როგორ შევარჩიოთ ელექტრო ხერხი მეტალისთვის

რკინაზე მუშაობა რთული და ხანგრძლივი პროცესია, მითუმეტეს მაშინ როცა შესაბამისი ინსტრუმენტი არ გვაქვს. მეტალის დასამუშავებლად ძირითადად იყენებენ მაკრატელს, რომელის მოხმარებაც მომხმარებლის დიდ ძალისხმევას მოითხოვს. ამ სირთულის გადასალახად ბაზარზე შეიქმნა ახალი პროდუქცია, ელექტრო ხერხი მეტალისათვის, რომელიც მცირე დროში ასრულებს რთულ დავალებებს.

ელექტრო ხერხის უპირატესობები

● გამძლეობა და სიმყარე
● სხვადასხვა დიზაინით ჭრის ფუნქცია
● მუშაობს სხვადასხვა ტიპის და სისქის მეტალის ზედაპირზე
● ხანგრძლივი მუშაობის დრო
● ჭრის სისქე 3-5 მმ-მდე
● კომფორტული სამუშაო პროცესი, არ საჭიროებს ზედმეტ ძალისხმევას, შესაბამისად არ ხდება ხელის დაზიანება და დატვირთვა
● მაკრატლისგან განსხვავებით ჭრის პროცესში არ აზიანებს მეტალის ზედაპირსა და გვერდებს
● გამოირჩევა მოსახერხებელი დიზაინით

ლითონის ელექტრო ხერხის ტიპები

ელექტრო ხერხი მეტალისათვის ბაზარზე წარმოდგენილია სამი კატეგორიით: 
ფურცელოვანი ელექტრო ხერხი - ამ კატეგორიის ხერხით შესაძლებელია მეტალის ზედაპირის ვერტიკალურად დამუშავება
შლიცური ელექტრო ხერხი - ამ კატეგორიის ელექტრო ხერხი გარდა ფურცელოვანი ზედაპირისა, მუშაობს არასწორ ზედაპირზე, როგორიცაა პროფნასტილი და მეტალოკრამიტი და სხვა
ამომჭრელი ელექტრო ხერხი - ამ კატეგორიის ელექტრო ხერხი განსკუთვნილია მეტალის ზედაპირის შუა ნაწილში ფორმების ამოჭრისთვის.                                         

ელექტრო ხერხი მეტალისათვის მუშაობს როგორც აკუმულატორზე, ასევე ქსელით ენერგიის მიწოდებით.

რას უნდა მივაქციოთ ყურადღება ელექტრო ინსტრუმენტის შეძენისას

ელექტრო ინსტრუმენტის ყიდვამდე მომხმარებელმა უნდა გაითვალისწინოს ხელსაწყოს მონაცემები და იმ სამუშაოს მოცულობა და დატვირთვა რისთვისაც ყიდულობს ნივთს. ელექტრო ხერხი ძალიან კომპაქტურია, ხშირად გამოიყენება დემონტაჟის პროცესში, რადგან მას გააჩნია მაღალი სამუშაო სიჩქარე და ჭრის სიზუსტე. ელექტრო ხერხი ლითონისთვის ძირითადად ინდუსტრიული ტიპის ხელსაწყოა, შესაბამისად აქტიურად გამოიყენება დიდი მოცულობის სამუშაოს შესასრულებლად, მაგალითად რკინის ცეხში და სხვა. 

გასათვალისწინებელი მახასიათებლები:
● მასალა (ლითონის, უჟანგავი ლითონის და ალუმინის ზედაპირზე ხერხის მუშაობის ხარისხი და დატვირთვა განსხვავებულია).
● ძაბვა
● სიმძლავრე
● ინსტრუმენტის სვლის სიხშირე
● მანევრირება
● საჭრელი პირები
● ერგონომიკა

ძაბვა - ძაბვა არის ელექტრომამოძრავებელი ძალის განმსაზღვრელი. იქიდან გამომდინარე, რომ ელექტრო ხერხს სამუშაოს მაქსიმალური დატვირთვით შესრულება უწევს მეტალზე მუშაობის დროს, იმ ელექტრული ძალის კონტროლი ძალიან მნიშვნელოვანია, რომელიც სამუშაოს შესრულებას განაპირობებს.
ინსტრუმენტის სვლის სიხშირე - სიხშირის კონტროლი ელექტრო ხერხით მუშაობის დროს უმნიშვნელოვანესია, რადგან ის განსაზღვრავს დროის ერთეულში შესრულებული ციკლის ოდენობას. ამ სიდიდის კონტროლი მომხმარებელს უადვილებს გათვალოს სამუშაოს შესრულების დრო და დატვირთვა. დატვირთვა, როგორც შემავალი ძალით, ასევე დატვირთვის გარეშე სიჩქარით გამოწვეული.
საჭრელი პირები - ელექტრო ხელსაწყოს მეტალისათვის აქვს განსხვავებული საჭრელი პირები, რაც განკუთვნილია რკინის ზედაპირის სხვადასხვა ფორმისა და დიზაინით დასამუშავებლად. ამასთან გასათვალისწინებელი ფაქტორია, აქვს თუ არა ხელსაწყოს საჭრელი პირების დაშორების რეგულირების შესაძლებლობა, რაც სხვადასხვა სისქის და ტიპის ლითონზე მოგვცემს მუშაობის შესაძლებლობას. ასევე მნიშვნელოვანი ფაქტორია რამდენად ადვილად ეცვლება პირები, რამდენად ხელმისაწვდომია და არის თუ არა უნივერსალური.
ერგონომიკა - ელექტრო ინსტრუმენტი გამოირჩევა კომფორტული მოხმარებითა და ერგონომიულობით. ინსტრუმენტის შერჩევისას მომხმარებლმა ყურადრება უნდა მიაქციოს დიზაინს, ღილაკებსა და დაცვის მექანიზმს, თუ რამდენად მორგებულია მის საჭიროებებს.

უსაფრთხოების ზომები

● მუშაობის პროცესში რეკომენდებულია ინსტრუმენტის შესვენება, რადგან გადახურებამ არ მიაყენოს ფიზიკური ზიანი მომხმარებელს. ამ სიდიდის კონტროლი მაქსიმალურად იცავს მომხმარებელს ფიზიკური დაზიანების მიღებისგან.ელექტრო ხერხი მუშაობის პროცესში ცხელდება, არ შეიძლება მისი შენახვა გაგრილებამდე, და აღჭურვილობის გარეშე შეხება, რომ თავიდან აიცილოს მომხმარებელმა სავალალო შედეგები.
● რეკომენდებულია დამცავი ფარისა და ხელთათმანის გამოყენება
● აკრძალულია ნესტიან და ძლიერ მტვრიან ადგილებში ინსტრუმენტის გამოყენება