღვრავს.
საღებავის შერჩევისას გაითვალისწინეთ, რომ პრიალა ვარიანტი კედელზე არსებულ ყველა ნაკლოვანებას გამოკვეთს, თუმცა მნიშვნელოვანია, რომ ასეთი ტიპის საღებავს უფრო მეტი გამძლეობა აქვს ტენის მიმართ. მატი საღებავი კი დაფარავს იმ ნაკლოვანებებს, რომლებიც კედელზეა, მაგრამ ეს უკანასკნელი მეტად მიდრეკილია ნაკაწრებისა და დაზიანებებისაკენ.
მას შემდეგ, რაც პროცესის დაგეგმვას დაასრულებთ, დროა კედლებისა და სივრცის მომზადებაზე გადახვიდეთ. პირველ რიგში, იმისათვის, რომ ოთახში განთავსებული ავეჯი და ინვენტარი არ დააზიანოთ, შეუცვალეთ ადგილმდებარეობა ან ქსოვილით დაფარეთ. ამ პროცესების გავლის შემდეგ იმედგაცრუებასა და ზედმეტ დანახარჯებს თავიდან აიცილებთ.
მნიშვნელოვანია, რომ კედლები ყურადღებით შეამოწმოთ და დაზიანებები აღმოაჩინოთ. დათვალიერების შემდეგ თუკი სადმე ხვრელს აღმოაჩენთ, იცოდეთ, რომ უნდა ამოავსოთ. ინგკოს მაღაზიებსა და ონლაინ პლატფორმაზე, შეძლებთ შეიძინოთ, როგორც სამღებრო ფუნჯი, ისე სალესი ნივთები. შემდეგი ეტაპი არსებული საღებავისაგან კედლების გასუფთავებაა. ნარჩენების მაქსიმალური მოშორებისათვის გაწმინდეთ კედლები და დაელოდეთ გაშრობას.
ამ პროცესების გავლის შემდეგ კი შეგიძლიათ საჭირო სამღებრო ხელსაწყოები მოიმარაგოთ.
სამღებრო ხელსაწყოები
იმისათვის, რომ შეძენილი საღებავი ფუჭი დანახარჯი არ აღმოჩნდეს და სამუშაოს მაღალპროფესიონალურად შესრულება შეძლოთ, მნიშვნელოვანია, რომ საჭირო სამღებრო ხელსაწყოები და ინვენტარი შეიძინოთ. გახსოვდეთ, რომ კარგად შერჩეული ხელსაწყოები სამღებრო სამუშაოების მაქსიმალური ეფექტურობის გარანტია.
იმ შემთხვევაში, თუ მთლიანი ოთახის შეღებვა გაქვთ გადაწყვეტილი, მაშინ ამ ფართობის საღებავით დასაფარად სამღებრო ლილვაკები გამოიყენეთ. მართალია, ლილვაკები საუკეთესოა დიდი სივრცის შესაღებად, თუმცა თუ კედლის მხოლოდ ერთი ნაწილის ხელახლა გადაღებვას აპირებთ, სამღებრო ფუნჯები იდეალურია მცირე ზომის ნაწილებისათვის. ამასთანავე, ეფექტური და ხარისხიანი სამუშაოსათვის, შეგიძლიათ ორივე გამოიყენოთ - ლილვაკებით შეღებოთ კედლების დიდი სივრცეები, ხოლო პატარა ზომის ფუნჯები კიდეებისათვის გამოიყენოთ, რადგან ამ გზით სიზუსტის დაცვას მოახერხებთ.
ზემოთ აღნიშნული პროდუქტებით მარტივად გაუმკლავდებით ერთი ოთახის სამუშაოებს, თუმცა თუ თქვენი საცხოვრებლის მასშტაბური განახლება გაქვთ გადაწყვეტილი ან უბრალოდ დროში ხართ შეზღუდული, მაშინ ელექტრო პულივიზატორი საქმეს მეტად გაგიმარტივებთ.
გაითვალისწინეთ, რომ პულივიზატორი დიდი ყურადღებით უნდა შეირჩეს. გასათვალისწინებელია, როგორც მისი ხარისხი, ისე ის სამუშაო, რომლისთვისაც ყიდულობთ. მაგალითად, რაც უფრო ბლანტია საღებავი, მით უფრო ძლიერი პულივიზატორის შეძენა დაგჭირდებათ. შერჩევისას ყურადღება მიაქციეთ იმ სივრცის მასშტაბს, რომლისთვისაც პულივიზატორს ყიდულობთ - რაც უფრო დიდი მოცულობის სამუშაოა შესასრულებელი, მით უფრო დიდი სიმძლავრის მოწყობილობა დაგჭირდებათ.
კედლების შეღებვისას სამღებრო ჭურჭელი აუცილებლად დაგჭირდებათ. როგორც ზემოთ აღნიშნა, მნიშვნელოვანია, რომ შეღებვამდე კედლის ზედაპირი კარგად გასუფთავდეს და გაიწმინდოს. ამისათვის კი შესაბამისი სამღებრო ხელსაწყო, მაგალითად, ქაფჩაა საჭირო. საღებავი გამოყენებამდე გაზავებას მოითხოვს. შესაბამისად საჭიროა ჭურჭელი, რომელშიც საღებავს განათავსებთ.
სათლში მოთავსებული საღებავი მარტივად გადასაადგილებელია. შეგიძლიათ სამღებრო მასალა თქვენს სიახლოვეს გქონდეთ და ამით დრო დაზოგოთ. ინგკოში კი დასაკეცი სათლის შეძენას შეძლებთ. ამასთანავე, ხელებისა და თვალების დასვრის ან დაზიანებისაგან დასაცავად მაღაზიაში, როგორც ხელთათმანს, ისე სათვალეს შეიძენთ.
გახსოვდეთ, რომ პულივიზატორი საღებავი და ხელსაწყოები მიღებული რემონტის ხარისხს განსაზღვრავს. სწორედ ამიტომ, მიმათეთ სამშენებლო და სარემონტო მასალების მაღაზია ინგკოს, რომლის მიზანი პროფესიული ხელსაწყოების მაქსიმალური ხელმისაწვდომობაა. აქ წარმოდგენილია პროდუქციის ფართო სპექტრი, როგორც სამღებრო ხელსაწყოები, ისე, მაგალითად, მოსახერხებელი ხელის მტვერსასრუტი, რომელიც რემონტის შემდგომ, სახლის მოწესრიგებაში დაგეხმარებათ.
